काळ्या वाटाण्याची आमटी - Kala Vatana Amti

Kalya Vatanyachi Amati in English


साहित्य:
एक कप काळे वाटाणे
कांदा-नारळ पेस्टसाठी: १/४ कप खवलेला ओला नारळ, १/२ कप कांदा, उभा चिरून, १ टेस्पून तेल
फोडणीसाठी
२ टेस्पून तेल, १/४ टिस्पून मोहोरी, १/२ टिस्पून जिरे, १/८ टिस्पून हिंग, १/४ टिस्पून हळद, १ टिस्पून लाल तिखट, ४ कढीपत्ता पाने
१/२ कप बारीक चिरलेला कांदा
१ टिस्पून धणेपूड
१ टिस्पून जिरेपूड
३ आमसुलं
१ टिस्पून गूळ
१ टेस्पून काळा मसाला
चवीपुरते मिठ

कृती:
१) काळे वाटाणे ८ ते १० तास भिजवावेत. नंतर पाणी काढून टाकावे आणि मोड येण्यासाठी सुती कापडात गच्चं बांधून ठेवावेत (कमीतकमी १० ते १२ तास).
२) पॅनमध्ये १ टेस्पून तेल गरम करावे. कांदा नीट परतून घ्यावा. कांदा व्यवस्थित शिजला पाहिजे, कच्चा राहू देऊ नये. नंतर नारळ घालून परतून घ्यावे. (टीप) हे मिश्रण थोडे गार झाले कि मिक्सरमध्ये बारीक पेस्ट करून घ्यावी.
३) लहान कूकरमध्ये २ टेस्पून तेल गरम करावे. त्यात मोहोरी, जिरे, हिंग, हळद, आणि कढीपत्ता घालून फोडणी करावी. त्यात भिजवून मोड आलेले वाटाणे घालून एक मिनीटभर परतावे. नंतर त्यात धणेजिरेपूड घालून परतावे. गरजेपुरते पाणी घालावे (साधारण १ ते दिड कप). चवीपुरते मिठ, काळा मसाला आणि आमसुलं घालावीत. मिक्स करून कूकर बंद करावा आणि ५ ते ७ शिट्टया किंवा वाटाणे शिजेपर्यंत शिट्ट्या कराव्यात.
४) कूकर थंड झाला कि उघडावा त्यात कांदा-नारळ पेस्ट घालून उकळी काढावी. आता गुळ घालावा. गरजेनुसार पाणी वाढवावे. चव पाहून तिखट आणि मिठ अड्जस्ट करावे.
हि वाटाण्याची आमटी गरमागरम भाताबरोबर सर्व्ह करावी.

टीप:
१) जर सुके खोबरे वापरायचा असेल तर कांदा परतायच्या आधी सुका नारळ परतावा नंतर कांदा घालावा.
२) काही जणांना कडधान्याची आमटी फोडणीला टाकून प्रेशर कूक करायला आवडत नाही. अशावेळी, आधी प्रेशरकूकरमध्ये फक्त वाटाणे मिठ घालून शिजवून घ्यावेत. आणि नेहमीच्या फोडणीसारखे, कढईत फोडणीस टाकावेत.
३) ताजा खोवलेला नारळ वापरत असाल तर आवडीनुसार जास्त घातला तरी चालेल.
४) सुके खोबरे तेलात चांगले भाजून घेतल्याने त्याचा खमंगपणा या आमटीला छान लागतो. मी ओला नारळ व सुके खोबरे वापरून दोन्ही पद्धतीने आमटी बनवली. ओल्या नारळापेक्षा सुके खोबरे या आमटीत जास्त चांगले लागते, फक्त खोबरे तेलात छान खमंग भाजले गेले पाहिले.

Labels:
Kala Vatana Amati, Vatanyachi Amti, Maharashtrian Amti, Kalya vatanyache sambhar

भरली भेंडी - Bharli Bhendi Masala

Bharli masala Bhendi in English


साहित्य:
२३ ते २५ कोवळी भेंडी (मध्यम आकाराच्या)
१/२ कप कांदा, उभा चिरून
१ टेस्पून जिरेपूड, १ टेस्पून धणेपूड, १ टिस्पून आमचूर पावडर
१/४ टिस्पून हळद, १ टिस्पून लाल तिखट
चवीपुरते मिठ
फोडणीसाठी:
३ टेस्पून तेल, १/४ टिस्पून मोहोरी, १/२ टिस्पून जिरे, १/४ टिस्पून हिंग, १/४ टिस्पून हळद
४-५ कढीपत्ता पाने
सजावटीसाठी कोथिंबीर

कृती:
१) भेंडी स्वच्छ घुवून, पुसून घ्यावी. भेंडीची देठं कापून घ्यावीत. प्रत्येक भेंडीला एका बाजूने चिर द्यावी पण दोन तुकडे करू नयेत.
२) जिरेपूड, धणेपूड, हळद, लाल तिखट आणि आमचुर पावडर एका लहान वाडग्यात एकत्र मिक्स करून घ्यावे. चवीपुरते मिठ घालावे. हे तयार मिश्रण प्रत्येक भेंडीमध्ये भरावे. तसेच भेंडी या मिश्रणात थोडी घोळवून घ्यावी. अशाप्रकारे सर्व भेंडी तयार कराव्यात. उरलेला मसाला नंतरच्या वापरासाठी ठेवून द्यावा.
३) नॉनस्टिक पॅन गरम करावा. त्यात ३ टेस्पून तेल घालून गरम होवू द्यावे. नंतर मोहोरी, जिरे, हिंग, हळद आणि कढीपत्ता पाने घालून फोडणी करावी. चिरलेला कांदा फोडणीस घालावा.
४) कांदा अर्धा शिजला कि त्यात भरलेली भेंडी घालावी. हलक्या हाताने, भरलेला मसाला बाहेर पडू न देता मिक्स करावे. ज्यामुळे तेल सर्व भेंडीला लागेल. गॅस एकदम मंद ठेवावा आणि वरून झाकण ठेवून भेंडी शिजू द्यावी. दर तीन ते चार मिनीटांनी भाजी हलक्या हाताने ढवळावी.
५) भेंडी शिजत आली कि उरलेला मसाला गरजेनुसार घालावा व लागल्यास किंचीत मिठ भुरभूरवावे.
गरम गरम भरली भेंडी पोळीबरोबर सर्व्ह करावी.

टीप:
१) वाफ काढताना गरज वाटल्यास, भेंडीच्या बाजून एखादा चमचा तेल सोडावे.

Labels:
Masala Bhendi, Bhindi Masala, bhindi fry

दाल माखनी - Dal Makhani

Dal Makhani in English

Dal Makhani is a delicacy from Punjab in India. This Dal is cooked in lot of Butter and taste great. (Dal - Cooked Lentils and Makhani (Makkhan in hindi) - Butter)
Traditionally this dal was cooked slowly, for hours, on charcoal. This gave it a creamier texture. Traditionally cooked in a Punjabi houses, it had ‘malai’ (thick creamy skin that forms on top of milk) or fresh butter added to it. Dal Makhani can be served with Paratha, Naan, Roti or even Rice.

वाढणी: ३ ते ४ जणांसाठी

साहित्य:
१/२ कप अख्खे उडीद, सालासकट
१/४ कप राजमा (रेड बिन्स)
३ टेस्पून आलेलसूण पेस्ट
२ + २ बटर
१ टिस्पून जिरे
१/२ टिस्पून हळद
२ मध्यम टॉमेटो
१ टिस्पून गरम मसाला पावडर किंवा खडा मसाला (२ लवंगा, २ वेलची, १ तमालपत्र, १ लहान दालचिनीचा तुकडा)
१/२ कप कांदा, बारीक चिरून
२ टिस्पून लाल तिखट
१ टिस्पून धणेपूड
१ टिस्पून जिरेपूड
१/२ टिस्पून आमचूर पावडर
१/२ टिस्पून कसूरी मेथी
१/२ कप दूध
चवीपुरते मिठ
कोथिंबीर सजावटीसाठी

कृती:
१) उडीद आणि राजमा धुवून ६ ते ८ तास पाण्यात भिजवून ठेवावे. प्रेशर कूकरमध्ये भिजवलेले उडीद आणि राजमा दुप्पट पाणी घालून मऊसर शिजवून घ्यावेत. साधरण ४ ते ५ शिट्ट्या कराव्यात.
२) टॉमेटो प्युरीसाठी एक खोलगट पॅनमध्ये टॉमेटो बुडतील इतपत पाणी गरम करावे. त्यात २ टॉमेटो घालून २ मिनीटे उकळवावे आणि बाहेर काढून थंड होवू द्यावेत. साले आणि बिया काढून टाकाव्यात उरलेला भाग आणि थोडे पाणी मिक्सरमध्ये घालून प्युरी करून घ्यावी.
३) खोलगट पॅनमध्ये बटर घालून मध्यम आचेवर वितळू द्यावे. त्यात जिरे, हळद घालावी. [जर अख्खा गरम मसाला घालणार असाल तर तो आत्ता घालावा. काही सेकंद परतावे.]
४) आलेलसूण पेस्ट आणि लाल तिखट घालावे. काही सेकंद परतून त्यात चिरलेला कांदा घालून परतावे. कांदा निट परतल गेला कि टॉमेटो प्युरी घालून मध्यम आचेवर, पॅनवर झाकण ठेवून ५ ते ७ मिनीटे शिजू द्यावे. मधेमधे ढवळावे.
५) धणे-जिरेपूड घालावी आणि ढवळावे. शिजवलेले उडीद आणि राजमा घालावे. थोडावेळ मॅश करावे. गरजेपुरते पाणी घालून मधम आचेवर उकळी काढावी.
६) जर तुम्ही आख्खा गरम मसाला घातला नसेल तर आता गरम मसाला पावडर घालावी. नंतर कसूरी मेथी, मिठ आणि आमचूर पावडर घालून ढवळावे. अजून थोडे पाणी घालून घट्टपणा अड्जस्ट करावा. पॅनवर झाकण ठेवून २० ते २५ मिनीटे कमी आचेवर शिजू द्यावे. मधेमधे ढवळावे, डाळ पॅनच्या तळाला चिकटू देवू नये.
७) २ टेस्पून बटर घालून अजून १० मिनीटे वाफ काढावी. १० मिनीटांनी १/२ कप दूध घालावे आणि ढवळावे. परत झाकण ठेवून मध्यम आचेवर ५ मिनीटे वाफ काढावी.
गरम दाल मखनी कोथिंबीरीने सजवून रोटी, नान, किंवा भाताबरोबर सर्व्ह करावे.

Labels:
Dal Makhani, Malai Dal, Punjabi Dal Makhani

डाळींबी उसळ - Dalimbi Usal

Dalimbi Usal in English

वाढणी: २ जणांसाठी



साहित्य:
३/४ कप वाल
फोडणीसाठी:
१ टेस्पून तेल, १/४ टिस्पून मोहोरी, १/२ टिस्पून जिरे, १/८ टिस्पून हिंग, १/४ टिस्पून हळद, १/२ टिस्पून लाल तिखट
४ कढीपत्ता पाने
२ टेस्पून सुका नारळ
१ टिस्पून जिरे
१ टिस्पून गूळ
२ आमसुलं
१/४ कप कोथिंबीर
२ टेस्पून ओला नारळ
चवीनुसार मिठ

कृती:
१) वाल कोमट पाण्यात १० ते १२ तास भिजत ठेवावे. नंतर पाणी काढून टाकून भिजलेले वाल मोड आणण्यासाठी पंच्यात ८ ते १० तास गच्च बांधून ठेवावे. डाळींब्यांना मोड आले कि कोमट पाण्यात १० मिनीटे टाकून ठेवावे. डाळींब्या सोलून घ्याव्यात. मोड आलेल्या डाळींब्या हाताळताना त्या अख्ख्या राहतील याची काळजी घ्यावी. साधारण सव्वा ते दिड कप डाळींब्या होतील.
२) कढईत किसलेला सुका नारळ मध्यम आचेवर भाजून घ्यावे. नंतर जिरे खरपूस भाजून घ्यावे. नंतर भाजलेला नारळ आणि भाजलेले जिरे निट कुटून घ्यावे.
३) कढईत तेल गरम करावे. त्यात १/४ टिस्पून मोहोरी घालून तडतडू द्यावी. नंतर जिरे, हिंग, हळद, आणि लाल तिखट घालून फोडणी करावी. कढीपत्ता आणि कोथिंबीर घालावी. थोडावेळ परतून डाळींब्या घालाव्यात. हलक्या हाताने परतावे. थोडा पाणी घालावे. १ ते २ टिस्पून कुटलेले जिरे-खोबरे, आमसुलं आणि मिठ घालून वाफ काढावी.
४) डाळींब्या अर्ध्या शिजल्या कि गूळ घालून वाफ काढावी. डाळींब्या खुप नाजुक असतात पटकन मोडल्या जातात म्हणून हलक्या हाताने परतावे.
उसळ तयार झाली कि ओला नारळ घालावा. गरमागरम पोळ्यांबरोबर सर्व्ह करावे.

Labels:
Dalimbyanchi Usal, Valachi Usal, Dalimbi Usal

भोपळा भरीत - Lal Bhoplyache Bharit

Bhoplyache Bharit in English

वाढणी: २ ते ३ जणांसाठी


साहित्य:
२ कप लाल भोपळ्याच्या मध्यम फोडी (साल काढून)
१/२ टिस्पून तूप
१/२ टिस्पून जिरे
३ हिरव्या मिरच्या, उभ्या चिरून
१/४ कप कोथिंबीर, बारीक चिरून
१/२ ते ३/४ कप दही
चवीनुसार मिठ, साखर

कृती:
१) भोपळ्याच्या फोडी कूकरमध्ये उकडून घ्याव्यात. थंड झाल्यावर चमच्याने मॅश करून घ्याव्यात. खुप गुठळ्या राहू देवू नये.
२) लहान कढल्यात तूप गरम करावे. तूप गरम झाले कि जिरे आणि मिरच्या घालून फोडणी करून उकडलेल्या भोपळ्यात घालावी. चवीनुसार मिठ आणि किंचीत साखर घालावी. दही आणि कोथिंबीर घालून निट मिक्स करावे.

टीप:
१) हे भरीत उपवासालाही चालते. उपवासाव्यतिरिक्त दिवशी फोडणीत हळद, हिंग, मोहोरी घातली तरी चालते.
२) शेंगदाण्याचा कूट घातल्यास चव छान येते.

Labels:
Bhoplyache Bharit, Bhopala Bharit, Pumpkin Raita, Kaddu Raita

बिटाची कोशिंबीर - Beetachi Koshimbir

Beetroot salad in English


साहित्य:
३/४ कप किसलेले बिट (साधारण १ बिट)
१/४ कप बारीक चिरलेला कांदा
१/४ कप बारीक चिरलेला टोमॅटो
१/२ टिस्पून जिरेपूड
१ टेस्पून शेंगदाणा कूट
१ टेस्पून कोथिंबीर, बारीक चिरून
१ टिस्पून लिंबाचा रस
मिठ साखर चवीनुसार

कृती:
१) बिट शक्यतो कच्चेच घ्यावे, पण कच्च्या बिटाची चव आवडत नसेल तर कूकरमध्ये १ शिट्टी करून अगदी थोडेच शिजवून घ्यावे. जास्त शिजवू नये.
२) बिटाचे साल काढून बिट किसून घ्यावे. त्यामध्ये वरील जिन्नस एकत्र करून चमच्याने एकजीव करून घ्यावे.

जेवणात हि बिटाची कोशिंबीर तोंडीलावणी म्हणून छान लागते.

Labels:
Beetroot raita, Beetachi koshimbir, beetroot recipe, beetroot salad recipe

मठ्ठा - Mattha

Mattha Spiced Buttermilk (English Version)



साहित्य:
१/२ कप दही
१ कप पाणी
१ टेस्पून कोथिंबीर
२ चिरलेली पुदीना पाने
१/४ टिस्पून जिरे
१/४ टिस्पून किसलेले आले
चवीनुसार मिठ

कृती:
१) प्रथम दही रवीने घोटून घ्यावे. मग त्यात पाणी घालून घुसळून घ्यावे.
२) खलबत्त्यात घालून जिरे भरडसर कुटून घ्यावे. कुटलेले जिरे आणि किसलेले आले, घुसळलेल्या ताकात घालावे.
३) एका वाटीत १ टेस्पून बारीक चिरलेली कोथिंबीर आणि चिरलेली पुदीना पाने घ्यावीत. त्यात २ चिमटी मिठ घालून कुस्करून घ्यावे, म्हणजे मठ्ठा पिताना त्याची पाने तोंडात येणार नाहीत. हि कुस्करलेली कोथिंबीर व पुदीना पाने मठ्ठ्यात घालावी. चवीनुसार मिठ वाढवावे.
सर्व एकत्र ढवळून जेवणानंतर सर्व्ह करावे.

टीप:
१) किंचीत तिखटपणा हवा असेल तर अगदी चिमूटभर मिरचीची पेस्ट घालावी.

Labels:
Spiced Buttermilk, buttermilk recipes, Mattha recipe, how to make Mattha

मसूर उसळ - Masoor Usal

Masoor Usal (Egnlish Version)

साहित्य:
१ वाटी मसूर
१ कांदा
१/४ कप ओलं खोबरं
फोडणीसाठी : २ चमचे तेल,१/४ टिस्पून मोहोरी, १/४ टिस्पून हिंग, १/४ टिस्पून हळद, १ टिस्पून लाल तिखट
२-३ कढीपत्ता पाने
१-२ आमसुलं
१ टिस्पून साखर
मीठ
चिरलेली कोथिंबीर

कृती:
१) १ वाटी मसूर रात्रभर पाण्यात भिजवावे. पाणी काढून टाकावे व सुती कापडात मोड येण्यासाठी १०-१२ तास गच्चं बांधून ठेवावेत.
२) नंतर कांदा बारीक चिरून घ्यावा. कढईत २-३ चमचे तेल गरम करावे. मोहोरी, हिंग, हळद, लाल तिखट घालून फोडणी करावी. कढीपत्ता घालावा, खवलेला नारळ घालावा, कांदा फोडणीस घालावा. मीठ घालावे.
३) कांदा परतावा. कांदा परतला गेला कि मग मोड आलेले मसूर आणि आमसुल घालावे. मध्यम आचेवर मसूर वाफेवरच शिजवावे, पाणी घालू नये. मधेमधे ढवळावे. साखर घालावी. मसूर वाफेवर छान शिजले कि कोथिंबीर घालावी.
गरम गरम पोळीबरोबर मसूराची उसळ सर्व्ह करावी.

टीप:
१) जर वातावरण फार थंड असेल तर भिजवलेल्या कडधान्याला मोड लगेच येत नाहीत. अशावेळी मसूर सुती कापडात गच्चं बांधून घ्यावेत. ओव्हन २ मिनीटं प्रिहीट करावा. ओव्हन off करावा आणि बांधलेले मसूर ओव्हनमध्ये ठेवावे. काही तासांनी व्यवस्थित मोड येतात. इतर कोणतेही कडधान्य असेल त्यांनासुद्धा अशाच पद्धतीने मोड काढता येतात.

Labels:
Masoor Usal, Maharashtrian Masoor Usal Recipe, Lentils

Masoor Usal

Masoor Usal

Ingredients:
½ cup Masoor (whole brown lentils)
1 medium onion
¼ cup fresh grated Coconut
For tempering: 2 tsp Oil, ¼ tsp Mustard Seeds, ¼ tsp Asafoetida Powder, ¼ tsp Turmeric Powder, 1 tsp Red chili Powder
2-3 Curry leaves
1-2 Kokum
1 tsp Sugar
Salt to taste
2 tbsp chopped cilantro for garnishing


Method:
1) Soak ½ cup Masoor overnight in water. Drain and put them into clean cotton cloth. Hold all the edges of cloth and tie tightly. Keep it in warm place, atleast for 10-12 hours.
2) After Masoor gets sprouted, finely chop onion. Heat 2 tsp oil in a wok, add Mustard seeds, Asafoetida Powder, Turmeric Powder, Red chili Powder, 2-3 Curry leaves and grated coconut. Then add chopped onion. Add salt.
3) Stir fry onion till it becomes translucent. Then add Sprouted Masoor and Kokum. Cover the wok with lid. Keep the heat on medium. Do not add water. let the Masoor cook on steam. Sauté in between. Add sugar.
4) Once masoor are done, garnish with cilantro. Serve hot with Chapati.

Note:
1) If you climate is cold, it coul slow down the sprouting process. Then just preheat the oven for 2 minutes. Turn off the oven and Put the tied masoor in the oven. It will keep Masoor warm and make them sprout.

कुळथाचे कळण - Kulathache kalan

Kulathache Kalan (English Version)

कुळथाची उसळ बनवण्यासाठी कुळीथ शिजवून घ्यावे लागतात. कुळीथ शिजवल्यावर उरलेल्या पाण्यापासून चवदार कळण बनवता येते, त्याची हि कृती



साहित्य:
१ वाटी कुळीथाचे पाणी
(कुळीथ शिजवून उरलेले पाणी)
१ वाटी आंबट ताक
१ हिरवी मिरची
१/२ टिस्पून साजूक तूप
१/४ टिस्पून जिरे
चिमूटभर हिंग
मीठ
१ चमचा चिरलेली कोथिंबीर

कृती:
१) एका पातेल्यात कुळथाचे पाणी घ्यावे. मध्यम आचेवर कोमट करावे. नंतर त्यात तयार ताक घालावे.
२) मिरची चिरावी व थोडे मिठ घालून चुरडून घ्यावी. चुरडलेली मिरची कुळथाच्या पाण्यात घालावी. चवीनुसार मिठ वाढवावे.
३) लहान कढल्यात तूप गरम करून जिरं, हिंग घालून फोडणी करावी. कोमटसर कुळथाच्या पाण्याला हि फोडणी वरून घालावी व पिण्याइतपतच गरम करावे. खुप गरम करू नये.
४) कोथिंबीर घालावी. हे कळण नुसते प्यायला आणि भाताबरोबरही छान लागते.

टीप:
१) आवडत असल्यास फोडणीत कढीपत्ता घालू शकतो.

Labels:
Kulathache Kalan, Horse Gram Soup, Soup Recipe, Maharashtrian Soup Recipe, Kulith Kalan

कुळीथ उसळ - Kulith Usal

Kulith Usal (English Version)


साहित्य:
पाउण वाटी कुळीथ
फोडणीसाठी:
२ चमचे तेल, १/२ टिस्पून मोहोरी, १/२ टिस्पून जिरे, चिमूटभर हिंग, १/२ टिस्पून हळद, १ टिस्पून तिखट
१ ते दिड चमच गोडा मसाला
२-३ आमसुलं
सुपारीएवढा गूळ
मीठ
कोथिंबीर

कृती:
१) पाउण वाटी कुळी रात्रभर पाण्यात भिजत घालावेत (किमान १०-१२ तास). नंतर ते उपसून निथळत ठेवावेत. भिजलेले कुळीथ स्वच्छ पंचामध्ये मोड येण्यासाठी किमान ७-८ तास घट्ट बांधून उबदार ठिकाणी ठेवावेत.
२) कूकरच्या तळाला २ भांडी पाणी घालावे. मोड आलेले कुळीथ कूकरच्या डब्यात घ्यावेत. त्यात दुप्पट पाणी घालावे व कुळीथ शिजवून घ्यावे. कूकरच्या खुप शिट्ट्या करू नये. कुळीथ जास्त प्रमाणात शिजू देवू नये, कुळीथ अख्खे राहिले पाहिजेत.
३) शिजलेले कुळीथ व पाणी वेगवेगळे करावे. या पाण्याचे कळण करता येते.
४) कढईत २ चमचे तेल गरम करावे. त्यात मोहोरी, जिरे, हिंग, हळद, लाल तिखट घालून फोडणी करावी. शिजलेले कुळीथ फोडणीस टाकावे. सावकाशपणे ढवळून मिठ, गोडा मसाला आणि आमसुल घालावे. मध्यम आचेवर १ वाफ काढावी. नंतर त्यात गूळ घालावा. गरज पडल्यास किंचीत पाणी घालावे व एक उकळी काढावी.

Labels: Kulith Usal, Horsegram Usal, Kulathachi Usal

चण्याचे पिठले - Chanyache Pithale

Pithale (English Version)

साहित्य:
३/४ मध्यम वाटी चण्याचे पिठ
१ कांदा
३-४ लसूण पाकळ्या (ऑप्शनल)
फोडणीचे साहित्य: मोहोरी, जिरे, हिंग, १ लहान चमचा हळद, कढीपत्ता
२-३ बारीक चिरलेल्या हिरव्या मिरच्या
३-४ आमसुल
२-३ चमचे तेल
मिठ
कोथिंबीर

कृती:
१) चण्याचे पिठ पाण्यात गुठळ्या न होता मिक्स करून घ्यावे.
२) कढईत तेल गरम करून मोहोरी, जिरे हिंग, हळद, कढीपत्ता, हिरव्या मिरच्या घालून फोडणी करावी. त्यात लसूण पाकळ्या बारीक करून किंवा ठेचून घालाव्यात. बारीक चिरलेला कांदा फोडणीस घालावा.
३) कांदा निट परतला कि गॅस बारीक करून त्यात भिजवलेले चणा पिठ घालावे. लगेच थोडे पाणी घालावे. गुठळ्या न होता ढवळावे. आवश्यक तेवढा पातळपणा ठेवावा. आमसुल आणि मिठ घालून उकळी काढावी.

गरम गरम पिठले तूप भाताबरोबर झकासच लागते.

Labels:
Pithale, Maharashrian Pithale, Zunka Recipe, Pithala Recipe, Pithla Recipe

पालकाची पातळ भाजी - Palakachi Patal bhaji

Palakachi Patal Bhaaji (English Version)

मला अळूची भाजी प्रचंड आवडते. पण या अमेरीकेतील Indian Stores मध्ये कोमेजून गेलेला अळू बघून तो घ्यावासाच नाही वाटत !! यावर माझ्या सासुबाईंनी एक मस्त आयडीया सांगितली. अळूच्याच भाजीची चव असलेली पालकाची सुद्धा भाजी करता येते !!
हि पालकाची भाजी चवीला अगदी अळूच्या भाजीसारखी लागते (अळूचे फदफदे). ज्यांना अळूची भाजी आवडते आणि अळू जर सहज उपलब्ध नसेल तर हि भाजी नक्की करून पाहा.

साहित्य:
१ जुडी पालक
१ मूठ शेंगदाणे
१ मूठ चणाडाळ
२-३ चमचे तुकडा काजू (ऑप्शनल)
फोडणीसाठी : ४ चमचे तेल, मोहोरी, हिंग, हळद, २-३ हिरव्या मिरच्या
१/२ लहान चमचा मेथी दाणे (ऑप्शनल)
१ चमचा भरून चणापिठ
१ चमचा काळा मसाला
३-४ चमचे चिंचेचा कोळ
१ ते दिड चमचा किसलेला गूळ
मिठ

कृती:
१) शेंगदाणे आणि चणाडाळ ७-८ तास पाण्यात भिजत ठेवावेत. चणाडाळ आणि शेंगदाणे भिजले कि कूकरमध्ये २-३ शिट्ट्या करून शिजवून घ्यावे. शिजवताना किंचीत मिठ घालावे.
२) पालकाची पानं खुडून ती पाण्यात स्वच्छ करून घ्यावीत. थोडावेळ मोठ्या भोकाच्या चाळणीत पाघळत ठेवावी. नंतर पाने बारीक चिरून घ्यावीत.
३) पातेल्यात तेल गरम करावे. मोहोरी, हिंग, हळद, मिरच्यांचे बारीक तुकडे, मेथीदाणे घालून फोडणी करावी. मध्यम आचेवर त्यात चिरलेला पालक घालावा. पालकाला पाणी सुटले कि त्यात चणापिठ घालावे. आणि चणापिठाबरोबर पालक चांगला घोटावा. चणापिठाच्या गुठळ्या होवू देवू नयेत. २-३ मिनीटे परतावे. चणापिठ घातल्याने पालक चांगल्याप्रकारे घोटला जातो.
४) पालक चांगला घोटला गेला कि त्यात शिजवलेले शेंगदाणे आणि चणाडाळ घालावी, आवडत असल्यास काजूचे तुकडे घालावे. काळामसाला घालावा. थोडे पाणी, चिंचेचा कोळ, मिठ, आणि गूळ घालावा. १ -२ वेळा उकळी काढावी.
हि भाजी जरा घट्टसरच असते अळूच्या भाजीसारखी त्यामुळे आवश्यक तेवढेच पाणी घालावे.

टीप:
१) या भाजीत आवडत असल्यास लसूण फोडणीत घालू शकतो.

Labels:

Spinach Curry, Indian spinach curry, Spicy spinach curry, spinach soup, healthy recipe

भरली वांगी - Bharli Vangi

Stuffed Eggplant in English

वाढणी: २ ते ३ जणांसाठी
वेळ: ४० मिनिटे

साहित्य:
६ ते ८ छोटी वांगी
१/२ ते ३/४ कप खवलेला ओला नारळ
३ ते ४ टेस्पून भाजलेल्या शेंगदाण्याचा कूट
१ टीस्पून लाल तिखट किंवा चवीनुसार
१ टीस्पून तिळ
१/२ टीस्पून जिरेपूड
१/२ टीस्पून धनेपूड
२ टीस्पून गोडा मसाला
२-३ टीस्पून किसलेला गूळ
३ टेस्पून चिंचेचा घट्ट कोळ
फोडणीचे साहित्य : ३ टेस्पून तेल, १/८ टीस्पून मोहोरी, १/४ टीस्पून हिंग, १/४ टीस्पून हळद,
चवीपुरते मीठ
कृती:
१) सारणासाठी नारळ, शेंगदाण्याचा कूट, तिळ, गोडा मसाला, लाल मिरच्या एकत्र करावे. वाटल्यास मिक्सरमध्ये बारीक करावे म्हणजे सारण मिळून येईल.
२) चिंचेच्या कोळात किसलेला गूळ घालून मिक्स करावे. गूळ विरघळला कि ते मिश्रण सारणात घालावे. मिठ, जिरेपूड घालावी.
३) वांगी स्वच्छ धुवून त्याच्या दांड्या बघाव्यात, जर त्यावर काटे असतील तर काटे कापून टाकावे. वांग्याला वरून अधिक चिन्हासारखे काप द्यावेत, पण पूर्ण कापून फोडी करू नयेत. कारण आपल्याला वांग्यात सारण भरायचे आहे.
४) सारण वांग्यात भरावे. थोडे सारण ग्रेव्हीसाठी बाजूला काढून ठेवावे. कढईत ३ चमचे तेल गरम करावे. मोहोरी, हिंग, हळद, थोडे लाल तिखट घालून फोडणी करावी. बाजूला काढून ठेवलेली ग्रेव्ही घालावी, थोडे पाणी घालावे पाण्यात थोडे मिठ घालावे ज्यामुळे वांग्याच्या आत थोडे मिठ मुरेल. अलगदपणे भरलेली वांगी घालावीत. झाकण ठेवून मध्यम आचेवर उकळी काढावी. मधेमधे वांगी पलटावीत. तसेच गरजेनुसार थोडे थोडे पाणी घालावे.
५) सुरीने वांगी शिजली आहेत कि नाही हे तपासून घ्यावे (टीप ४). वांगी नीट शिजली कि भाकरी किंवा पोळीबरोबर गरमागरम सर्व्ह करावीत.

टीप:
१) बाजारातून वांगी घेताना कोवळी, आकाराने छोटी वांगी घ्यावीत.
२) जर वांगी कढईत शिजवण्यासाठी वेळ नसेल तर कूकरमध्ये २ शिट्या कराव्यात. पण कूकरपेक्षा बाहेर शिजवलेली वांगी जास्त चविष्ट लागतात.
३) जर कांदा आवडत असेल तर फोडणीत बारीक चिरलेला थोडा कांदा परतावा. आणि मग वांगी घालावीत.
४) सुरी वांग्यात आरपार जाते पण कधीकधी मसाला वांग्यात आतपर्यंत मुरलेला नसतो. आणि मग मसाला न मुरल्याने वांगी तूरट लागतात. म्हणून एखादे वांगे अलगद उघडून पहावे. आतमध्ये जर थोडे पांढरट असेल तर अजून शिजू द्यावे.

मूगाची आमटी - Moog Amati

Moog amati (English Version)


साहित्य:
१ वाटी हिरवे मूग
२ चमचे खवलेला नारळ
फोडणीसाठी : २ चमचे तेल, १/४ टिस्पून मोहोरी, १/४ टिस्पून जिरे, चिमुटभर हिंग, १/४ टिस्पून हळद, १ टिस्पून लाल तिखट, ३-४ कढीपत्ता पाने
२ पाकळ्या लसूण
१ लहान कांदा (ऑप्शनल)
१ लहान टोमॅटो
सुपारीएवढी चिंच
१ टिस्पून गूळ
२ टिस्पून गोडा मसाला
मीठ
कोथिंबीर

कृती:
१) मूग १०-१२ तास भिजत घालावे. पाण्यातून उपसून जाड सुती कापडात ८-१० तास गच्च बांधून मोड येऊ द्यावेत.
२) मोड आले कि त्यातील कडक राहिलेले मूग काढून टाकावे. मूग २ शिट्ट्या करून कूकरमध्ये शिजवून घ्यावे.
३) कढईत तेल गरम करावे. मोहोरी, जिरे, हिंग, हळद, लाल तिखट, कढीपत्ता,ठेचलेल्या लसूण पाकळ्या घालून फोडणी करावी. नारळ परतावा. जर कांदा वापरणार असाल तर कांदा उभा बारीक करून घालावा. कांदा परतला कि त्यात टोमॅटोच्या फोडी घालाव्यात.
४) टोमॅटो १-२ मिनीटे परतून त्यात मूग घालावे. मूग १-२ मिनीटे परतून त्यात २ भांडी पाणी, चिंच घालावी.
५) एक उकळी काढून गूळ आणि गोडा मसाला घालावा. मीठ घालावे. थोडा वेळ मध्यम आचेवर उकळू द्यावे. चिरलेली कोथिंबीर घालावी. गरम गरम तूप भाताबरोबर हि आमटी झकास लागते.

Labels:
Moong Amati, Maharashtrian Amati, moong recipe, Green Gram Recipe, Moogachi Amati

छोले - Chhole

Chole in English

साहित्य:
१ कप पांढरे काबुली चणे (White Chickpeas)
१ कप बारीक चिरलेला कांदा
अडीच कप बारीक चिरलेला टोमॅटो
दिड टिस्पून छोले मसाला
फोडणीसाठी: १/२ टिस्पून जिरे,१/४ टिस्पून हळद, २ टिस्पून लाल तिखट
१ टिस्पून आले पेस्ट
३ लसूण पाकळ्यांची पेस्ट
१ टिस्पून आमचूर पावडर
१ टिस्पून धणेपूड
२-३ टिस्पून तेल
कोथिंबीर
लिंबू
मीठ

कृती :
१) चणे ९-१० तास भिजत घालावे. नंतर कूकरमध्ये ४ शिट्या करून चणे शिजवून घ्यावे, शिजवताना पाण्यात थोडे मिठ घालावे. चणे मऊसर शिजवावे. अगदी जास्त शिट्ट्या केल्या तर चणे फुटतात. त्यामुळे प्रत्येकाने घरातील कूकरचा अंदाज घेउन चणे शिजवावेत.
२) कांदा आणि टोमॅटो अगदी बारीक चिरावेत.
३) चणे शिजले कि कढईत २-३ टिस्पून तेल गरम करावे. जिरे, हळद, लाल तिखट घालून फोडणी करावी, आले-लसूण पेस्ट घालून परतावे, कांदा परतावा. कांदा परतला कि त्यात टोमॅटो घालावा. थोडी धणेपूड घालावी. मंद आचेवर झाकण ठेवून शिजू द्यावे.
४) टोमॅटो अगदी नरम झाला कि शिजलेले चणे घालावेत, चवीपुरते मीठ घालावे म्हणजे चणे शिजताना मीठ आत मुरते. आवश्यक तेवढे पाणी घालावे. मध्यम आचेवर झाकण ठेवून वाफ काढावी.
५) २-३ मिनीटांनी छोले मसाला आणि आमचूर पावडर घालून ढवळावे. जर मीठ किंवा तिखट कमी वाटत असेल तर वरून घालावे. थोडावेळ मंद आचेवर उकळू द्यावे.
खासकरून छोले आणि भटुरे यांचे काँबिनेशन मस्तच लागते. तसेच छोले पाव किंवा पोळीबरोबरही खायला छान लागतात.

Labels:
Chole Recipe,Punjabi Chole Recipe, Punjabi Recipe, Chole Bhature Recipe, North Indian Food, Chole, Chhole, Punjabi Chole Reicpe, Spicy Chole Recipe, Chhole bhature, cholle bhature recipe

अचारी वांगे - Achari Vange

Achari Vange (English Version)

वांग्याचे आपण बर्याचदा ठराविकच पदार्थ करतो. त्यापेक्षा थोडी वेगळी, चविष्ठ आणि करायलाही सोपी अशी ही कृती..


साहित्य:
२ ते अडीच वाट्या वांग्याच्या फोडी
२-३ चमचे आंब्याचे लोणचे
१ लहान कांदा बारीक उभा चिरून
३-४ चमचे शेंगदाण्याचा कूट
१ चमचा धणेपूड
१ चमचा जिरेपूड
फोडणीसाठी २ चमचे तेल, मोहोरी, जीरे, हिंग, हळद
१ चमचा लाल तिखट
कढीपत्ता
१ चमचा उडीद डाळ
बडीशेप
२ चमचे काजूचे तुकडे
मीठ
कोथिंबीर

कृती:
१) वांग्याच्या फोडींना आधी लोणचे, धणेपूड, जिरेपूड लावून घ्यावे.
२) कढईत तेल गरम करून त्यात मोहोरी, जिरे, हिंग, हळद, तिखट, कढीपत्ता, थोडी बडीशेप घालून फोडणी करावी. काजूचे तुकडे, उडीद डाळ घालावी. उडीद डाळ गोल्डन ब्राऊन झाली कि कांदा घालावा.
३) कांदा परतला कि त्यात धणे-जिरेपूड आणि लोणचे लावलेल्या वांग्याच्या फोडी घालाव्यात. शेंगदाण्याचा कूट घालावा. वांग्याच्या फोडी थोड्या परतल्या कि वरती झाकण ठेवून मध्यम आचेवर वाफ काढावी. चव बघूनच मिठ घालावे कारण लोणच्यात भरपूर मीठ असतेच. चिरलेली कोथिंबीर घालावी.

टीप:
१) फोडी खुप जास्त मऊ करू नयेत, नाहीतर त्याची चव फार चांगली लागत नाही.

Labels:
Eggplant Recipe, Indian Brinjal Recipe, spicy Eggplant recipe, Fried eggplant.

मूगाची डाळ - Moogachi dal

Moogachi dal

हि आंध्र पद्घतीची एक डाळ आहे. करायला सोपी आणि चवीला मस्तच !!


साहित्य:
१/२ कप पिवळी मूग डाळ
१ लहान कांदा
१ लहान टोमॅटो
२-३ हिरव्या मिरच्या
१ लाल सुकी मिरची
१ चमचा मद्रास करी मसाला / गरम मसाला
लिंबाचा रस / चिंच
फोडणीसाठी १ टेस्पून तेल, ३-४ कढीपत्ता, १/४ टिस्पून मोहोरी, १/४ टिस्पून जीरे, १/४ टिस्पून हिंग, १/२ टिस्पून हळद.
मिठ
कोथिंबीर

कृती:
१) कांदा टोमॅटोचे मोठ्या चौकोनी फोडी करून घ्याव्यात. कूकरमध्ये मूगाच्या डाळीत कांदा-टोमॅटोच्या फोडी घालून डाळ शिजवून घ्यावी. कांदा-टोमॅटो डाळीबरोबर शिजवल्याने छान स्वाद येतो.
२) डाळ शिजली कि रवीने एकजीव करून घ्यावी. कढईत १ चमचा तेल गरम करावे. त्यात मोहोरी, जीरे, हिंग, हळद, कढीपत्ता, मिरच्या घालून फोडणी करावी. त्यात शिजलेली मूग डाळ घालावी. हि डाळ घट्टसरच चांगली लागते त्यामुळे आवश्यक तेवढेच पाणी घालावे.
३) एक उकळी आली कि त्यात मसाला घालावा. लिंबाचा रस/ चिंचेचा कोळ आणि चवीपुरते मीठ घालावे, कोथिंबीर घालावी. गरम गरम तूप-भाताबरोबर हि डाळ मस्त लागते.

टीप:
१) जर लसणीची चव आवडत असेल तर फोडणीत लसूण बारीक चिरून घालावी.
२) चिंचेपेक्षा लिंबाचा स्वाद जास्त चांगला लागतो.

Labels:
Moong Dal recipe, Moog dal recipe, Moogachi Dal, South Indian Dal

बेबी ओनियनची भाजी - Baby Onion Bhaji

Baby Onion Bhaji

साहित्य:
दिड कप बेबी ओनियन
पाऊण कप बेबी पोटॅटो
१/२ कप भाजलेल्या शेंगदाण्याचा कूट
१ टिस्पून गोडा मसाला
३-४ कढीपत्ता पाने
फोडणीचे साहित्य: २ टेस्पून तेल, १/४ टिस्पून मोहोरी, १/४ टिस्पून जिरे, १/४ टिस्पून हिंग, १/२ टिस्पून हळद
दिड टिस्पून लाल तिखट
२ टिस्पून चिंचेचा कोळ
१ टेस्पून गूळ
मीठ

कृती:
१) बेबी ओनियन फ्रोझन नसतील तर प्रथम सोलून घ्यावे. फ्रोझन असतील तर कांदे सोलावे लागत नाहीत. बेबी पोटॅटोची साल अगदी पातळ असल्याने स्वच्छ धुवून सालासकट वापरले तर चांगले.
२) लहान कूकरमध्ये तेल गरम करावे. मोहोरी, जिरे, हिंग, हळद, लाल तिखट, कढीपत्ता घालून फोडणी करावी. त्यात कांदे, बटाटे घालावे. मध्यम आचेवर थोडावेळ परतावे. दाण्याचा कूट घालावा.
३) नंतर त्यात १ ते दिड पेला पाणी घालून एक उकळी आणावी. त्यात गूळ, चिंचेचा कोळ, गोडा मसाला आणि चवीपुरते मीठ घालावे. कूकरचे झाकण लावून ३-४ शिट्ट्या कराव्यात. वाफ मुरली कि गरम गरम पोळीबरोबर खावे.

Labels:
Baby Onion Curry, Sweet and sour Onion Curry, Baby Potato Curry, Baby Onion Bhaaji

हिरव्या टोमॅटोची भाजी - Hirwa Tomato bhaji

Hirvya Tomatochi Bhaji (English version)

साहित्य:
२ हिरवे टोमॅटो
१ मध्यम कांदा
२ टेस्पून सुका किसलेला नारळ
१ टेस्पून बेसन
१ टिस्पून आले-लसूण पेस्ट
१ टिस्पून धणेपूड
१ टिस्पून जिरेपूड
२ चमचे चिंचेचा घट्ट कोळ
फोडणीसाठी: १ टेस्पून तेल, १/४ टिस्पून मोहोरी, १/४ टिस्पून जिरे, १/४ टिस्पून हिंग, १/२ टिस्पून हळद
१ ते दिड चमचा लाल तिखट
चिरलेली कोथिंबीर
मीठ

कृती:
१) कढईत १ चमचा तेल गरम करावे. त्यात आले-लसूण पेस्ट, बेसन व नारळ घालावा. खमंग भाजून घ्यावे. त्यात बारीक चिरलेला कांदा घालून परतावा. परतलेला कांदा थंड करावा. थोडे पाणि घालून मिक्सरवर कांदा बारीक वाटून घ्यावा.
२) कढईत २ चमचे तेल गरम करून त्यात मोहोरी, जिरे, हिंग, हळद, लाल तिखट घालून फोडणी करावी. त्यात तयार केलेले वाटण घालावे. गरज पडल्यास थोडे पाणी घालावे. वाटण जरा गरम झाले कि त्यात धणे-जिरे पूड आणि चिंचेचा कोळ घालावा. टोमॅटोच्या फोडी वाटणात घालून मध्यम आचेवर वाफ काढावी. मिठ घालावे. टोमॅटो शिजले कि भाजीवर कोथिंबीर घालावी व गरम गरम पोळीबरोबर खावी.

टीप : १) जर भाजीला जास्त मसालेदार चव हवी असेल तर आवडीनुसार गरम मसाला किंवा करी मसाला घालू शकतो.

Labels:
Tomato Curry, Tomato curry recipe, Green tomato curry, spicy curry recipe