ग्वाकामोले - Guacamole

Guacamole in English

आवोकाडो हे खुप पौष्टीक आणि चविष्ट असे फळ आहे. भारतात आवोकाडो पाहायला मिळत नाही पण अमेरीकेतील बाजारात तरी अगदी सहज available असतो. कॉर्न चिप्सबरोबर आवोकाडो डीप किंवा ग्वाकामोले संध्याकाळच्या खाण्यासाठी चांगला आणि healthy पर्याय आहे. त्याचीच ही झटपट कृती.
आवोकाडोच्या औषधी गुणधर्मांविषयी वाचण्यासाठी इथे क्लिक करा - Avocado Health Benefits.

वाढणी: २ जणांसाठी

साहित्य:
१ पिकलेला आवोकाडो (टीप १)
१/४ कप लाल कांदा, एकदम बारीक चिरलेला
१/४ कप लालबुंद टोमॅटो, बारीक चिरून
१/४ कप कोथिंबीर, बारीक चिरून
२ टिस्पून लिंबू रस
१ लहान हिरवी मिरची, बारीक चिरून
किंचीत मिठ
१/८ टिस्पून मिरपूड

कृती:
१) आवोकाडोमधील गर काढून घ्यावा. एका बोलमध्ये आवोकाडोमधील गर काट्याने (Fork) मॅश करून घ्यावा. पूर्ण मॅश करू नये, किंचीत गुठळ्या राहू द्याव्यात.
२) मॅश केलेल्या आवोकाडोमध्ये लिंबाचा रस, चिरलेला कांदा, टोमॅटो, कोथिंबीर, आणि मिरची घालून मिक्स करावे. थोडे मिठ आणि मिरपूड घालावी.
ग्वाकामोले किंवा आवोकाडो डिप, टॉर्टीया चिप्सबरोबर खुपच छान लागतो तसेच मेक्सिकन राईस आणि इतर मेक्सिकन डिशेस बरोबर मस्त जमून जातो.

टीप:
१) कच्च्या आवोकाडोचे साल गर्द हिरवे असते, तर पिकलेल्या आवोकाडोचे साल काळपट हिरवे झालेले असते. पण आवोकाडो घेताना खुप जास्त पिकलेलाही घेऊ नये, निट तपासून घ्यावा. सर्व बाजूंनी firm असला पाहिजे. कधी कधी जास्त पिकलेला आवोकाडो आतून खराब निघतो, तसेच चवीलाही चांगला लागत नाही.
२) ग्वाकामोले जर थोडा थंड करायचा असेल तर ग्वाकामोले एका काचेच्या बोलमध्ये ठेवून त्यावर प्लास्टिक रॅप करून तासभर फ्रिजमध्ये ठेवावे म्हणजे काळपट पडणार नाही. तासाभराने थंड ग्वाकामोले, टॉर्टीया चिप्सबरोबर सर्व्ह करावे.
३) कांदा टोमॅटोचे प्रमाण आवडीनुसार कमीजास्त करावे.
४) खायच्या आधी टॉर्टीया चिप्स ओव्हनमध्ये ५ मिनीटे बेक करावे, गरम चिप्समुळे चव खुप छान लागते आणि चिप्स जास्त कुरकूरीतही लागतात.

इडली रवा खांडवी - Idli Rava Khandavi

Idli Rava Khandvi in English


साहित्य:
१/२ कप इडली रवा
१/२ कप गूळ
१ कप पाणी (टीप)
२ चमचे तूप
१/२ टिस्पून वेलचीपूड
१/४ कप ओलं खोबरं

कृती:
१) तूपावर इडली रवा गुलाबीसर रंगावर भाजून घ्यावा. १ कप पाणी उकळवावे आणि भाजलेल्या रव्यात घालावे. १ वाफ काढावी.
२) वाफ काढून झाली कि त्यात नारळ, वेलचीपूड आणि गूळ घालावा व परत १-२ वेळा वाफ काढावी. थाळीला तूपाचा हात लावून घ्यावा. खांडवीचे मिश्रण थाळीत ओतून थापून घ्यावे. व वड्या पाडाव्यात.

टीप:
१) बाजारात इडली रवा वेगवेगळ्या क्वालिटीमध्ये मिळतो. कधीकधी बारीक असतो तर कधी जाडसर असतो. तेव्हा पाण्याचे प्रमाण पुढीलप्रमाणे कमी जास्त करावे.
बारीक रवा = १ भाग रवा : २ भाग पाणी
जाड रवा = १ भाग रवा : अडीचपट पाणी

Labels:
Idli Rava Khandvi, Khandvi recipe, Khandavi

Other Related Recipes

उपवासाची खांडवीची

ड्राय गोभी मंचुरियन - Dry Gobhi Manchurian

Gobhi Manchurian in English

वाढणी: २ जणांसाठी

साहित्य:
दिड कप कॉलिफ्लॉवर (छोटे फ्लोरेट्स)
१/२ टिस्पून मिठ
२ चिमूट हळद
::::तळताना आवरणासाठी::::
१/४ ते १/२ कप कॉर्न स्टार्च
१ टेस्पून मैदा (ऐच्छिक)
१/२ टिस्पून लाल तिखट
१/४ टिस्पून मिरपूड
मिठ चवीनुसार
तळण्यासाठी तेल
:::सॉससाठी:::
१ टेस्पून तेल,
१ टेस्पून आलेपेस्ट, १ टेस्पून लसूणपेस्ट
२ टेस्पून सोयासॉस
१/२ टिस्पून साखर
१/२ कप कांदा, एकदम बारीक चिरून
२ हिरव्या मिरच्या, बारीक चिरून
१/२ टिस्पून चिली फ्लेक्स
१ टेस्पून विनेगर
१ टिस्पून कॉर्न स्टार्च
साधारण १/२ कप किंवा गरजेनुसार पाणी
चवीनुसार मिठ
गार्निशिंगसाठी: २ टेस्पून पातीकांदा बारीक चिरून, १/४ कप कोबी पातळ चिरून (ऑप्शनल)

कृती:
१) आधी सॉस बनवून घ्यावा. त्यासाठी मोठ्या आचेवर नॉनस्टिक पॅन गरम करावा, तेल गरम करावे. आलेलसूण पेस्ट परतून घ्यावी. मिरच्या घालाव्यात. नंतर साखर आणि सोयासॉस घालून काही सेकंद परतावे.
२) लगेच कांदा घालावा. कांदा निट शिजू द्यावा. कांदा निट परतला गेला कि १ टिस्पून कॉर्न स्टार्च, १/४ कप पाण्यात मिक्स करून हे मिश्रण परतलेल्या कांद्यात घालावे. चिली फ्लेक्स, विनेगर आणि मिठ घालावे. गरजेनुसार पाणी वाढवून साधारण १-२ मिनीटे कॉर्न स्टार्च शिजू द्यावा. हा सॉस दाटसरच असतो त्यामुळे बेताचेच पाणी वाढवावे.
३) आता कॉलिफ्लॉवरचे मंचुरीयन नगेट्स बनवावेत. एका मध्यम पातेल्यात पाणी गरम करावे त्यात थोडे मिठ आणि किंचीत हळद घालून उकळू द्यावे. उकळत्या पाण्यात कॉलिफ्लॉवरचे छोटे फ्लोरेट्स घालावेत आणि अगदी अर्धवट शिजवून घ्यावेत (साधारण ३ मिनीटे). शिजवताना झाकण ठेवू नये.
४) हे उकळवलेले फ्लोरेट्स पेपर टॉवेलवर थोडावेळ काढून ठेवावेत. तोवर तळणाची तयारी करावी. कॉर्न स्टार्च व मैदा एकत्र करून त्यात पाणी घालून मध्यम दाटसर पिठ भिजवून घ्यावे. लाल तिखट, मिरपूड आणि चवीपुरते मिठ घालून मिक्स करावे.
५) तेल तापत ठेवावे. तेल तापले कि आच मध्यम करावी. कॉलिफ्लॉवरचे फ्लोरेट्स भिजवलेल्या पिठात बुडवून लाईट ब्राऊन रंगावर तळून घ्यावेत.
६) या तळलेल्या फ्लोरेट्सवर थोडे लाल तिखट भुरभुरावे. तयार केलेला सॉस गरम करून त्यात पातीकांदा व कोबी घालून मिक्स करावे. त्यात तळलेले फ्लोरेट्स घोळवून गरमागरम सर्व्ह करावेत.

Labels:
Gobhi Manchurian, Dry Gobhi Manchurian, Cauliflower Manchurian

गुलकंद बर्फी Gulkand Barfi

Gulkand Burfi in English

वाढणी: साधारण १० ते १२ वड्या

साहित्य:
सव्वा कप खवा ( रिकोटा चिजपासून खवा)
१/४ ते १/२ कप साखर
३ टेस्पून गुलकंद
१ टिस्पून तूप










कृती:
१) रिकोटा चिजपासून खवा बनवण्याची कृती
२) १/२ टिस्पून तूप नॉनस्टिक पॅनमध्ये गरम करावे. त्यात खवा मध्यम आचेवर भाजून घ्यावा. साधारण ६-७ मिनीटे. नंतर त्यात साधारण १/४ ते १/२ कप साखर घालून मिक्स करावे. साखर अंदाज घेतघेत घालावी कारण गुलकंदातही साखर असते. अशावेळी चमचा साखर घालावी आणि चव घेवून पाहावे. मंद आचेवर मिश्रण दाटसर होवू द्यावे.
३) खवा घट्टसर झाला कि गॅस बंद करावा. अंदाजे १/३ मिश्रण काढून घ्यावे. पोळपाटाला किंवा एका ताटाला तूपाचा हात लावून त्यावर हे मिश्रण चौकोनी आकारात साधारण १ सेमी उंचीचे थापावे. वार्‍यावर थंड होवू द्यावे.
४) उरलेल्या २/३ खव्यात २-३ टेस्पून गुलकंद घालून निट मिक्स करावे. मंद आचेवर २-३ मिनीटे परतावे. या मिश्रणाचा गोळा हाताळण्यायोग्य झाला कि चौकोनी आकारात थापलेल्या खव्याच्या वर त्याच आकारात गुलकंदयुक्त खवा थापावा.
थंड झाले कि वड्या पाडाव्यात.

टीप:
१) मी वापरलेले गुलकंद वेलचीयुक्त होते म्हणून मी खवा परतताना वेलची घातली नव्हती. जर गरज वाटल्यास वेलची घालावी.
२) वड्या थापताना खुप तूप वापरू नये नाहीतर वड्या खुप तूपकट होतात.
३) मिश्रण थापताना हाताला खुप गरम लागत असेल तर जाडसर प्लास्टिकच्या तुकड्याला थोडे तूप लावून मिश्रण थापण्यासाठी वापरावा.

Labels:
Gulkand Barfi, Burfi mithai recipe, sweets Indian, Diwali Sweets

हुम्मूस - Hummus

Hummus and pita bread (English Version)

हुम्मुस (Hummus) हा पदार्थ मिडल इस्टमध्ये बनवला जाणारा चटणीसारखा पदार्थ आहे. या पदार्थात काबुली चणे (छोल्याचे चणे) हे मुख्यत्वे वापरले जातात.
हुम्मुसमध्ये "ताहिनी" (Sesame Paste) म्हणजेच भाजलेले तिळ व ऑलिव्ह ऑइल (Olive Oil) एकत्र वाटून केलेली पेस्ट वापरली जाते, पण थोडे बदल करून खालील कृतीत मी फक्त भाजलेल्या तिळाचा वापर केला आहे.
हुम्मुसबरोबर जोडीला पिटा ब्रेड सर्व्ह केला जातो. पिटा ब्रेडच्या कृतीसाठी इथे क्लिक करा.

वाढणी : साधारण १/२ कप



साहित्य:
१-२ लसूण पाकळ्या
३/४ कप मऊसर शिजवलेले काबुली चणे
१ ते २ टिस्पून भाजलेले तिळ
१ टेस्पून लिंबाचा रस
१/४ कप पाणी
१ टिस्पून ऑलिव्ह ऑइल (टीप १)
१/४ टिस्पून मिरपूड
२ टेस्पून चिरलेली कोथिंबीर
चवीनुसार मिठ

कृती:
१) वरील सर्व पदार्थ मिक्सरमध्ये बारीक वाटून घ्यावेत. डब्यात बंद करून फ्रिजमध्ये काही तास थंड करावे.

टीप:
१) हुम्मुसमध्ये ऑलिव्ह ऑइल हा महत्त्वाचा पदार्थ आहे. मी ऑलिव्ह ऑइल वापरले नव्हते तरीही चव छान लागली, त्यामुळे आपल्या आवडीनुसार याचा वापर करावा.
२) हुम्मुस २-३ दिवस फ्रिजमध्ये सहज टिकते.

Labels:
hummus, pita bread, dip recipe, how to make hummus, chickpea hummus,hummus without oilve oil

गाजर हलवा - Gajar ka Halwa

Gajar Halwa - Carrot Pudding (English version)



साहित्य:
३ कप गाजर किस
१ कप दूध
१/२ कप साखर
२ टेस्पून साजूक तूप
१/२ टिस्पून वेलचीपूड
बदामाचे काप



कृती:
१) बदाम ३-४ तास पाण्यात भिजवून त्याची साले काढावीत. आणि त्याचे पातळ काप काढावेत. गाजर सोलून किसून घ्यावीत. पातेल्यात २ चमचे तूप गरम करावे. ३ कप गाजराचा किस त्यात घालून २-३ मिनीटे परतावे.
२) २-३ मिनीटांनंतर दूध घालावे. ढवळून मध्यम आचेवर पातेल्यावर झाकण ठेवून शिजू द्यावे. साधारण १० मिनीटे शिजू द्यावे.
३) दुध बर्‍यापैकी आटले कि त्यात साखर घालावी व ढवळावे. गॅस मोठा ठेवावा आणि आटू द्यावे. वेलचीपूड घालावी. व्यवस्थित आटले कि गॅस बंद करावा.
गाजर हलवा गरम तसेच गारसुद्धा छान लागतो. वेनिला आईसक्रिम आणि गाजर हलवा यांचे कॉम्बिनेशनसुद्धा मस्त लागते.

टीप:
१) जर घरात बदाम उपलब्ध नसतील तर ७-८ शेंगदाणे भिजवून त्याची साले काढून काप करावेत.

Labels:
gajar Halwa, Gajar Halva, Gajaracha Halwa, Carrot Pudding, Corrot Halwa, Carrot Sweet dish, Indian Dessert

हॉट ऍन्ड सॉर सूप - Hot and sour soup

Hot And Sour Soup

साहित्य:
४ मोठे कप वेजिटेबल स्टॉक
४-५ फरसबी बारीक चिरून
अर्धी वाटी गाजर किसून
अर्धी वाटी कोबी अगदी पातळ चिरून
३-४ मश्रूम पातळ चिरून
एक लहान हिरवी भोपळी मिरची पातळ चिरून
अर्धी वाटी चिरलेला कांदा
२-३ काड्या पाती कांदा बारीक चिरून
३-४ अगदी बारीक चिरलेल्या लसूण पाकळ्या
१ चमचा बारीक चिरलेले आले
२ चमचे व्हिनेगर
२ चमचे सोया सॉस
१ चमचा कॉर्न स्टार्च/ कॉर्न फ्लोअर
२ हिरव्या मिरच्या
चवीपुरते मिठ
१/२ चमचा साखर
२ चमचे तेल
१ वाट्या जाड चपट्या शेवया

कृती:
१) पातेल्यात पाणी गरम करत ठेवावे, १ लहान चमचा मिठ घालावे. त्यात शेवया घालून पास्ताला शिजवतो तशा शिजवाव्यात. गाळून गार करत ठेवाव्यात. त्यातील पाणी निघून गेले कि २०-२५ मिनीटांनी शेवया तेलात गोल्डन ब्राउन तळून घ्याव्यात.
२) लोखंडी कढईत २ चमचे तेल गरम करावे. त्यात लसूण, आले, मिरच्या घालून परतून घ्यावे. नंतर कांदा घालून परतावे.
३) त्यात गाजर, फरसबी, कोबी घालून १-२ मिनीटे परतून घ्यावे. शेवटी मश्रूम आणि भोपळी मिरची घालून अर्धा मिनीट परतावे.
४) सोया सॉस घालून १०-१५ सेकंदांनी वेजिटेबल स्टॉक घालावा. साखर आणि मिठ घालावे. उकळी येईस्तोवर बाजूला एक वाटी पाण्यात १ चमचा कॉर्न फ्लोअर मिक्स करून घ्यावे.
५) वेजिटेबल स्टॉकला उकळी आल्यावर मध्यम आचेवर कॉर्न फ्लोअरचे पाणी हळूहळू त्यात ओतावे. सूपला हवा तेवढा घट्टपणा आल्यावर त्यात व्हिनेगर घालून ढवळावे.
६) सर्व्ह करताना किंवा खाताना गरमगरम सूप Bowl मध्ये घ्यावे त्यावर तळलेल्या शेवया घालाव्यात. गरम गरम खावे.

टीप:
१) भाज्या परतताना शक्यतो पसरट कढई घ्यावी.
२) भाज्या परतताना कढई भरपूर तापलेली असतानाच भाज्या अर्ध्या कच्च्या राहतील अशा परताव्यात.

चकली

गोडाचा शिरा - Godacha Shira

Godacha Shira

साहित्य:
१ वाटी रवा
१ वाटी साखर
१ वाटी दूध
१ वाटी पाणी
३-४ चमचे तूप
१ लहान चमचा वेलचीपूड
काजू-बदामचे पातळ काप

कृती:
१) कढईत तूप गरम करावे. त्यात रवा मध्यम आचेवर गुलाबी रंगाचा होईस्तोवर भाजून घ्यावा.
२) रवा भाजत असतानाच दुसर्या गॅसवर दूध आणि पाणी एकत्र करून गरम करावे. रवा व्यवस्थित भाजला कि त्यात गरम केलेले दूध आणि पाणी घालावे. गुठळ्या न होवू देता ढवळावे. ढवळून ३-४ मिनीटे वाफ काढावी.
३) रवा चांगला शिजला कि त्यात साखर घालावी, वेलचीपूड घालावी, व्यवस्थित ढवळावे. मध्यम आचेवर वाफ काढावी. काजू-बदामाचे काप घालावे.

टीप:
१) साखरेचे प्रमाण आपल्या गरजेनुसार कमी किंवा जास्त घ्यावे.
२) शिर्‍यामध्ये आवडीप्रमाणे सुकामेवा घालता येतो. त्यामुळे शिरा अधिक रूचकर लागते. तसेच तुपाचे प्रमाण थोडे जास्त घेतल्यास शिरा अधिक चविष्ठ लागतो.

Labels:
Godacha Shira, Suji halwa, Sujika Halwa recipe, Recipe for Semolina Pudding, Sira recipe, Maharashtrian Recipe, Ravyacha god shira

हिरव्या टोमॅटोची भाजी - Hirwa Tomato bhaji

Hirvya Tomatochi Bhaji (English version)

साहित्य:
२ हिरवे टोमॅटो
१ मध्यम कांदा
२ टेस्पून सुका किसलेला नारळ
१ टेस्पून बेसन
१ टिस्पून आले-लसूण पेस्ट
१ टिस्पून धणेपूड
१ टिस्पून जिरेपूड
२ चमचे चिंचेचा घट्ट कोळ
फोडणीसाठी: १ टेस्पून तेल, १/४ टिस्पून मोहोरी, १/४ टिस्पून जिरे, १/४ टिस्पून हिंग, १/२ टिस्पून हळद
१ ते दिड चमचा लाल तिखट
चिरलेली कोथिंबीर
मीठ

कृती:
१) कढईत १ चमचा तेल गरम करावे. त्यात आले-लसूण पेस्ट, बेसन व नारळ घालावा. खमंग भाजून घ्यावे. त्यात बारीक चिरलेला कांदा घालून परतावा. परतलेला कांदा थंड करावा. थोडे पाणि घालून मिक्सरवर कांदा बारीक वाटून घ्यावा.
२) कढईत २ चमचे तेल गरम करून त्यात मोहोरी, जिरे, हिंग, हळद, लाल तिखट घालून फोडणी करावी. त्यात तयार केलेले वाटण घालावे. गरज पडल्यास थोडे पाणी घालावे. वाटण जरा गरम झाले कि त्यात धणे-जिरे पूड आणि चिंचेचा कोळ घालावा. टोमॅटोच्या फोडी वाटणात घालून मध्यम आचेवर वाफ काढावी. मिठ घालावे. टोमॅटो शिजले कि भाजीवर कोथिंबीर घालावी व गरम गरम पोळीबरोबर खावी.

टीप : १) जर भाजीला जास्त मसालेदार चव हवी असेल तर आवडीनुसार गरम मसाला किंवा करी मसाला घालू शकतो.

Labels:
Tomato Curry, Tomato curry recipe, Green tomato curry, spicy curry recipe

घावन - Ghavan

Ghavan

साहित्य:
१/२ कप तांदूळ पिठ
२ टेस्पून चणा पिठ
दिड कप आंबट ताक
१/४ कप बारीक चिरलेला कांदा (ऑप्शनल)
२-३ हिरव्या मिरच्या
२ पाकळ्या बारीक चिरलेली लसूण
१/२ टिस्पून हळद
१/२ टिस्पून जिरे
बारीक चिरलेली कोथिंबीर
मीठ
१/२ कप तेल


कृती:
१) तांदूळ पिठ आणि चणा पिठ एकत्र करून त्यात ताक घालावे. गुठळ्या न होता पातळसर भिजवून घ्यावे.
२) त्यात जिरे, कांदा, मिरच्या, हळद, कोथिंबीर, लसूण, मीठ घालून निट ढवळून घ्यावे.
३) नॉनस्टीक फ्राईंग पॅन गरम करावा. त्यामध्ये किंचीत तेल घालून घावन घालावे. लसणीच्या तिखटाबरोबर गरम गरम खावे.

टीप:
१) जर ताकाची आंबट चव नको असेल तर त्याऐवजी पाणी घालावे.
२) जर कांदा आवडत नसेल तर कांदा वगळून घावन घालावे.
३) पिठ जर थोडे पातळ भिजवले तर घावनाला छान जाळी पडते.

Labels:
Ghavan, spicy pancake, Amboli recipe, Ghavan Recipe, Ghawan Recipe, Maharashtrian Pancake recipe

फ्राईड नूडल्स विथ आईसक्रिम - Fried Noodles with Icecream

Fried Noodles with Icecream (English Version)



साहित्य:
१/२ कप फ्लॅट नूडल्स
३-४ स्कूप वेनिला आईसक्रिम
२ टेस्पून बदाम, पिस्ता यांचे पातळ तुकडे
१ टिस्पून तिळ (ऑप्शनल)
तळण्यासाठी तेल
स्विट सॉससाठी:
२ टेस्पून मध
३ टिस्पून साखर
१/४ कप पाणी

कृती:
१) सर्वात आधी नूडल्स पाण्यात शिजवून घ्याव्यात. त्या आधी चाळणीत काढून त्यातील पाणी काढून घ्यावे. नूडल्स टिपकागदावर काढून ठेवाव्यात.
२) नूडल्स थंड झाल्यावर त्या तेलात गोल्डन ब्राऊन तळून घ्याव्यात.
३) नॉनस्टिक फ्राईंग पॅनमध्ये १/४ कप पाणी घ्यावे, त्यात ३ टिस्पून साखर घालून पाक करून घ्यावा गॅस बंद करावा, फ्राईंग पॅनमधून पाक दुसर्‍या भांड्यात काढून त्यात मध घालावे. घट्टसर सॉस बनवून घ्यावा.
४) फोटोत दाखवल्याप्रमाणे प्लेटमध्ये प्रथम नूडल्स पसरवावेत, त्यावर तयार केलेला सॉस घालावा. लगेच त्यावर आईसक्रिमचे स्कूप घालावेत. सर्व्ह करताना वरती बदाम पिस्ताचे काप घालावेत.


Labels:
Dessert Recipe, Ice Cream, Noodles with Icecream, Cold Dessert Recipe, quick and easy dessert recipe

इडली- Idli

Idli in English


साहित्य:
१/२ कप उडीद डाळ
दिड कप इडली रवा
चवीपुरते मिठ
१/४ कप पातळ पोहे
१ टिस्पून साखर

कृती:
१) इडली रवा आणि उडीद डाळ वेगवेगळ्या भांड्यात ५ तास भिजत घालावे. इडली रवा भिजेल इतपतच पाणी घालावे. रवा पातळ करू नये. पातळ पोहे इडली रव्यातच भिजवावे.
२) नंतर भिजलेली उडीद डाळ मिकसरवर अगदी थोडे पाणी घालून एकदम बारीक करून घ्यावी. वाटण एकदम मिळून आले पाहिजे. डाळीचे कण राहता कामा नयेत. भिजवलेला रवा-पोह्याचे मिश्रण, साखर आणि मिठ उडीद डाळीच्या वाटणात घालून एकदा मिक्सरमध्ये फिरवावे. वरुन झाकण ठेवून १० ते १२ तास मिश्रण आंबू द्यावे.
३) मिश्रण आंबले की नीट ढवळून घ्यावे. इडली पात्राला थोडे तेल लावून मिश्रण घालावे. इडली कूकर मध्ये किंवा साध्या मोठ्या कूकर ३ इंच भरेल एवढे पाणी उकळत ठेवावे. (साधा कूकर असेल तर त्याची शिट्टी काढून ठेवावी)
४) पाणी उकळले की भरलेले इडली पात्र आत ठेऊन १२ ते १५ मिनिटे वाफ काढावी. गॅस बंद करून ५ मिनीटे वाफ जिरू द्यावी. इडली पात्र बाहेर काढून इडल्या सुरीने किंवा चमच्याने अलगदपणे काढाव्यात.
नारळाच्या चटणी आणि सांबार बरोबर गरमगरम सर्व्ह करावे.

टीप:
१) जर वातावरण थंड असेल तर इडलीचे पिठ निट आंबत नाही. अशावेळी ओव्हन २५० F वर ३ मिनीटे प्रिहीट करावे. ओव्हन बंद करून इडलीचे मिश्रण झाकून ओव्हनमध्ये ठेवावे. ८ ते १० तास मिश्रण आंबू द्यावे.

Labels:
Idli Sambar, Idali sambhar