पनीर कढाई - Paneer Kadhai

Paneer Kadhai in English

Visit my other Paneer Recipes - Paneer Makhanwala | Vegetable Paneer Pizza | Paneer Kofta Curry | Paneer Hariyali | Chili Paneer | Palak Paneer | Paneer Masala | Paneer Matar



साहित्य:
२५० ग्राम ताजे पनीर (पनीरची कृती)
२ कप उभे चिरलेले कांदे
१ टेस्पून आलेपेस्ट
१ टेस्पून लसूण पेस्ट
दिड कप टोमॅटो प्युरी
१ टेस्पून लाल तिखट
१ टिस्पून गरम मसाला
२ टेस्पून तेल
२ सुक्या लाल मिरच्या
१ तमालपत्र, १ दालचिनी, ५-६ मिरे, १ टिस्पून धणे, २ वेलची, ३-४ लवंगा
१/४ कप चिरलेली कोथिंबीर

कृती:
१) प्रथम कढईत तेल गरम करावे. त्यात क्रमाने सुक्या मिरच्या, तमालपत्र, दालचिनी, मिरं, धणे, वेलची, लवंग घालावे. मध्यम आचेवर मसाल्याचा छान वास सुटेपर्यंत परतावे. नंतर त्यात चिरलेला कांदा आणि आले-लसूण पेस्ट घालावी. आणि परतावे. चवीपुरते मिठ घालावे.
२) कांदा चांगला परतला गेला कि त्यात टोमॅटो प्युरी, लाल तिखट आणि गरम मसाला घालावा आणि ढवळावे. एक उकळी आल्यावर पनीरचे चौकोनी तुकडे घालून मध्यम आचेवर गरम करावे. हलक्या हाताने ढवळावे जेणेकरून पनीर फुटणार नाही.

टीप:
१) जर पनीर फ्रोजन असेल तर आधी तेल शालो फ्राय करून घ्यावे.
२) आख्खा गरम मसाला वापरल्याने अजून छान फ्लेवर येतो. जर धणे किंवा आख्खी मिरी नसेल आणि धणेपूड किंवा मिरपूड असेल तर ती वापरू शकतो, फक्त ती ग्रेव्हीत घालावी.
जर आख्खा गरम मसाला (तमालपत्र, दालचिनी, मिरे, धणे, वेलची, लवंगा)नसेल तर रेडीमेड गरम मसाला पावडर थोडी जास्त प्रमाणात वापरावी.

Labels: Paneer Kadhai, Paneer Karai, North Indian curry, Paneer curry recip

वेज पनीर माखनवाला - Paneer Makhanwala

Veg Paneer Makhanwala in English

वाढणी: ३ जणांसाठी

खाली दिलेली कृती ज्यांना खुप मसालेदार पंजाबी भाजी आवडत नाही त्यांच्यासाठी स्पेशल आहे. चवीला खुप छान आणि सौम्य लागते.

साहित्य:
१/२ कप पनीरचे तुकडे
१/४ कप फरसबीचे तुकडे (१/२ इंच)
१/४ कप गाजर (छोटे चौकोनी तुकडे)
१/४ कप बटाटा (सोलून छोटे तुकडे)
१/४ कप फ्लॉवरचे तुकडे
१/२ कप कांदा (छोटे तुकडे)
३ टेस्पून मटार
१ कप टोमॅटोचे तुकडे (सोललेला)
१ टेस्पून टोमॅटो पेस्ट
१/२ टेस्पून जिरे
१/२ टेस्पून लाल तिखट
१/२ टिस्पून गरम मसाला
१ तमालपत्र
दिड टेस्पून दुध
दिड टेस्पून बटर
२ टेस्पून तूप
चवीपुरते मिठ

कृती:
१) २ कप पाण्यात फरसबीचे तुकडे, गाजर, बटाटा, फ्लॉवरचे तुकडे आणि मटार उकळवत ठेवावे. या पाण्यात १ तमालपत्र घालावे. भाज्या निट शिजू द्याव्यात. भाज्या शिजल्या कि उरलेले पाणी ठेवून द्यावे. तमालपत्र काढून टाकावे.
२) २ टोमॅटो पाण्यात साल सुटेस्तोवर उकळवावे. साले काढून टोमॅटोचे बारीक तुकडे करावे.
३) नॉनस्टीक पॅनमध्ये तूप गरम करून त्यात जिरे घालावे व कांदा परतावा. कांदा परतला कि १/२ टिस्पून गरम मसाला घालावा. कांदा निट शिजू द्यावा.
४) नंतर टोमॅटोचे तुकडे घालावे. तूपाचा तवंग येईस्तोवर शिजू द्यावे.
५) नंतर उकळलेल्या भाज्या घालाव्यात, भाज्या उकळून उरलेले पाणी, टोमॅटोपेस्ट घालावी, मिठ आणि तिखट घालावे. ढवळावे.
६) गॅस मंद करून दुध, बटर, पनीर घालून हळूवार ढवळावे.४ ते ५ मिनीटे मंद आचेवरच झाकून शिजू द्यावे.
गरमा-गरम भाजी नान, रोटी किंवा भाताबरोबर सर्व्ह करावी.

Labels:
Paneer Makhanwala, Vegetable Makhanwala, Punjabi Recipes

भरली भेंडी - Bharli Bhendi Masala

Bharli masala Bhendi in English


साहित्य:
२३ ते २५ कोवळी भेंडी (मध्यम आकाराच्या)
१/२ कप कांदा, उभा चिरून
१ टेस्पून जिरेपूड, १ टेस्पून धणेपूड, १ टिस्पून आमचूर पावडर
१/४ टिस्पून हळद, १ टिस्पून लाल तिखट
चवीपुरते मिठ
फोडणीसाठी:
३ टेस्पून तेल, १/४ टिस्पून मोहोरी, १/२ टिस्पून जिरे, १/४ टिस्पून हिंग, १/४ टिस्पून हळद
४-५ कढीपत्ता पाने
सजावटीसाठी कोथिंबीर

कृती:
१) भेंडी स्वच्छ घुवून, पुसून घ्यावी. भेंडीची देठं कापून घ्यावीत. प्रत्येक भेंडीला एका बाजूने चिर द्यावी पण दोन तुकडे करू नयेत.
२) जिरेपूड, धणेपूड, हळद, लाल तिखट आणि आमचुर पावडर एका लहान वाडग्यात एकत्र मिक्स करून घ्यावे. चवीपुरते मिठ घालावे. हे तयार मिश्रण प्रत्येक भेंडीमध्ये भरावे. तसेच भेंडी या मिश्रणात थोडी घोळवून घ्यावी. अशाप्रकारे सर्व भेंडी तयार कराव्यात. उरलेला मसाला नंतरच्या वापरासाठी ठेवून द्यावा.
३) नॉनस्टिक पॅन गरम करावा. त्यात ३ टेस्पून तेल घालून गरम होवू द्यावे. नंतर मोहोरी, जिरे, हिंग, हळद आणि कढीपत्ता पाने घालून फोडणी करावी. चिरलेला कांदा फोडणीस घालावा.
४) कांदा अर्धा शिजला कि त्यात भरलेली भेंडी घालावी. हलक्या हाताने, भरलेला मसाला बाहेर पडू न देता मिक्स करावे. ज्यामुळे तेल सर्व भेंडीला लागेल. गॅस एकदम मंद ठेवावा आणि वरून झाकण ठेवून भेंडी शिजू द्यावी. दर तीन ते चार मिनीटांनी भाजी हलक्या हाताने ढवळावी.
५) भेंडी शिजत आली कि उरलेला मसाला गरजेनुसार घालावा व लागल्यास किंचीत मिठ भुरभूरवावे.
गरम गरम भरली भेंडी पोळीबरोबर सर्व्ह करावी.

टीप:
१) वाफ काढताना गरज वाटल्यास, भेंडीच्या बाजून एखादा चमचा तेल सोडावे.

Labels:
Masala Bhendi, Bhindi Masala, bhindi fry

दाल माखनी - Dal Makhani

Dal Makhani in English

Dal Makhani is a delicacy from Punjab in India. This Dal is cooked in lot of Butter and taste great. (Dal - Cooked Lentils and Makhani (Makkhan in hindi) - Butter)
Traditionally this dal was cooked slowly, for hours, on charcoal. This gave it a creamier texture. Traditionally cooked in a Punjabi houses, it had ‘malai’ (thick creamy skin that forms on top of milk) or fresh butter added to it. Dal Makhani can be served with Paratha, Naan, Roti or even Rice.

वाढणी: ३ ते ४ जणांसाठी

साहित्य:
१/२ कप अख्खे उडीद, सालासकट
१/४ कप राजमा (रेड बिन्स)
३ टेस्पून आलेलसूण पेस्ट
२ + २ बटर
१ टिस्पून जिरे
१/२ टिस्पून हळद
२ मध्यम टॉमेटो
१ टिस्पून गरम मसाला पावडर किंवा खडा मसाला (२ लवंगा, २ वेलची, १ तमालपत्र, १ लहान दालचिनीचा तुकडा)
१/२ कप कांदा, बारीक चिरून
२ टिस्पून लाल तिखट
१ टिस्पून धणेपूड
१ टिस्पून जिरेपूड
१/२ टिस्पून आमचूर पावडर
१/२ टिस्पून कसूरी मेथी
१/२ कप दूध
चवीपुरते मिठ
कोथिंबीर सजावटीसाठी

कृती:
१) उडीद आणि राजमा धुवून ६ ते ८ तास पाण्यात भिजवून ठेवावे. प्रेशर कूकरमध्ये भिजवलेले उडीद आणि राजमा दुप्पट पाणी घालून मऊसर शिजवून घ्यावेत. साधरण ४ ते ५ शिट्ट्या कराव्यात.
२) टॉमेटो प्युरीसाठी एक खोलगट पॅनमध्ये टॉमेटो बुडतील इतपत पाणी गरम करावे. त्यात २ टॉमेटो घालून २ मिनीटे उकळवावे आणि बाहेर काढून थंड होवू द्यावेत. साले आणि बिया काढून टाकाव्यात उरलेला भाग आणि थोडे पाणी मिक्सरमध्ये घालून प्युरी करून घ्यावी.
३) खोलगट पॅनमध्ये बटर घालून मध्यम आचेवर वितळू द्यावे. त्यात जिरे, हळद घालावी. [जर अख्खा गरम मसाला घालणार असाल तर तो आत्ता घालावा. काही सेकंद परतावे.]
४) आलेलसूण पेस्ट आणि लाल तिखट घालावे. काही सेकंद परतून त्यात चिरलेला कांदा घालून परतावे. कांदा निट परतल गेला कि टॉमेटो प्युरी घालून मध्यम आचेवर, पॅनवर झाकण ठेवून ५ ते ७ मिनीटे शिजू द्यावे. मधेमधे ढवळावे.
५) धणे-जिरेपूड घालावी आणि ढवळावे. शिजवलेले उडीद आणि राजमा घालावे. थोडावेळ मॅश करावे. गरजेपुरते पाणी घालून मधम आचेवर उकळी काढावी.
६) जर तुम्ही आख्खा गरम मसाला घातला नसेल तर आता गरम मसाला पावडर घालावी. नंतर कसूरी मेथी, मिठ आणि आमचूर पावडर घालून ढवळावे. अजून थोडे पाणी घालून घट्टपणा अड्जस्ट करावा. पॅनवर झाकण ठेवून २० ते २५ मिनीटे कमी आचेवर शिजू द्यावे. मधेमधे ढवळावे, डाळ पॅनच्या तळाला चिकटू देवू नये.
७) २ टेस्पून बटर घालून अजून १० मिनीटे वाफ काढावी. १० मिनीटांनी १/२ कप दूध घालावे आणि ढवळावे. परत झाकण ठेवून मध्यम आचेवर ५ मिनीटे वाफ काढावी.
गरम दाल मखनी कोथिंबीरीने सजवून रोटी, नान, किंवा भाताबरोबर सर्व्ह करावे.

Labels:
Dal Makhani, Malai Dal, Punjabi Dal Makhani

बुंदी रायता - Boondi Raita

Boondi Raita in English

वाढणी: ३-४ जणांसाठी


साहित्य:
१ कप बुंदी (साधी)
३/४ कप पातळ ताक
३/४ कप दही
१/४ कप दूध
चवीपुरते मिठ
१/४ टिस्पून मिरपूड
::इतर जिन्नस::
१/२ टिस्पून जिरेपूड
१/४ टिस्पून लाल तिखट
१/४ टिस्पून चाट मसाला
२ टेस्पून बुंदी (न भिजवलेली)
थोडीशी कोथिंबीर

कृती:
१) सर्वप्रथम बुंदी ताकामध्ये साधारण २० मिनीटे भिजवून ठेवावी. २० मिनीटांनंतर बुंदी चेपून त्यातील ताक काढून टाकावे. खुप जास्त जोरात पिळू नये नाहीतर बुंदी मोडू शकते. ताक पुढील वापरासाठी ठेवून द्यावे.
२) ३/४ कप दही फेटून घ्यावे त्यात दूध, चवीपुरते मिठ आणि मिरपूड घालून निट ढवळून घ्यावे. मिठ थोडे कमीच घालावे कारण विकतच्या बुंदीमध्ये अगोदरच थोडे मिठ असते. दह्यात बुंदी घालून मिक्स करावे. जर मिश्रण खुप घट्ट वाटले तर किंचीत उरलेले घालून मिक्स करावे.
३) चव पाहून रायते सर्व्हींग प्लेटमध्ये घालावे. वरून जिरेपूड व किंचीत लाल तिखट भुरभूरवावे. मध्यभागी थोडी बुंदी घालावी. रायते खाताना मधेमधे थोडी कुरकूरीत बुंदी छान लागते. कुरकूरीत बुंदीवर अजून थोडे लाल तिखट, चाट मसाला व कोथिंबीर भुरभूरवावी. अर्धा एक तास फ्रिजमध्ये थंड करण्यास ठेवावे.
जेवताना थंड असे बुंदी रायते सर्व्ह करावे.

टीप:
१) जर आवडत असेल तर रायते आणि seasonings एकत्र मिक्स करू शकतो, पण रायत्याचा रंग लालसर होतो, चवीत फार फरक पडत नाही.
२) रायते थंड आवडत नसेल तर रेफ्रिजरेट न करताही सर्व्ह करू शकतो, छानच लागते.

Labels:
Boondi Raita, Dahi Boondi, Bundi raita, yogurt and fried gram flour snack

पिंडी छोले - Pindi Chole

Pindi Chhole in English

वाढणी: २ जणांसाठी


साहित्य:
३/४ कप काबुली चणे
३ टेस्पून + २ टिस्पून तेल
१/४ कप कांदा, बारीक चिरून
२ टिस्पून आलेपेस्ट
२ टिस्पून लसूणपेस्ट
२ हिरव्या मिरच्या, उभ्या चिरून
१ टेस्पून धणेपूड
१ टेस्पून जिरेपूड
१/२ टिस्पून आमचूर पावडर
दिड टिस्पून लाल तिखट
१/२ टिस्पून हळद
२ टिस्पून जिरं
२ टिस्पून अनारदाणा
१ मध्यम टॉमेटो
१ टिस्पून गरम मसाला
चवीनुसार मिठ
१ लाल मिरची
सजावटीसाठी
२ टेस्पून कोथिंबीर, बारीक चिरून
कांद्याच्या चकत्या

छोले आणि भटुरे रेसिपी

कृती:
१) पाउण कप काबुली चणे रात्रभर पाण्यात भिजवावेत. भिजवलेले चणे कूकरमध्ये ४-५ शिट्ट्या करून शिजवावेत. चणे छान मऊसर शिजवावेत. खुप जास्तही शिजवू नयेत, नाहीतर चणे फुटू शकतात. चणे शिजवताना मिठ घालून शिजवावेत. उरलेले पाणी ठेवून द्यावे.
२) नॉनस्टिक पॅनमध्ये २ टिस्पून जिरं, मध्यम आचेवर कोरडेच भाजावे. नंतर २ टिस्पून अनारदाणा थोडावेळ भाजावे. हे दोन्ही जिन्नस थोडे थंड झाले कि खलबत्त्यात घालून पूड करून घ्यावी.
३) नॉनस्टिक पॅनमध्ये ३ टेस्पून तेल गरम करून त्यात हिरव्या मिरच्या, हळद, लाल तिखट घालावे. नंतर त्यात आलेलसूण पेस्ट घालून थोडा वेळ परतावे. गॅस मध्यम करावा आणि चिरलेला कांदा घालावा. तेल सुटेस्तोवर परतावे.
४) कांदा परतला कि त्यात धणे-जिरेपूड, आमचूर पावडर घालावी. १/४ कप शिजवलेल्या चण्याचे उरलेले पाणी घालावी. मध्यम आचेवर उकळी येऊ द्यावी.
५) नंतर शिजवलेले चणे घालून हळूहळू मिक्स करावे. गरज लागल्यास थोडे पाणी घालावे. मिठ आणि आवश्यक तेवढी जिरे-अनारदाणा पावडर घालावी.
६) टॉमेटोचे मोठे चौकोनी तुकडे करून घालावेत. गरज वाटल्यास लाल तिखट किंवा कमी वाटत असलेला जिन्नस घालावा. मंद आचेवर २-३ मिनीटे वाफ काढावी.
७) सर्व्ह करताना, छोले सर्व्हींग प्लेटमध्ये काढावेत. एका छोट्या कढल्यात १ ते २ टिस्पून तेल गरम करावे. त्यात लाल मिरची घालून हि फोडणी लगेच भाजीवर ओतावी. वरून कोथिंबीर आणि कांद्याच्या चकत्या घालून सर्व्ह करावे.
नान, रोटी किंवा अगदी ब्रेडबरोबरही हे छोले मस्त लागतात.

Labels:
Pindi Chole, Chole Masala, Chana Masala, Punjabi Chole

पनीर कोफ्ता करी - Paneer Kofta Curry

Paneer Kofta Curry in English



साहित्य:
::::कोफ्ता::::
कोफ्त्याच्या साहित्यासाठी इथे क्लिक करा
::::करी::::
३/४ कप कांदा पेस्ट (स्टेप १)
१/२ कप टॉमेटो प्युरी (स्टेप २)
१ टेस्पून आलेलसूण पेस्ट
१/२ टिस्पून गरम मसाला
१/४ टिस्पून हळद
१/२ टिस्पून लाल तिखट
१ टिस्पून धणेपूड
१ टिस्पून जिरेपूड
१/४ कप दूध (होल मिल्क)
१ टेस्पून तेल
७-८ पनीरचे लहान तुकडे
मिठ
सजावटीसाठी:
१ टेस्पून कोथिंबीर, बारीक चिरलेली
३-४ द्राक्षं, अर्धे तुकडे करून

कृती:
कोफ्ता करी करताना आधी करी करून घ्यावी. म्हणजे कोफ्ते नरम पडणार नाहीत.
::::करी::::
१) साधारण २ कांदे प्रेशर कूकरमध्ये २-३ शिट्ट्या करून शिजवून घ्यावेत. मिक्सरमध्ये पेस्ट करून घ्यावी.
२) २ मोठे लालबुंद टॉमेटो शिजवून त्याची साले काढावीत, बिया काढून टाकाव्यात. मिक्सरमध्ये प्युरी करून घ्यावीत.
३) कढईत तेल गरम करावे. त्यात आलेलसूण पेस्ट परतावी. हळद, लाल तिखट घालावे व ढवळावे. नंतर कांद्याची पेस्ट घालून मंद आचेवर ५ मिनीटे वाफ काढावी.
४) नंतर टॉमेटो प्युरी घालून ढवळावे.धणेपूड आणि मिठ घालून मंद आचेवर कढई झाकून वाफ काढावी. शेवटी गरम मसाला टाकून वाफ काढावी.
५) अशी ग्रेव्ही तयार करून ठेवावी आणि कोफ्ते घालायच्या आधी त्यात दूध घालून मंद आचेवर ५ मिनीटे उकळवावे.

कोफ्ता
कोफ्त्याच्या कृतीसाठी इथे क्लिक करा

ग्रेव्ही मंद आचेवर गरम करावी व त्यात दूध घालून मिक्स करावे. कढईवर झाकण ठेवून ५ मिनीटे मंद आचेवर उकळू द्यावे, आयत्यावेळी पनीरचे तुकडे घालावे.

तयार कोफ्ते सर्व्हींग प्लेटमध्ये ठेवावेत त्यावर गरम ग्रेव्ही घालावी. कोथिंबीर आणि द्राक्षं घालून सजवावे. नान, रोटी किंवा पोळीबरोबर सर्व्ह करावे.

Labels:
Paneer Kofta Recipe, North Indian food, Indian Curry Recipes, Kofta recipe, Paneer Recipe

तवा पुलाव - Tava Pulav

Tawa Pulao (English Version)

वाढणी : २ जणांसाठी


हा चमचमीत तवा पुलाव चविष्ट अशा रायत्याबरोबर खा आणि खिलवा !!!



साहित्य:
:::: भातासाठी ::::
१ टिस्पून + १ टिस्पून बटर
३/४ कप बासमती तांदूळ
दिड ते पाउणेदोन कप पाणी
मिठ
:::: मसाला ::::
गाजर : १/८ कप पातळ चिरलेले (१ इंच तुकडे)
भोपळी मिरची: १/४ कप पातळ उभी चिरलेली (१ इंच तुकडे)
फ्लॉवरचे तुरे अर्धे शिजवलेले : १/४ कप
कांदा : १/४ कप बारीक चिरून १/८ कप उभा चिरून
टॉमेटो : १/२ कप बारीक चिरून
शिजवलेला बटाटा : १/८ कप बारीक फोडी
वाफवलेले मटार : १/४ कप
दिड टिस्पून लसूण पेस्ट
१/२ टिस्पून जिरे
दिड टिस्पून लाल तिखट
२ टिस्पून बटर
१ टिस्पून पावभाजी मसाला
खडा मसाला : १ लहान तुकडा दालचिनी, २ लवंगा, १ तमाल पत्र, १ वेलची
सजावटीसाठी चिरलेली कोथिंबीर

कृती:
१) बासमती तांदूळ धुवून १० मिनीटे निथळत ठेवावा. नंतर १ टिस्पून बटर नॉनस्टिक भांड्यात गरम करावे त्यावर बासमती तांदूळ २ ते ३ मिनीटे परतावा. नंतर दिड ते पाउणेदोन कप पाणी घालावे. थोडे मिठ घालावे. मिडीयम लो फ्लेमवरती झाकण न ठेवता भात शिजवावा. मधेमधे ढवळावा. भात शिजला कि एका ताटात किंवा परातीत तो मोकळा करावा. थोडे बटर शिजलेल्या भाताला लावून घ्यावे. वरून बटर घातल्याने भाताला छान तकाकी येते. हे करताना भाताची शिते मोडणार नाहीत याची काळजी घ्यावी.
२) नंतर नॉनस्टिक तवा मध्यम आचेवर गरम करावा. त्यात २ टिस्पून बटर घालावे. लगेच जिरे घालावे. जिरे तडतडले कि लसूण पेस्ट आणि लाल तिखट घालावे. ३० सेकंद परतावे.
३) कांदा घालून थोडे परतावे. कांदा थोडा शिजला कि भोपळी मिरची आणि गाजर घालावे. साधारण २ ते ३ मिनीटे परतावे. भाज्या अगदी पूर्ण शिजवू नयेत.
४) नंतर फ्लॉवरचे तुरे, टॉमेटो घालून १-२ मिनीटे परतावे. नंतर मटार, बटाटा आणि पावभाजी मसाला घालावा. चवीनुसार मिठ घालावे. पावभाजीला करतो तशा या भाज्या आपण मॅश करणार नाही आहोत कारण पुलावमध्ये भाज्या दिसल्या पाहिजेत.
५) हि भाजी तयार झाली कि ती तव्याच्या एका कडेला करून घ्यावी. तव्याच्या रिकाम्या भागात १/२ टिस्पून बटर घालावे त्यात खडामसाला घालावा. १० - १५ सेकंद परतून भाजी त्यात मिक्स करावी. जर आपण खडा मसाला आधीच फोडणीत घातला असता तर त्याचा स्वाद गरजेपेक्षा जास्त उतरला असता. म्हणून भाजी झाल्यावर शेवटी खडा मसाल्याची फोडणी करून भाजीत मिक्स करावी.
६) भाजी झाली कि गॅस मिडीयम हायवर ठेवावा. या भाजीत तयार भात घालावा. भाताचे ४ भाग करून एकेक भाग भाजीत घालावा म्हणजे सर्व भाताला भाजी लागेल आणि निट मिक्स होईल. तव्यावर हा भात छान परतून रायत्याबरोबर गरम गरम सर्व्ह करावा.

Labels: tawa Pulao, Mumbai Tawa Pulav, Pulav recipe, Tawa recipe, pavbhaji pulav, spicy pulao recipe

पनीर हरीयाली - Paneer Hariyali

Paneer Hariyali (English Version)




वाढणी : साधारण १ प्लेट (२ जण)

साहित्य:
३/४ कप फ्रेश पनीरचे तुकडे (साधारण १२-१४ मध्यम चौकोनी तुकडे)
१/२ कप भोपळी मिरचीचे चौकोनी तुकडे
३ टेस्पून दही
३/४ कप उभा चिरलेला कांदा
१ टेस्पून आलेलसूण पेस्ट
२ टेस्पून बटर
१/४ टिस्पून हळद
३-४ टेस्पून तेल
:::मसाला बनवण्यासाठी:::
१ काडी दालचिनी
४ काळीमिरी
३ लवंग
३ वेलची
१ टिस्पून धनेपूड
१ टिस्पून जिरेपूड
:::हिरवा मसाला बनवण्यासाठी:::
४-५ हिरव्या मिरच्या
१/२ कप पुदीना पाने
१/२ कप कोथिंबीर

कृती:
१) प्रथम दही १/२ ते पाऊण तास सुती कपड्यात घालून टांगून ठेवावे व त्यातील पाणी जाऊ द्यावे. म्हणजे भाजीत घातल्यावर फुटणार नाही.
२) मसाला बनवण्यासाठी दालचिनी, काळीमिरी, लवंग, वेलची, धनेपूड, जिरेपूड मिक्सरमध्ये बारीक वाटून पूड करून घ्यावी.
३) हिरव्या मिरच्या, पुदीना पाने, कोथिंबीर आणि थोडे मिठ एकत्र मिक्सरमध्ये वाटून बारीक पेस्ट करावी.
४) नॉनस्टीक पॅनमध्ये तेल घालून त्यात कांदा मध्यम आचेवर परतून घ्यावा. कांदा परतताना त्यात थोडे मिठ घालावे. कांदा थोडा थंड होवू द्यावा व मिक्सरमध्ये बारीक वाटून घ्यावा. उरलेल्या तेलात पनीरचे तुकडे किंचीत फ्राय करून घ्यावे.
५) नॉनस्टीक पॅन बटर घालून त्यात प्रथम आलेलसूण पेस्ट घालून परतावे. त्यावर क्र. २ मध्ये बनवलेला मसाला घालून परतावा. छान वास सुटला कि भोपळी मिरचीचे तुकडे घालावे व ब्रिफली परतावे.
६) नंतर हिरवा मसाला घालून थोडे परतावे. त्यात कांद्याची पेस्ट घालावी. थोडावेळ परतून त्यात १/२ कप पाणी आणि गरजेनुसार मिठ घालावे आणि थोडे शिजू द्यावे. गॅस एकदम मंद करून त्यात परतलेले पनीरचे तुकडे घालावे. दही घालावे व ढवळावे. भाजीच्या कडेने बटरचा तवंग सुटायला लागला कि भाजी झाली असे समजावे.
हि भाजी पोळी तसेच भाताबरोबरही चविष्ट लागते. नक्की ट्राय करून पाहा. पुदीना पनीरचे कॉम्बिनेशन तर मस्तच.

Labels:
Paneer, paneer recipe, indian paneer recipe, paneer hariyali, Paneer curry recipe, hotel style paneer recipe, North indian paneer recipe, Indian paneer, spicy paneer recipe

भटुरे - Bhature

Bhature (English version)

छोल्यांबरोबर भटुरे खुप छान लागतात. पुढे भटुर्यांची कृती दिलेली आहे. त्याबरोबरच छोल्यांच्या कृतीची हि लिंक.

साहित्य:
१ वाटी दही
२ वाटी मैदा
चवीपुरते मीठ
तळण्यासाठी तेल

कृती:
१) दही आणि मीठ एकत्र करून घोटावे. त्यात मैदा घालून पिठ भिजवावे. दही आणि मीठ एकत्र केल्याने दह्याला किंचित पाणी सुटते त्यामुळे १-२ चमचे मैदा अधिक लागू शकतो. थोडे तेल घालावे. पिठ मळून घ्यावे. पिठ ४-५ तास झाकून ठेवून द्यावे.
२) ४-५ तासांनंतर परत एकदा पिठ मळून घ्यावे. त्याचे मध्यम आकाराचे गोळे करावे (२ ते अडीच इंच आकाराचे). तेल तापत ठेवावे. पिठाच्या फुलक्याच्या आकाराच्या पुर्या लाटाव्यात. खुप पातळ लाटू नये.
३) हे भटूरे तेलात मध्यम आचेवर तळून घ्यावे. छोल्यांबरोबर गरमागरम सर्व्ह करावे.

Labels:
Bhature, Chole Bhature recipe, Chhole recipe, bhatura recipe, Punjabi Food, Punjabi Bhature, North Indian Recipe

पालक पनीर - Palak Paneer

Palak Paneer in English

२ ते ३ जणांसाठी
वेळ: ४० मिनीटे

साहित्य:
४०० ग्राम पालक (साधारण २ जुड्या) (खुडलेला)
१५० ग्राम ताजे पनीर
१/२ कप कांदा, बारीक चिरलेला
१ मध्यम टोमॅटो
१/२ टिस्पून जिरे
१ टिस्पून लसूण पेस्ट
१/२ टिस्पून आले पेस्ट
२-३ हिरव्या मिरच्या, कुटून
१/२ टिस्पून धणेपूड
१ टिस्पून जिरेपूड
१ टिस्पून कसूरी मेथी
खडा गरम मसाला (१ वेलची, १ तमालपत्र, २ लवंगा, १ लहान काडी दालचिनी).
३ टेस्पून तेल
मीठ चवीनुसार

कृती:
१) पालक धुवून त्याची पाने खुडून घ्यावी. एका पातेल्यात पाणी करत ठेवावे. पाणी गरम झाले त्यात पालक घालून झाकण न ठेवता उकळी काढावी.२-३ मिनीटांनी सर्व पाणी काढून पालक थोडा थंड होवू द्यावा. थंड झाला कि मिक्सरवर पाणी न घालता बारीक पेस्ट करून घ्यावी.
२) टोमॅटो ब्लांच करून घ्यावा. त्यासाठी पातेल्यात टोमॅटो बुडेल इतपत पाणी गरम करावे. टोमॅटोला हलकेच सालाला चिर द्यावी सोलताना सोपे जाते. पाणी उकळले कि त्यात टोमॅटो २ मिनीटे शिजू द्यावा. नंतर लगेच थंड पाण्यात घालावा यामुळे साल निघायला मदत होईल. साल काढून आतल्या भागाची प्युरी करावी.
३) नॉनस्टीक फ्राईंग पॅनमध्ये २ टेस्पून चमचे तेल गरम करावे. खडा गरम मसाला घालावा. १/२ मिनीट फ्राय करून जिरे घालावे. बारीक चिरलेला कांदा घालून गोल्डन ब्राउन होईस्तोवर परतावे. नंतर आलेलसूण पेस्ट घालावी. आलेलसणीचा छान वास सुटला कि टोमॅटो घालून परतावे. टोमॅटो प्युरी घालून त्याचा कच्चट वास जाईस्तोवर परतावे.
४) त्यात धणेजिरेपूड, कसूरी मेथी घालावी. त्यात पालकाची पेस्ट, मिठ आणि मिरचीची पेस्ट घालावी. मध्यम आचेवर ५ मिनीटे शिजू द्यावे.
५) मिश्रण चांगले मिळून आले कि त्यात पालकाची पेस्ट घालावी. १ उकळी काढून पनीरचे तुकडे घालावेत. १-२ मिनीटानंतर गॅस बंद करावा. गरमागरम सर्व्ह करावे.

टीप:
१) आवडत असल्यास पालक पनीर तयार झाल्यावर त्यात १/२ वाटी क्रिम घालू शकतो.
२) जर पनीर ताजे नसेल तर आधी डीप फ्राय करून घ्यावे.

Labels:
Palak Paneer, Spinach Recipe,Spinach Curry, North Indian Palak Paneer

पनीर मसाला - Paneer Masala

Paneer Masala (English Version)



साहित्य:
२०० ग्राम पनीर
२-३ चमचे बटर
१ चमचा आलेलसूण पेस्ट
१ मध्यम कांदा
१ चमचा धणेपूड
१/२ चमचा गरम मसाला पावडर
२ चमचे लाल तिखट
१ चमचा टोमॅटो सॉस
२ लहान टोमॅटो
१ कप दूध
तेल
चिरलेली कोथिंबीर
मीठ

कृती:
१) सर्वप्रथम पनीरचे तुकडे करून ते नॉनस्टीक फ्राईंग पॅनमध्ये थोडे तेल घालून शालो फ्राय करून घ्यावे.
२) कांदा उभा पातळ चिरून घ्यावा आणि नॉनस्टीक फ्राईंग पॅनमध्ये ३-४ चमचे तेलावर खरपूस तळून घ्यावा. पेपर टॉवेलवर काढून अधिकचे तेल काढून टाकावे.
३) २ टोमॅटो उकडून घ्यावेत. साले काढून त्याची दाटसर प्युरी करावी.
४) १ चमचा धणेपूड, १/२ चमचा गरम मसाला, २ चमचे लाल तिखट, १ चमचा टोमॅटो सॉस, २ लहान टॊमेटोची प्युरी, १ कप दूध एकत्र ढवळून ग्रेव्हीसाठी मिश्रण तयार करावे. मिश्रण एकदम पातळ किंवा एकदम घट्ट नसावे.
५) कढईत बटर वितळवावे. आले लसूण पेस्ट घालून परतावी. तळलेला कांदा घालावा. ग्रेव्हीसाठी तयार केलेले मिश्रण घालावे. मध्यम आचेवर ५ मिनीट झाकण ठेवून शिजू द्यावे. मीठ घालावे. फ्राय केलेले पनीरचे तुकडे घालावे. १ उकळी काढावी. कोथिंबीर पेरून गरम गरम सर्व्ह करावे.

टीप :
१) आवडत असल्यास वरून थोडे क्रिम घालावे.

Labels:
Paneer Masala, Paneer Recipes, Paneer Curry recipe, Punjabi Paneer Recipes, North Indian Spicy food

मटर पनीर - Matar Paneer

Matar Paneer in English

३ ते ४ जणांसाठी
वेळ: साधारण ४५ ते ५० मिनीटे (पूर्वतयारी: ३० मिनीटे, ग्रेव्हीसाठी: १५ मिनीटे )

साहित्य:
२५० ग्राम पनीर (टीप १ आणि २)
१ कप हिरवे मटार (फ्रोजन)
१ मोठा कांदा, चिरून
४ मध्यम टोमॅटो, चिरून
खडा गरम मसाला (२ वेलची, १ तमालपत्र, ४ लवंगा, १ लहान काडी दालचिनी, ३ ते ४ मिरीदाणे) हा गरम मसाला (वेलची सोडून) खलबत्त्यात थोडा कुटून घ्यावा.
२ टिस्पून आलेलसूण पेस्ट (४ ते ५ मध्यम लसूण पाकळ्या + १/२ ते १ इंच आल्याचा तुकडा)
७-८ काजू बी
१ टिस्पून धणेपूड
१/२ टिस्पून जिरेपूड
१/२ टिस्पून आमचुर पावडर (टीप ६)
१/२ टिस्पून जिरे
१ हिरवी मिरची (ऐच्छिक)
१/४ टिस्पून हळद
१-२ टिस्पून लाल तिखट (टीप ५)
३ टेस्पून तेल
चवीपुरते मिठ
१ ते २ टिस्पून साखर (टीप ७) (ऐच्छिक)
२ टेस्पून फेटलेले दही
कोथिंबीर सजावटीसाठी

कृती:
१) नॉनस्टीक फ्राईंग पॅनमध्ये २ टेस्पून तेल गरम करावे. त्यात काजू घालून थोडे फ्राय करावे. नंतर बारीक चिरलेला कांदा परतून घ्यावा. मिठ घालावे. कांदा शिजला कि हळद आणि आलेलसूण पेस्ट घालावी. जरावेळ परतून बारीक चिरलेला टोमॅटो घालावा. टोमॅटो मऊसर होवून शिजला कि हे मिश्रण थंड होवू द्यावे. नंतर हे मिश्रण मिक्सरवर थोडे पाणी घालून अगदी बारीक वाटून घ्यावे.
२) पनीरचे तुकडे थोड्या तेलात, नॉनस्टीक पॅनमध्ये शालो फ्राय करून घ्यावेत.
३) पॅनमध्ये १ टेस्पून तेल गरम करावे. त्यात कुटलेला गरम मसाला मध्यम आचेवर १५ सेकंद परतावा. त्यात वेलची आणि जिरे घालावे. नंतर मिक्सरवर वाटलेले मिश्रण घालावे. थोडे पाणी घालावे. धणेजिरे पूड, साखर आणि लाल तिखट घालावे. मध्यम आचेवर ५-७ मिनीटे उकळी काढावी. हिरवी मिरची घालावी. हिरवे मटार घालून काही मिनीटे उकळी काढावी. पनीरचे तुकडे घालावेत. हलक्या हाताने ढवळावे. दही घालून मिक्स करावे. पनीर घातल्यावर जास्त वेळ भाजी ढवळू नये. चिरलेली कोथिंबीर पेरून गरमगरम सर्व्ह करावी.
हि भाजी रोटी नान किंवा अगदी भाताबरोबरही चविष्ट लागते.

टीप :
१) रेस्टोरेंटमध्ये पनीर बर्‍याचदा फ्राय करून वापरतात. पनीर जेवढे फ्रेश असेल तेवढी भाजीला टेस्ट छान येते. फ्रेश पनीर फ्राय न करताच भाजीत वापरता येते. पण पनीर जर फ्रेश नसेल तर ते शालो फ्राय करून घ्यावे. मगच भाजीत वापरावे.
२) होल मिल्कचे पनीर खुप चविष्ट परंतु अगदी लुसलुशीत असे बनते. अशावेळी पनीर बनवून २ दिवस फ्रिजमध्ये ठेवावे आणि जेव्हा शालो फ्राय करायचे असेल त्यावेळी फ्रिजमधून बाहेर काढावे. तुकडे करून मिडीयम लो फ्लेमवरच शालो फ्राय करावे.
३) जर खडा गरम मसाला नसेल तर १ चमचा गरम मसाला घालावा. पण शक्यतो खडा गरम मसालाच वापरण्याचा प्रयत्न करा, त्याने उत्तम फ्लेवर येतो.
४) मी फ्रोजन मटार वापरले होते. जर ताजे मटार वापरणार असाल तर कांदा टोमॅटोच्या मिश्रणात मध्यम आचेवर ७ ते ८ मिनीटे शिजू द्यावे.
५) चांगला लाल रंग येईल असे लाल तिखट वापरावे. मी ’देगी मिर्च’ लाल तिखट वापरले होते.
६) कधी कधी टोमॅटोला आंबटपणा कमी असल्याने भाजीलाही आंबटपणा कमी येतो किंवा येतच नाही. भारतात मिळणार्‍या टोमॅटोंना शक्यतो गरजेपुरता आंबटपणा असतो तेव्हा चव पाहून मगच आमचुर पावडर वापरावी.
७) साखरेच्या अगदी किंचीत चवीने भाजीचा स्वाद आणखी वाढतो.

Labels:
Paneer Recipe, Mutar Paneer recipe, spicy paneer recipe, Punjabi paneer recipe, Indian Paneer Recipe

मश्रुम कढाई - Mushroom Kadhai

Mushroom Kadhai (English Version)


Serves : 2 to 3 persons


साहित्य:
२०० ग्राम मश्रुम
२ मध्यम कांदे (१ बारीक चिरणे, १ मोठ्या चौकोनी फोडी करणे)
१ लहान भोपळी मिरची
२ मध्यम टोमॅटो
२ चमचे आले लसूण पेस्ट
२ चमचे लाल तिखट
धणे पूड
जिरे पूड
गरम मसाला पावडर
तेल
मीठ
मिरपूड
कोथिंबीर

कृती:
१) १ कांदा बारीक चिरून घ्यावा. ३-४ चमचे तेलावर परतून घ्यावा. कांदा परतला कि त्यात त्यात आलेलसूण पेस्ट घालावी.
२) आले लसणीचा छान गंध सुटला कि त्यात लाल तिखट घालावे. ढवळून बारीक चिरलेला टोमॅटो घालावा. मिडीयम हाय हिटवर टोमॅटो शिजू द्यावा. थोडे पाणी घालून ढवळत राहावे ज्यामुळे मिश्रण एकजीव होईल. मिश्रण खुप पातळ करू नये.
३) टोमॅटो शिजला कि त्यात १ चमचा धणेपूड १ चमचा जिरे पूड, १ चमचा गरम मसाला पावडर, २ चिमटी मिरपूड, चवीपुरते मिठ घालून ढवळावे. १ उकळी काढावी. ३-४ मिनीटांनी गॅस बंद करावा.
४) मश्रुम चिरून घ्यावा. प्रत्येक मश्रुम अधिक चिन्हात चिरून चार चार तुकडे करावे. १ कांद्याच्या आणि भोपळी मिरचीच्या मोठ्या चौकोनी फोडी कराव्यात.
५) मश्रुमचे तुकडे तेल न वापरता फ्राईंग पॅनमध्ये थोडे मिठ घालून १/२ ते १ मिनीट परतून घ्यावेत.
६) दुसर्या कढईत ग्रेव्ही घ्यावी. कांदा भोपळी मिरचीचे मोठे तुकडे ग्रेव्हीत घालावेत. १-२ मिनीटानंतर मश्रुमचे तुकडे, गरज असल्यास मिठ आणि थोडी धणे-जिरेपूड घालावी. वरून कोथिंबीर पेरावी.

Labels:
Mushroom kadhai, Kadai recipe, North Indian Food, Indian Spicy Curry recipe, Mushroom Curry recipe

छोले - Chhole

Chole in English

साहित्य:
१ कप पांढरे काबुली चणे (White Chickpeas)
१ कप बारीक चिरलेला कांदा
अडीच कप बारीक चिरलेला टोमॅटो
दिड टिस्पून छोले मसाला
फोडणीसाठी: १/२ टिस्पून जिरे,१/४ टिस्पून हळद, २ टिस्पून लाल तिखट
१ टिस्पून आले पेस्ट
३ लसूण पाकळ्यांची पेस्ट
१ टिस्पून आमचूर पावडर
१ टिस्पून धणेपूड
२-३ टिस्पून तेल
कोथिंबीर
लिंबू
मीठ

कृती :
१) चणे ९-१० तास भिजत घालावे. नंतर कूकरमध्ये ४ शिट्या करून चणे शिजवून घ्यावे, शिजवताना पाण्यात थोडे मिठ घालावे. चणे मऊसर शिजवावे. अगदी जास्त शिट्ट्या केल्या तर चणे फुटतात. त्यामुळे प्रत्येकाने घरातील कूकरचा अंदाज घेउन चणे शिजवावेत.
२) कांदा आणि टोमॅटो अगदी बारीक चिरावेत.
३) चणे शिजले कि कढईत २-३ टिस्पून तेल गरम करावे. जिरे, हळद, लाल तिखट घालून फोडणी करावी, आले-लसूण पेस्ट घालून परतावे, कांदा परतावा. कांदा परतला कि त्यात टोमॅटो घालावा. थोडी धणेपूड घालावी. मंद आचेवर झाकण ठेवून शिजू द्यावे.
४) टोमॅटो अगदी नरम झाला कि शिजलेले चणे घालावेत, चवीपुरते मीठ घालावे म्हणजे चणे शिजताना मीठ आत मुरते. आवश्यक तेवढे पाणी घालावे. मध्यम आचेवर झाकण ठेवून वाफ काढावी.
५) २-३ मिनीटांनी छोले मसाला आणि आमचूर पावडर घालून ढवळावे. जर मीठ किंवा तिखट कमी वाटत असेल तर वरून घालावे. थोडावेळ मंद आचेवर उकळू द्यावे.
खासकरून छोले आणि भटुरे यांचे काँबिनेशन मस्तच लागते. तसेच छोले पाव किंवा पोळीबरोबरही खायला छान लागतात.

Labels:
Chole Recipe,Punjabi Chole Recipe, Punjabi Recipe, Chole Bhature Recipe, North Indian Food, Chole, Chhole, Punjabi Chole Reicpe, Spicy Chole Recipe, Chhole bhature, cholle bhature recipe

आलू पराठा - Aloo Paratha

Aloo Paratha in English


साहित्य:
गव्हाचे पिठ
२ मध्यम आकाराचे शिजलेले बटाटे
१ चमचा लसूण पेस्ट
१ ते दिड चमचा हिरव्या मिरच्यांचा ठेचा
पाऊण वाटी बारीक चिरलेली कोथिंबीर
१ चमचा जिरे
१ लहान चमचा जिरेपूड
मीठ
बटर

कृती:
१) २ ते अडीच वाट्या गव्हाचे पिठ मळून घ्यावे. चवीसाठी मिठ घालावे.
२) शिजलेले बटाटे किसून घ्यावेत त्यामुळे बटाट्याच्या गुठळ्या होणार नाहीत. त्यात लसूण पेस्ट, मिरची ठेचा, कोथिंबीर, जिरे, जिरेपूड आणि मिठ मिक्स करावे.
३) कणकेचे आणि बटाट्याच्या मिश्रणाचे मध्यम आकाराचे समान गोळे करावे.
४) ४ इंच गोल पोळी लाटून त्यात बटाट्याच्या मिश्रणाचा एक गोळा मध्यभागी ठेवावा आणि कणकेची बाकी टोकं मध्यभागी आणून बटाट्याचे मिश्रण पूर्ण कव्हर करावे (पुरणपोळीला जसे स्टफिंग करतो तसे).
५) पोळपाटावर थोडे गव्हाचे पिठ लावावे. आणि हलक्या हाताने पराठा लाटावा. तवा गरम करावा आणि मगच पराठा त्यावर टाकावा. बटर किंवा तेलावर हा पराठा दोन्ही बाजूंनी निट भाजावा.


टीप:
१) पराठ्यात लसणीऐवजी अगदी बारीक चिरलेला कांदासुद्धा घालू शकतो.
२) पिठ अगदी सैल मळू नये, किंचीत घट्टच असावे.

चकली

वेजिटेबल बिर्याणी - Vegetable Biryani

Vegetable Biryani in English


साहित्य:
१ कप बासमती तांदूळ
२ मध्यम कांदे उभे चिरून
१/२ कप मटार
५-६ फ्लॉवरचे तूरे अर्धा कप गाजर आणि फरसबीचे तुकडे (आवडत असलेल्या भाज्यांचे तुकडे सुद्धा घालू शकतो)
२ मध्यम टॉमेटोची प्युरी (टोमॅटो शिजवून त्याची साले काढावीत आणि मिकसरवर प्युरी करावी)
८-९ काजू बी
१ टेस्पून लसूण पेस्ट
१ टेस्पून आले पेस्ट
१/२ कप दूध
पाव ते अर्धा कप दही
१ टेस्पून तूप
१/२ टिस्पून लाल तिखट
१/४ टिस्पून हळद
१ टेस्पून वेजिटेबल बिर्यानी मसाला
चवीपुरते मीठ
२ टेस्पून तेल

कृती:
१) तांदुळाच्या अडीचपट पाणी घेऊन त्यात १/२ चमचा तेल आणि पाऊण चमचा मीठ घालावे. त्यात तांदूळ घालावे. वरुन झाकण ठेवून तांदूळ शिजू द्यावे. (तांदूळ पूर्ण शिजवू नयेत. अगदी किंचित कच्चे ठेवावे) उरलेले पाणी काढून घ्यावे. आणि तयार भात परातीत मोकळा करून ठेवावा.
२) भाज्या अर्धवट शिजवून घ्याव्यात (गाजर, फारसबी, फ्लॉवर.. वगैरे)
३) नॉनस्टिक फ्राईंग पॅनमध्ये ३ चमचे तेल घेऊन त्यात कांदा, काजू बी, आले-लसूण पेस्ट घालावी. २ मिनिटे मंद आचेवर परतून त्यात टोमॅटो प्युरी घालावी. १ चमचा लाल तिखट, अर्धा चमचा हळद घालून झाकण ठेवून वाफ काढावी. नंतर त्यात फेटलेले दही, बिर्याणी मसाला घालून ढवळावे. शिजवलेल्या भाज्या आणि थोडे मीठ घालावे.
४) दुसर्‍या नॉनस्टिक पॅनमध्ये अर्धा भाग शीजलेले तांदूळ पसरावे, त्यावर तयार ग्रेवी (टोमॅटो प्युरी आणि भाज्या) घालावी. आणि त्यावर उरलेला अर्धा भाग भात पसरावा.
५) १/२ कप दूध घालून मंद आचेवर १०-१२ मिनिटे वाफ काढावी. बिर्याणी तयार झाल्यावर त्यात कडेने तूप सोडावे.

टीप:
१) जर ओव्हनमध्ये बिर्याणी करायची असेल तर ओव्हन ४०० F प्रिहीट करावे. ओव्हनसेफ भांड्यात क्रमांक ४ व ५ मध्ये दिल्याप्रमाणे भाताचा व भाजीचा थर लावावा. वरून अल्युमिनीयम फॉईलने भांडे बंद करावे व १५ मिनीटे ओव्हनमध्ये ठेवावे.

Labels:
vegetable Biryani, easy recipe of Biryani, Dum Biryani, veg biryani recipe

पाणी पुरी - Pani Puri

Pani Puri in English

साधारण ५० मध्यम पुर्‍या
वेळ: ६० ते ७० मिनीटे

साहित्य:
३/४ कप बारीक रवा
२ टेस्पून मैदा
चवीपुरते मिठ
क्लब सोडा वॉटर (प्यायचा सोडा)
तळण्यासाठी तेल

इतर संबंधित पाककृती:
पाणीपुरीचे स्टफिंग
पाणीपुरीचे पाणी

कृती:
१) रवा, मैदा आणि मिठ एकत्र करावे. त्यात सोड वॉटर घालून एकदम घट्ट भिजवावे. सुती कपडा पाण्याने भिजवून घट्ट पिळून घ्यावा. भिजवलेला गोळा या कपड्याने १५ ते २० मिनीटे झाकून ठेवावे.
२) नंतर भिजवलेल्या पिठाचे करवंदाएवढे छोटे गोळे करावे आणि ते गोळे कोरडे पडू नयेत म्हणून ओल्या फडक्याखाली ठेवून द्यावे.
३) तेल मध्यम आचेवर तापवावे. गोळे लाटून पुर्‍या तळाव्यात. तेल खुप गरम किंवा खुप कोमट नसावे. मध्यम आचेवर तेल तापवावे.
४) पुर्‍या तळल्यावर जाळीच्या रॅकवर (जो बेक केलेला केक गार करण्यासाठी वापरतात) तेल निथळण्यास ठेवाव्यात. या रॅकच्या खाली एकादे ताट ठेवावे म्हणजे निथळलेले तेल ताटात जमा होईल.
५) पुर्‍या शक्यतो कुरकूरीत राहातील. पण जर राहिल्या नाहीत तर बेकिंग ट्रे मध्ये पुर्‍या पसरवाव्यात. ओव्हन २०० F (९३ C) वर प्रिहीट करावा, बेकिंग ट्रे मधल्या रॅकवर ठेवावा आणि साधारण १० मिनीटे पुर्‍या बेक कराव्यात. बेक केल्यावर पुर्‍या नक्की कुरकूरीत राहतील.

Labels:
Pani Puri, Panipurichya purya, Golgappa, Golguppa, Puchka