दाल माखनी - Dal Makhani

Dal Makhani in English

Dal Makhani is a delicacy from Punjab in India. This Dal is cooked in lot of Butter and taste great. (Dal - Cooked Lentils and Makhani (Makkhan in hindi) - Butter)
Traditionally this dal was cooked slowly, for hours, on charcoal. This gave it a creamier texture. Traditionally cooked in a Punjabi houses, it had ‘malai’ (thick creamy skin that forms on top of milk) or fresh butter added to it. Dal Makhani can be served with Paratha, Naan, Roti or even Rice.

वाढणी: ३ ते ४ जणांसाठी

साहित्य:
१/२ कप अख्खे उडीद, सालासकट
१/४ कप राजमा (रेड बिन्स)
३ टेस्पून आलेलसूण पेस्ट
२ + २ बटर
१ टिस्पून जिरे
१/२ टिस्पून हळद
२ मध्यम टॉमेटो
१ टिस्पून गरम मसाला पावडर किंवा खडा मसाला (२ लवंगा, २ वेलची, १ तमालपत्र, १ लहान दालचिनीचा तुकडा)
१/२ कप कांदा, बारीक चिरून
२ टिस्पून लाल तिखट
१ टिस्पून धणेपूड
१ टिस्पून जिरेपूड
१/२ टिस्पून आमचूर पावडर
१/२ टिस्पून कसूरी मेथी
१/२ कप दूध
चवीपुरते मिठ
कोथिंबीर सजावटीसाठी

कृती:
१) उडीद आणि राजमा धुवून ६ ते ८ तास पाण्यात भिजवून ठेवावे. प्रेशर कूकरमध्ये भिजवलेले उडीद आणि राजमा दुप्पट पाणी घालून मऊसर शिजवून घ्यावेत. साधरण ४ ते ५ शिट्ट्या कराव्यात.
२) टॉमेटो प्युरीसाठी एक खोलगट पॅनमध्ये टॉमेटो बुडतील इतपत पाणी गरम करावे. त्यात २ टॉमेटो घालून २ मिनीटे उकळवावे आणि बाहेर काढून थंड होवू द्यावेत. साले आणि बिया काढून टाकाव्यात उरलेला भाग आणि थोडे पाणी मिक्सरमध्ये घालून प्युरी करून घ्यावी.
३) खोलगट पॅनमध्ये बटर घालून मध्यम आचेवर वितळू द्यावे. त्यात जिरे, हळद घालावी. [जर अख्खा गरम मसाला घालणार असाल तर तो आत्ता घालावा. काही सेकंद परतावे.]
४) आलेलसूण पेस्ट आणि लाल तिखट घालावे. काही सेकंद परतून त्यात चिरलेला कांदा घालून परतावे. कांदा निट परतल गेला कि टॉमेटो प्युरी घालून मध्यम आचेवर, पॅनवर झाकण ठेवून ५ ते ७ मिनीटे शिजू द्यावे. मधेमधे ढवळावे.
५) धणे-जिरेपूड घालावी आणि ढवळावे. शिजवलेले उडीद आणि राजमा घालावे. थोडावेळ मॅश करावे. गरजेपुरते पाणी घालून मधम आचेवर उकळी काढावी.
६) जर तुम्ही आख्खा गरम मसाला घातला नसेल तर आता गरम मसाला पावडर घालावी. नंतर कसूरी मेथी, मिठ आणि आमचूर पावडर घालून ढवळावे. अजून थोडे पाणी घालून घट्टपणा अड्जस्ट करावा. पॅनवर झाकण ठेवून २० ते २५ मिनीटे कमी आचेवर शिजू द्यावे. मधेमधे ढवळावे, डाळ पॅनच्या तळाला चिकटू देवू नये.
७) २ टेस्पून बटर घालून अजून १० मिनीटे वाफ काढावी. १० मिनीटांनी १/२ कप दूध घालावे आणि ढवळावे. परत झाकण ठेवून मध्यम आचेवर ५ मिनीटे वाफ काढावी.
गरम दाल मखनी कोथिंबीरीने सजवून रोटी, नान, किंवा भाताबरोबर सर्व्ह करावे.

Labels:
Dal Makhani, Malai Dal, Punjabi Dal Makhani

डाळींबी उसळ - Dalimbi Usal

Dalimbi Usal in English

वाढणी: २ जणांसाठी



साहित्य:
३/४ कप वाल
फोडणीसाठी:
१ टेस्पून तेल, १/४ टिस्पून मोहोरी, १/२ टिस्पून जिरे, १/८ टिस्पून हिंग, १/४ टिस्पून हळद, १/२ टिस्पून लाल तिखट
४ कढीपत्ता पाने
२ टेस्पून सुका नारळ
१ टिस्पून जिरे
१ टिस्पून गूळ
२ आमसुलं
१/४ कप कोथिंबीर
२ टेस्पून ओला नारळ
चवीनुसार मिठ

कृती:
१) वाल कोमट पाण्यात १० ते १२ तास भिजत ठेवावे. नंतर पाणी काढून टाकून भिजलेले वाल मोड आणण्यासाठी पंच्यात ८ ते १० तास गच्च बांधून ठेवावे. डाळींब्यांना मोड आले कि कोमट पाण्यात १० मिनीटे टाकून ठेवावे. डाळींब्या सोलून घ्याव्यात. मोड आलेल्या डाळींब्या हाताळताना त्या अख्ख्या राहतील याची काळजी घ्यावी. साधारण सव्वा ते दिड कप डाळींब्या होतील.
२) कढईत किसलेला सुका नारळ मध्यम आचेवर भाजून घ्यावे. नंतर जिरे खरपूस भाजून घ्यावे. नंतर भाजलेला नारळ आणि भाजलेले जिरे निट कुटून घ्यावे.
३) कढईत तेल गरम करावे. त्यात १/४ टिस्पून मोहोरी घालून तडतडू द्यावी. नंतर जिरे, हिंग, हळद, आणि लाल तिखट घालून फोडणी करावी. कढीपत्ता आणि कोथिंबीर घालावी. थोडावेळ परतून डाळींब्या घालाव्यात. हलक्या हाताने परतावे. थोडा पाणी घालावे. १ ते २ टिस्पून कुटलेले जिरे-खोबरे, आमसुलं आणि मिठ घालून वाफ काढावी.
४) डाळींब्या अर्ध्या शिजल्या कि गूळ घालून वाफ काढावी. डाळींब्या खुप नाजुक असतात पटकन मोडल्या जातात म्हणून हलक्या हाताने परतावे.
उसळ तयार झाली कि ओला नारळ घालावा. गरमागरम पोळ्यांबरोबर सर्व्ह करावे.

Labels:
Dalimbyanchi Usal, Valachi Usal, Dalimbi Usal

आलू मुंगोडी चाट - Aloo Mungodi chat

Aloo Mungodi Chat in English

वाढणी: २ ते ३ जणांसाठी
वेळ: ४० मिनीटे (मूग भिजलेले असल्यास)

साहित्य:
मुगभजीसाठी:::
१/२ कप हिरवी मुगडाळ (सालासकट)
३-४ हिरव्या मिरच्या, ४ लसूण पाकळ्या
१/२ टिस्पून लाल तिखट, १/२ टिस्पून हळद, १ टिस्पून जिरेपूड
चवीपुरते मिठ
तळण्यासाठी तेल
बटाटा:::
२ मध्यम बटाटे, उकडून, १ टिस्पून बटर, चवीपुरते मिठ, १ टिस्पून लिंबाचा रस
लाल चटणी:::
लाल मिरच्या भिजवण्यासाठी वेळ नव्हता म्हणून मी लाल चटणी पुढील प्रमाणे केली
२ टिस्पून काश्मिरी लाल तिखट, १ टिस्पून धणेपूड, २-३ टेस्पून पाणी
इतर साहित्य:::
२ टेस्पून हिरवी चटणी
१/४ कप चिंचेची चटणी
२ टिस्पून चाट मसाला
१ टिस्पून जिरेपूड
१/२ कप दही
१/२ टिस्पून काळे मिठ
साधे मिठ चवीनुसार
२ टेस्पून बारीक चिरलेली कोथिंबीर, १/४ कप बारीक शेव, १/४ कप बारीक चिरलेला कांदा
१/४ टिस्पून लाल तिखट

कृती:
१) चिंचेची चटणी आणि हिरवी चटणी तयार ठेवावी. दही फेटून घ्यावे.
२) मुगभजीसाठी हिरवी मुगडाळ ३ तास भिजत घालावी. त्यातील पाणी काढून टाकावे. मिक्सरमध्ये भिजवलेली हिरवी मुगडाळ, हिरव्या मिरच्या, लसूण पाकळ्या, लाल तिखट, हळद, जिरेपूड, चवीपुरते मिठ घालून बारीक करावे. तेल गरम करून त्यात छोट्या भजी तळून घ्याव्यात.
३) उकडलेले बटाटे सोलून त्याचे छोटे तुकडे करून घ्यावेत. एक पॅन गरम करून बटर घालावे त्यात बटाट्याच्या फोडी घालून परतावे. गॅस मध्यम ठेवावा. मिठ घालावे आणि गॅस बंद करून लिंबाचा रस घालावा.
४) प्लेटमध्ये आधी भज्या घालाव्यात त्यावर परतलेले बटाटे, २ चमचे दही, हिरवी चटणी, चिंचेची चटणी, लाल चटणी, अजून थोडे दही, चाट मसाला, जिरेपूड, काळे मिठ, साधे मिठ, लाल तिखट घालावे. शेवटी कोथिंबीर, बारीक शेव घालून सजवावे.

Labels:
Dahi Chat, Pakoda Chat, Moong Bhajji Chat, Bombay chat food, Aloo Chat

दहीवडा - Dahi vada

Dahi Wada in English

वाढणी: साधारण १० मध्यम वडे


साहित्य:
::::वड्यांसाठी::::
पाउण कप उडदाची डाळ
१/४ कप ओल्या खोबर्‍याचे पातळ तुकडे
४-५ मिरं
चवीपुरते मिठ
२ कप पातळ ताक
तळण्यासाठी तेल
::::दही बनवण्यासाठी::::
दिड कप दही, ५-६ टेस्पून साखर, १ टिस्पून मिठ
::::वरून भुरभूरवण्यासाठी::::
मिरपूड, लाल तिखट, चाट मसाला

कृती:
१) उडीद डाळ पाण्यात ४-५ तास भिजत घालावी. ४-५ तासानंतर डाळ उपसून ठेवावी. आणि पाणी न घालता मिक्सरमध्ये बारीक वाटून घ्यावी. वाटलेले मिश्रण आपल्याला घट्टसर हवे आहे. पण अगदी गरज वाटल्यास थोडे पाणी घालावे. त्यात मिठ, ठेचलेले मिरं, आणि खोबर्‍याचे पातळ काप घालावेत.
२) वडे मध्यम आचेवर गोल आकारात किंवा मेदूवड्याच्या आकारात तळून घ्यावे. वड्यांचा आकार खुप मोठा ठेवू नये. काहीवेळेस वडे आतून कच्चे राहू शकतात.
३) पातळ ताकात थोडी साखर आणि किंचीत मिठ घालावे. यामध्ये तळलेले वडे साधारण अर्धा ते एक तास बुडवून ठेवावे.
४) तोवर वरून घालायचे दही तयार करून घ्यावे. वाडग्यात दही घ्यावे, रवीने नुसतेच घुसळून घ्यावे. मग किंचीत पाणी घालून आवश्यक तेवढा पातळपणा द्यावा. त्यात चवीनुसार साखर आणि मिठ घालावे. ढवळून घ्यावे. आणि थोडावेळ फ्रिजमध्ये गार करण्यास ठेवावे.
सर्व्ह करताना ताकात भिजवलेले वडे प्लेटमध्ये घालावेत. त्यावर दही घालून वरती चाट मसाला, मिरपूड, आणि लाल तिखट घालावे.

Labels:
Dahi Vada, Chat food, Indian Wedding Food, Dahi wada recipe, Indian Chat food

फडतरे यांची "कोल्हापूरी मिसळ" - Phadtare Misal

Phadtare's Kolhapuri Misal

कोल्हापूरातील फडतरे यांची मिसळ खुपच प्रसिद्ध आहे. मी त्यापद्धतीची मिसळ घरी बनवली होती. खुपच चविष्ट आणि चमचमीत पाककृती आहे.
त्याचा व्हिडीओ खाली दिला आहे. पण फडतरे यांनी hotel style सारखी जास्त प्रमाणावर हि मिसळ दाखवली आहे, म्हणून मी जशी मिसळ बनवली होती त्याचे प्रमाण दिलेले आहे.
पण त्यातील दोन चार जिन्नस (बडी इलायची, जाड मिठ, बेडगी मिरची तिखट, दगडफूल) घरात उपलब्ध नव्हते. त्यामुळे व्हिडिओ आणि खाली दिलेले प्रमाण याची सांगड घालून हि चविष्ट मिसळ नक्की करून पाहा.

वाढणी : ४ प्लेट

साहित्य:
::::बटाटा भाजी::::
२ ते अडीच कप बटाट्याच्या फोडी (शिजवून आणि सोलून)
३/४ कप कांदा (उभा चिरून)
२ टेस्पून तेल
फोडणीसाठी : १/४ टिस्पून मोहोरी, १/४ टिस्पून जिरे, १/२ टिस्पून हळद
३ ते ४ हिरव्या मिरच्या, बारीक चिरून
चवीपुरते मिठ
::::मटकी उसळ::::
३/४ कप मटकी (भिजवून मोड काढल्यावर दिड कप)
३/४ कप चिरलेला कांदा
१/२ कप चिरलेला टोमॅटो
१/२ टिस्पून हळद
२ टिस्पून लाल तिखट
१ टेस्पून धणेजिरे पूड
२ टिस्पून तेल
३/४ टिस्पून साखर
चवीनुसार मिठ
::::कट::::
४ टेस्पून तेल
३/४ कप उभा चिरलेला कांदा
१/२ कप चिरलेला टोमॅटो
१/२ टिस्पून हळद
२ टिस्पून लाल तिखट
१/४ कप ओला नारळ
गरम मसाला पेस्ट:
२ टेस्पून सुके खोबरे, ३ लवंगा, १ दालचिनीची लहान काडी, चिमूटभर जायफळ पूड, २ वेलची, ४ लसूण पाकळ्यांची पेस्ट, १ टिस्पून आलेपेस्ट, ३ हिरव्या मिरच्या, १ टिस्पून जिरे



Labels:
kolhapuri Misal, misal recipe, maharashtrian misal recipe, misal recipe video

मिनी उत्तप्पा - Mini Uttappa

Mini Uthappa (English Version)



साहित्य:
१/२ कप उडीद डाळ
सव्वा ते दिड कप तांदूळ
चवीपुरते मिठ
१ कांदा
१ टोमॅटो
१ टीस्पून मिरचीचा ठेचा (ऑप्शनल)
कोथिंबीर
१/२ वाटी तेल

कृती:
१) तांदूळ आणि उडीद डाळ पाण्यात साधारण ७-८ तास भिजत घालावे. नंतर मिक्सरमध्ये थोडे बारीक वाटून घ्यावे. मिश्रण एकदम पातळ किंवा घट्टं नसावे. मध्यमसरच वाटावे, त्यानुसार वाटताना पाणी घालावे. मिक्सरमध्ये डाळ व तांदूळ वाटताना १ चमचाभर मिठ घालावे.
२) वाटलेले मिश्रण आंबवण्यासाठी उबदार ठिकाणी किमान १०-१२ तास झाकून ठेवावे. जर वातावरण खुप थंड असेल तर ओव्हन २-३ मिनीटे प्रिहीट करून बंद करावा व मिश्रण झाकून ओव्हनमध्ये ठेवावे. तेवढ्या उबेवर पिठ आंबते. आवश्यकतेनुसार आंबवलेल्या पिठात मिठ घालावे.
३) पिठ आंबले कि कांदा पातळ आणि उभा चिरावा. कांद्याला थोडे मिठ चोळून घ्यावे. टोमॅटो बारीक चिरून घ्यावा.
४) नॉनस्टीक तवा गरम करावा. १/२ चमचा तेल घालावे. आंबवलेल्या पिठापैकी १ डाव पिठ तव्यावर घालून थोडे जाडसर पसरवावे. त्यावर चिरलेला कांदा, टोमॅटो, कोथिंबीर आणि आवडत असल्यास किंचीत मिरचीचा ठेचा लावावा.
५) मध्यम आचेवर तव्यावर झाकण ठेवून थोडी वाफ काढावी. एक बाजू शिजली कि सावकाशपणे कालथ्याने बाजू पलटावी कारण वरच्या बाजूवर आपण कांदा टोमॅटो घातले आहेत. दुसरी बाजू शिजू द्यावी. गरम गरम मिनी उत्तपा, सांबार आणि चटणीबरोबर सर्व्ह करावे.


टीप:
१) मसाला डोसा बनवताना जी बटाट्याची भाजी करतो ती भाजी, उत्तप्प्यावर कांदा टोमॅटो घालून एक वाफ काढली कि पसरवावी आणि हि बाजू शेकवावी. हा मसाला उत्तप्पाही मस्त लागतो.

Labels:
Mini Uttappa, Onion Uttappa, Tomato Uthappa, South Indian Recipe, Onion Tomato Uthappa

मसूर उसळ - Masoor Usal

Masoor Usal (Egnlish Version)

साहित्य:
१ वाटी मसूर
१ कांदा
१/४ कप ओलं खोबरं
फोडणीसाठी : २ चमचे तेल,१/४ टिस्पून मोहोरी, १/४ टिस्पून हिंग, १/४ टिस्पून हळद, १ टिस्पून लाल तिखट
२-३ कढीपत्ता पाने
१-२ आमसुलं
१ टिस्पून साखर
मीठ
चिरलेली कोथिंबीर

कृती:
१) १ वाटी मसूर रात्रभर पाण्यात भिजवावे. पाणी काढून टाकावे व सुती कापडात मोड येण्यासाठी १०-१२ तास गच्चं बांधून ठेवावेत.
२) नंतर कांदा बारीक चिरून घ्यावा. कढईत २-३ चमचे तेल गरम करावे. मोहोरी, हिंग, हळद, लाल तिखट घालून फोडणी करावी. कढीपत्ता घालावा, खवलेला नारळ घालावा, कांदा फोडणीस घालावा. मीठ घालावे.
३) कांदा परतावा. कांदा परतला गेला कि मग मोड आलेले मसूर आणि आमसुल घालावे. मध्यम आचेवर मसूर वाफेवरच शिजवावे, पाणी घालू नये. मधेमधे ढवळावे. साखर घालावी. मसूर वाफेवर छान शिजले कि कोथिंबीर घालावी.
गरम गरम पोळीबरोबर मसूराची उसळ सर्व्ह करावी.

टीप:
१) जर वातावरण फार थंड असेल तर भिजवलेल्या कडधान्याला मोड लगेच येत नाहीत. अशावेळी मसूर सुती कापडात गच्चं बांधून घ्यावेत. ओव्हन २ मिनीटं प्रिहीट करावा. ओव्हन off करावा आणि बांधलेले मसूर ओव्हनमध्ये ठेवावे. काही तासांनी व्यवस्थित मोड येतात. इतर कोणतेही कडधान्य असेल त्यांनासुद्धा अशाच पद्धतीने मोड काढता येतात.

Labels:
Masoor Usal, Maharashtrian Masoor Usal Recipe, Lentils

Masoor Usal

Masoor Usal

Ingredients:
½ cup Masoor (whole brown lentils)
1 medium onion
¼ cup fresh grated Coconut
For tempering: 2 tsp Oil, ¼ tsp Mustard Seeds, ¼ tsp Asafoetida Powder, ¼ tsp Turmeric Powder, 1 tsp Red chili Powder
2-3 Curry leaves
1-2 Kokum
1 tsp Sugar
Salt to taste
2 tbsp chopped cilantro for garnishing


Method:
1) Soak ½ cup Masoor overnight in water. Drain and put them into clean cotton cloth. Hold all the edges of cloth and tie tightly. Keep it in warm place, atleast for 10-12 hours.
2) After Masoor gets sprouted, finely chop onion. Heat 2 tsp oil in a wok, add Mustard seeds, Asafoetida Powder, Turmeric Powder, Red chili Powder, 2-3 Curry leaves and grated coconut. Then add chopped onion. Add salt.
3) Stir fry onion till it becomes translucent. Then add Sprouted Masoor and Kokum. Cover the wok with lid. Keep the heat on medium. Do not add water. let the Masoor cook on steam. Sauté in between. Add sugar.
4) Once masoor are done, garnish with cilantro. Serve hot with Chapati.

Note:
1) If you climate is cold, it coul slow down the sprouting process. Then just preheat the oven for 2 minutes. Turn off the oven and Put the tied masoor in the oven. It will keep Masoor warm and make them sprout.

मूग मटकी सलाड - Moog Matki Salad

Boiled Moong Matki Salad(English Version)

वाढणी: १ मध्यम बोल

साहित्य:
१/२ कप उकडलेली मटकी
१/२ कप उकडलेले मूग
१/२ मध्यम कांदा, चिरलेला
१ मध्यम टोमॅटो, बिया काढून चिरावा
१ हिरवी मिरची बारीक चिरलेली
१ चमचा लिंबूरस
१ लहान चमचा चाट मसाला
चवीपुरते मिठ
२ चमचे चिरलेली कोथिंबीर
१ पाती कांदयाची काडी
सजावटीसाठी:
१ लहान गाजर

कृती:
१) १/२ कप उकडलेली मटकी आणि १/२ कप उकडलेले मूग बनवण्यासाठी प्रत्येकी १/४ कप मूग आणि मटकी घ्यावी. १०-१२ तास भिजत ठेवावे. मूग मटकी भिजल्यावर त्यातील पाणी काढून टाकावे व मूग मटकीला थोडे मिठ चोळून घ्यावे. प्रेशरकूकरमध्ये पाणी घालावे. मूग आणि मटकी कूकरच्या डब्यात घ्यावी. या डब्यात पाणी घालू नये. फक्त कूकरमध्ये तळाला जे पाणी घालतो त्यावरच मूग मटकी शिजू द्यावी. मूग मटकी खुप जास्त शिजू देवू नये. जर त्या प्रमाणाबाहेर शिजल्या तर सलाडची चव बिघडेल.
२) शिजवलेले मूग मटकी, चिरलेला कांदा, थोडा पाती कांदा, चिरलेला टोमॅटो, मिरची मिक्स करून एका बोल मध्ये ठेवावे. बोलवरती झाकण ठेवून १/२ तास फ्रिजमध्ये ठेवावे.
३) एका वाटीत लिंबूरस, थोडे मिठ, चाट मसाला मिक्स करून ठेवावे. हे मिश्रण सलाड सर्व्ह करायच्या आधी त्यात मिक्स करावे. कोथिंबीर, बारीक केलेले गाजर आणि पाती कांदा याने सजवावे. यावर चवीसाठी थोडी फ्रेश मिरपूड घालावी.

टीप:
१) मूग आणि मटकीला मोड काढून हे सलाड अधिक पौष्टिक बनवू शकतो.

Labels:
Healthy Salad, Moong salad, Matki salad, moth salad, oilfree recipe, healthy heart, heart healthy diet, moth recipes, matki recipe, low calorie diet, low, calorie recipes, low calorie food, low calorie salad

मेतकूट - Metkut

Metkut (English Version)

मेतकूट हा मराठमोळा चविष्ठ पदार्थ !! मऊभात तूप आणि मेतकूट याची सर तर कशालाच नाही. दह्यात मेतकूट घालून तोंडीलावणी म्हणूनही खुप छान लागते. अशा या रूचकर मेतकूटाची ही कृती


साहित्य:
२ वाट्या चणाडाळ
१/२ वाटी उडीद डाळ
१/४ वाटी मूगडाळ
१/४ वाटी तांदूळ
१/४ वाटी गहू
१ चमचा हळद
१ चमचा लाल तिखट
१ चमचा हिंग
१ चमचा सुंठ पावडर
१ चमचा लाल मोहोरी

कृती:
१) सर्व डाळी, गहू, तांदूळ मध्यम आचेवर वेगवेगळे व कोरडेच भाजावे.
२) लाल मोहोरी मूग डाळीबरोबर भाजावी.
३) हळद, हिंग, तिखट, सुंठ पावडर एकत्र करावी. कढई गरम करावी. गॅस बंद करावा आणि हे सर्व जिन्नस थोडे शेकवून काढावे.
४) भाजलेल्या डाळी, तांदूळ, गहू, मोहोरी एकत्र अगदी बारीक दळून आणावे. हळद, हिंग, तिखट, सुंठ पावडर यांचे मिश्रण दळून आणलेल्या पिठात निट मिक्स करावे.

Labels:
Roast Dal and Spices Mixture, Maharashtrian spices, traditional spices

मूग डाळीचे लाडू - Moogdal ladu

Moog Dal Ladu

साहित्य:
२ वाट्या रवाळ मूग डाळ पिठ (पिवळी मूगडाळ)
(मूग डाळ किंचीत जाडसर दळून आणायची)
१ वाटी तूप
१ वाटी पिठीसाखर
१/२ वाटी दूध
१ लहान चमचा वेलचीपूड
आवडीनुसार बेदाणे बदाम,पिस्ता यांचे काप

कृती:
१) मूगडाळ जराशी रवाळ दळून आणायची. १ वाटी तूप पातेल्यात गरम करायचे. त्यात २ वाट्या मूगडाळीचे पिठ मध्यम आचेवर खमंग भाजायचे.
२) पिठाचा रंग बदलला आणि खमंग भाजले गेले कि त्यावर १/२ वाटी दूधाचा हबका मारावा व ढवळावे. गॅस बंद करून पातेले खाली उतरवावे.
३) भाजलेले पिठ कोमटसर झाले कि त्यात १ वाटी पिठी साखर घालावी. बर्याचदा मिक्स करताना पिठी साखरेची गोळी होते त्याची निट काळजी घ्यावी. निट मिक्स करावे. वेलची पूड, सुकामेवा घालावा व लाडू वळावे.

टीप:
१) जर लाडू अजून पौष्टीक हवे असतील तर मूगडाळ सालीसकट दळावी.
२) या लाडवांसाठी आपण हिरवी किंवा पिवळी कोणतीही मूगडाळ वापरू शकतो.

चकली

कोल्हापूरी मिसळ - Kolhapuri Misal

Kolhapuri Misal in English

(मिसळ फोटो)

साहित्य:
१ वाटी मटकी
१ बटाटा
तळण्यासाठी तेल
१ कांदा
१ टोमॅटो
गरम मसाला
फरसाण
पोहे कुरमुर्याचा चिवडा
कोथिंबीर
लिंबू
ब्रेडचे स्लाईस
कट बनवण्यासाठी साहित्य :
३-४ लसूण पाकळ्या
१ इंच आले
२-३ मिरी
१ लहान काडी दालचिनी
२-३ लवंगा
१ तमालपत्र
१ चमचा जिरेपूड
१ चमचा धनेपूड
अर्धी वाटी खवलेला ओला नारळ
१ मध्यम कांदा
२ मध्यम टोमॅटो
४-५ लहान चमचे लाल तिखट
फोडणीसाठी तेल
आमसुल किंवा चिंच
मीठ

कृती:
१) मटकी १०-१२ तास कोमट पाण्यात भिजत घालावे. त्यात जर कडक मटकी आणि खडे असतील तर ते काढून टाकावे. सुती कपड्यात बांधून मोड काढावेत.
२) मटकीला मोड आले कि कट बनवून घ्यावा. त्याचवेळी मटकी कूकरमध्ये २ शिट्ट्या करून शिजवून घ्यावी.
३) कट बनवण्यासाठी लसूण पाकळ्या, आले, मिर्या, दालचिनी, लवंगा, तमालपत्र, जिरेपूड,धनेपूड मिक्सरवर जेवढे बारीक होईल तेवढे बारीक करून घ्यावे.
४) कढईत ४-५ चमचे तेल गरम करावे. त्यात मिक्सरमधून काढलेला मसाला घालून खमंग परतावा. मसाल्याचा छान गंध सुटला कि त्यात १ कांद्याच्या आणि २ टोमॅटोच्या मोठ्या फोडी घालून परतत रहावे. सर्वात शेवटी खवलेला नारळ घालून परतावा. मिश्रणाला तेल सुटले आणि कांदा शिजला कि गॅस बंद करून बाजूला काढून थंड करावे. मिश्रण थंड झाले कि त्यात १ भांडे पाणी घालून मिक्सरवर पातळ पेस्ट करून घ्यावी.
५) नंतर मटकीची उसळ बनवून घ्यावी. पातेल्यात २-३ चमचे तेल गरम करावे. त्यात मोहोरी, हिंग, हळद घालून शिजवलेली मटकी घालावी. थोडे पाणी घालावे, १-२ चमचा गरम मसाला घालावा. बारीक गॅसवर उसळ उकळत असताना दुसर्या गॅसवर लहान कढईत अगदी थोडे बटाट्याचे तुकडे तळण्यापुरते तेल गरम करावे (साधारण अर्धी वाटी). (बटाटे तळल्यावर ७-८ चमचे तेल उरले कि त्यातच कट बनवता येतो.)
६) १ बटाटा सोलून त्याचे लहान चौकोनी तुकडे करावे, आणि मध्यम आचेवर बटाटे व्यवस्थित तळून घ्यावे, कच्चे राहू देऊ नये. तळलेले बटाट्याचे तुकडे उसळीत टाकावेत. चवीपुरते मिठ घालावे.
७) लहान कढई खालचा गॅस बारीक करून उरलेल्या तेलात हळद, हिंग, ४-५ चमचे लाल तिखट घालून तयार केलेली मसाल्याची पातळ पेस्ट घालावी. मीठ घालावे. आंबटपणासाठी २-३ आमसुल किंवा थोडा चिंचेचा कोळ घालावा. आवश्यकतेनुसार पाणी घालून १ उकळी काढावी.
८) उसळ आणि कट तयार झाला कि कांदा आणि टोमॅटो बारीक चिरून घ्यावा.
९) नंतर डिशमध्ये १ डाव उसळ घालावी. त्यावर १ पळी कट घालावा. त्यावर चिवडा, फरसाण, कांदा, टोमॅटो घालावे. लिंबू पिळून तयार मिसळ स्लाईस ब्रेडबरोबर खावी.

टीप:
१) ओला नारळ उपलब्ध नसेल किसलेला सुका नारळसुद्धा वापरू शकतो.
२) ज्यांना तळलेले बटाटे नको असतील त्यांनी शिजवलेले बटाटे घातले तरी चालते. तळलेले बटाटे उसळीत फुटत नाहीत, शिजलेले बटाटे मिसळीत फुटून मिसळ घट्ट होऊ शकते.

Labels:
Maharashtrian Misal Recipe, Usal Recipe, Kolhapuri Misal, special Misal Recipe, Misal Pav recipe, Misal Recipe, Spicy Misal Recipe

मिसळ फोटो

Misal Snaps

मिसळीचा झणझणीतपणा तुमच्यापर्यंत पोचावा यासाठी हा प्रयत्न !

हा आहे तिखट, नाकातून पाणि आणणारा कट..



मटकी उसळ - भक्कम अशा मिसळीचा चविष्ट पाया !


साथ देत आहेत ...


पहिली ठेवा मिसळ...



मग त्यावर कट....



आणि फरसाण, चिवडा, कांदा, लिंबू मारके...
http://chakali.blogspot.com/2008/01/kolhapuri-misal.html
हाण रे हाण!

मूगडाळीची कचोरी - Moogdal Kachori

Moogachi Kachori



साहित्य:
सारणासाठी:
१ वाटी हिरवी मूगाची डाळ
१ चमचा आले पेस्ट
३ हिरव्या मिरच्या/ लाल तिखट
१ चमचा आमचूर पावडर
१ चमचा बडीशेप
१ चमचा गरम मसाला
दिड चमचा साखर
हिंग, हळद, कढीपत्ता
तेल
मिठ
आवरणासाठी:
२ वाट्या गव्हाचे पिठ
३-४ चमचे तेल
पिठ भिजवण्यासाठी पाणी
चवीपुरते मिठ
तळण्यासाठी तेल

कृती:
१) मूग डाळ ४-५ तास भिजत ठेवावी. भिजवलेली मूगडाळ जाड बुडाच्या पातेल्यात घेऊन १ वाटी पाण्यात उकळवावी. उकळवताना गॅस मध्यम असावा आणि पातेल्यावर झाकण ठेवावे. मूगडाळ अगदी नरम शिजवू नये. सर्व पाणी निघून जाऊ द्यावे. नंतर मूगडाळ थोडी चेचून घ्यावी.
२) गव्हाचे पिठाची कणिक भिजवावी. अगदी घट्ट किंवा अगदी सैल भिजवू नये. कणिक झाकून ठेवावी.
३) कढईत २ चमचे तेल गरम करावे. त्यात हिंग, हळद, आले पेस्ट, मिरच्या/लाल तिखट, कढीपत्ता घालून फोडणी करावी. त्यानंतर मूगडाळ, गरम मसाला, बडीशेप, आमचूर पावडर, मिठ, साखर घालून ढवळावे. सारण थंड होवू द्यावे. हाताने एकत्र करावे म्हणजे ते मिळून येईल.
४) कणकेचे दोन-दोन इंचाचे गोळे करावे. गोल पुरीसारखे लाटावे. पुरी डाव्या हातात घेऊन उजव्या हाताने त्यात एक चमचा सारण घालावे आणि सर्व कडा एकत्र आणून व्यवस्थित बंद करावे. हे करत असतानाच तळणासाठी कढईत तेल गरम करत ठेवावे. मिडीयम हाय हिटवर कचोर्या गोल्डन ब्राउन होईस्तोवर तळून काढाव्यात. या कचोर्या गरम असतानाच खाव्यात. थंड झाल्यावर चव फार चांगली लागत नाही.
या कचोर्या कोथिंबीर-पुदीना मिरचीच्या चटणीबरोबर किंवा चिंच खजूराच्या चटणीबरोबर अगदी झकास लागतात.

टीप:
१) गरम मसाल्याबरोबर २ चमचे गोडा मसाला (काळा मसाला) वापरल्यास चव छान येते.
२) आवडत असल्यास सारण परतताना काळ्या मनुका किंवा बेदाणे घालू शकतो.

मूगाची आमटी - Moog Amati

Moog amati (English Version)


साहित्य:
१ वाटी हिरवे मूग
२ चमचे खवलेला नारळ
फोडणीसाठी : २ चमचे तेल, १/४ टिस्पून मोहोरी, १/४ टिस्पून जिरे, चिमुटभर हिंग, १/४ टिस्पून हळद, १ टिस्पून लाल तिखट, ३-४ कढीपत्ता पाने
२ पाकळ्या लसूण
१ लहान कांदा (ऑप्शनल)
१ लहान टोमॅटो
सुपारीएवढी चिंच
१ टिस्पून गूळ
२ टिस्पून गोडा मसाला
मीठ
कोथिंबीर

कृती:
१) मूग १०-१२ तास भिजत घालावे. पाण्यातून उपसून जाड सुती कापडात ८-१० तास गच्च बांधून मोड येऊ द्यावेत.
२) मोड आले कि त्यातील कडक राहिलेले मूग काढून टाकावे. मूग २ शिट्ट्या करून कूकरमध्ये शिजवून घ्यावे.
३) कढईत तेल गरम करावे. मोहोरी, जिरे, हिंग, हळद, लाल तिखट, कढीपत्ता,ठेचलेल्या लसूण पाकळ्या घालून फोडणी करावी. नारळ परतावा. जर कांदा वापरणार असाल तर कांदा उभा बारीक करून घालावा. कांदा परतला कि त्यात टोमॅटोच्या फोडी घालाव्यात.
४) टोमॅटो १-२ मिनीटे परतून त्यात मूग घालावे. मूग १-२ मिनीटे परतून त्यात २ भांडी पाणी, चिंच घालावी.
५) एक उकळी काढून गूळ आणि गोडा मसाला घालावा. मीठ घालावे. थोडा वेळ मध्यम आचेवर उकळू द्यावे. चिरलेली कोथिंबीर घालावी. गरम गरम तूप भाताबरोबर हि आमटी झकास लागते.

Labels:
Moong Amati, Maharashtrian Amati, moong recipe, Green Gram Recipe, Moogachi Amati

मूगाची डाळ - Moogachi dal

Moogachi dal

हि आंध्र पद्घतीची एक डाळ आहे. करायला सोपी आणि चवीला मस्तच !!


साहित्य:
१/२ कप पिवळी मूग डाळ
१ लहान कांदा
१ लहान टोमॅटो
२-३ हिरव्या मिरच्या
१ लाल सुकी मिरची
१ चमचा मद्रास करी मसाला / गरम मसाला
लिंबाचा रस / चिंच
फोडणीसाठी १ टेस्पून तेल, ३-४ कढीपत्ता, १/४ टिस्पून मोहोरी, १/४ टिस्पून जीरे, १/४ टिस्पून हिंग, १/२ टिस्पून हळद.
मिठ
कोथिंबीर

कृती:
१) कांदा टोमॅटोचे मोठ्या चौकोनी फोडी करून घ्याव्यात. कूकरमध्ये मूगाच्या डाळीत कांदा-टोमॅटोच्या फोडी घालून डाळ शिजवून घ्यावी. कांदा-टोमॅटो डाळीबरोबर शिजवल्याने छान स्वाद येतो.
२) डाळ शिजली कि रवीने एकजीव करून घ्यावी. कढईत १ चमचा तेल गरम करावे. त्यात मोहोरी, जीरे, हिंग, हळद, कढीपत्ता, मिरच्या घालून फोडणी करावी. त्यात शिजलेली मूग डाळ घालावी. हि डाळ घट्टसरच चांगली लागते त्यामुळे आवश्यक तेवढेच पाणी घालावे.
३) एक उकळी आली कि त्यात मसाला घालावा. लिंबाचा रस/ चिंचेचा कोळ आणि चवीपुरते मीठ घालावे, कोथिंबीर घालावी. गरम गरम तूप-भाताबरोबर हि डाळ मस्त लागते.

टीप:
१) जर लसणीची चव आवडत असेल तर फोडणीत लसूण बारीक चिरून घालावी.
२) चिंचेपेक्षा लिंबाचा स्वाद जास्त चांगला लागतो.

Labels:
Moong Dal recipe, Moog dal recipe, Moogachi Dal, South Indian Dal

मूग बिटाची डाळ - Moog Beetachi Dal

Moog Beetachi Dal (English Version)

भाताबरोबर आमटी हा जेवणातला अविभाज्य भाग आहे, कधीतरी आमटीऐवजी एखादा वेगळा प्रकार खायला बरे वाटते. तशीच बीटरूट घालून केलेली ही डाळीची कृती:

साहित्य:
१/२ कप हिरवी मूग डाळ
१ मध्यम बिट
१ लहान कांदा
१ मध्यम टोमॅटो
४-५ लसूण पाकळ्या बारीक चिरून
३-४ हिरव्या मिरच्या बारीक चिरून
२ टेस्पून बेसन
फोडणीसाठी: १/४ टिस्पून मोहोरी, १/४ टिस्पून जीरे, १/४ टिस्पून हिंग, १/२ टिस्पून चमचा हळद
३-४ कढिपत्ता पाने
१ टिस्पून तूप
२ टिस्पून लिंबाचा रस
दिड टिस्पून साखर
चवीपुरते मीठ
बारीक चिरलेली कोथिंबीर

कृती:
१) प्रथम मूगाची डाळ कूकरमध्ये शिजवून घ्यावी. बिटाचे तुकडे अर्धवट शिजवून घ्यावे. कांदा टोमॅटोचे चौकोनी तुकडे करून घ्यावे.
२) कढईत तूप गरम करावे. तूपात मोहोरी, जीरे, हिंग, हळद, मिरच्यांचे तुकडे, कढीपत्ता, लसूण घालून फोडणी करावी.
३) मध्यम आचेवर फोडणीमध्ये चिरलेला कांदा घालावा. कांदा परतला गेला कि त्यात टोमॅटो घालावा. २-३ मिनीटांनी अर्धवट शिजवलेले बिट घालावे. थोडेसे परतून त्यात १ कप पाणी घालावे. पाव कप पाण्यात चणा पिठ गुठळ्या न होता मिक्स करून कढईत घालावे. १२-१५ मिनीटे वाफ काढावी. सुरीने बिट शिजले आहे कि नाही ते पहावे.
४) नंतर त्यात शिजलेली मूग डाळ घालावी. ५ मिनीटं उकळी काढावी. चवीपुरते मिठ, साखर, आणि लिंबाचा रस घालावा. गरम गरम भाताबरोबर खावे. या डाळीला बिटाचा छानसा रंग येतो.


टीप:
१) या डाळीमध्ये कुठल्याही मसाल्याची आवश्यकता नसते. पण जर गरज वाटलीच तर पाव चमचा गरम मसाला किंवा करी मसाला घालावा.

Labels:
Dal Recipe, Dahl recipe, Moong Dal Recipe, Indian Dal Recipe

मूग भजी - Moogbhaji

Moog Bhaji (English version)


साहित्य:
१/२ कप पिवळी मूग डाळ
४-५ हिरव्या मिरच्या
१/४ कप चिरलेली कोथिंबीर
१ टिस्पून लसूण पेस्ट
१/२ टिस्पून जिरे,
१/४ टिस्पून हिंग, १/२ टिस्पून हळद
१/४ टिस्पून मिरपूड किंवा १-२ मिरी ठेचून (ऑप्शनल)
चवीपुरते मिठ
तळण्यासाठी तेल


कृती:
१) मूग डाळ ३-४ तास पाण्यात भिजत ठेवावी. नंतर त्यातील पाणी काढून टाकावे. डाळ पाणी न घालता बारीक वाटून घ्यावी.
२) वाटलेल्या डाळीत बारीक चिरलेल्या मिरच्या, लसूण पेस्ट, कोथिंबीर, जिरे, हिंग, हळद, मिरी आणि चवीपुरते मीठ घालावे.
३)मिडीयम हाय गॅसवर कढईत तेल तापत ठेवावे. चमच्याने किंवा हाताने डाळीचे मिश्रणाचे छोटे गोळे तेलात सोडावे. भज्यांना गोल्डन ब्राऊन रंग आला कि थोडावेळ कागदावर / किचन टॉवेलवर अधिकचे तेल काढून टाकावे.
हिरव्या चटणीबरोबर किंवा चिंच,गूळ,खजूराच्या गोड चटणीबरोबर गरमागरम भज्या खाव्यात.

Labels:
Moong Bhaji, Bhuiya, Moong dal pakoda, Moong pakora recipe, pakora recipe, Tasty Pakora recipe

मसूराची आमटी - Masoor Amati

Masoor Amati in English

भाजलेल्या मसूराची आमटी हि बनवायला सोपी तसेच जेव्हा मसूर भिजवलेले नसतील तेव्हा पटकन होण्यासारखी असते. मसूर भाजल्याने आमटीला मस्त खमंगपणा येतो. तसेच मसूर शिजल्यावर आमटी करताना विरघळतही नाहीत.


साहित्य:
१/२ कप मसूर
१ टोमॅटो
२-३ लसूण पाकळ्या
२ टेस्पून खवलेला नारळ
२ टेस्पून कोथिंबीर, बारीक चिरून
१ टिस्पून जीरेपूड
२ टिस्पून गोडा मसाला (काळा मसाला)
सुपारीएवढा गूळ
२ आमसुलं
चवीपुरते मीठ
फोडणीसाठी २ टिस्पून तेल, १/४ टिस्पून मोहोरी, १/४ टिस्पून जीरे, चिमुटभर हिंग, १/४ टिस्पून हळद, १ टिस्पून लाल तिखट, २ ते ३ कढीपत्ता

कृती:
१) सर्वप्रथम मसूर चांगले खमंग भाजावेत. (अंदाजे १५-२० मिनीटे)
२) मसूर थोडे गार झाले कि कूकरमध्ये शिजवून घ्यावे.
३) कढईत २-३ चमचे तेल घ्यावे. मोहोरी, जिरे, हिंग, हळद, लाल तिखट, कढीपत्ता तेलात घालून फोडणी करावी. लसणीच्या पाकळया ठेचून फोडणीत घालाव्या. खवलेला नारळ परतून घ्यावा. टोमॅटोच्या फोडी करून परताव्यात.
४) शिजवलेले मसूर पळीने थोडे चेचून घ्यावे. कढईत घालावे. १ ते दिड भांडे पाणी घालावे.
५) एक उकळी आल्यावर त्यात आमसूल घालावे. गोडा मसाला, मीठ आणि गूळ घालावा. मध्यम आचेवर उकळी काढावी. चिरलेली कोथिंबीर घालावी. गरम गरम भाताबरोबर गरम गरम आमटी खावी.

टीप:
१) जर गोडसर आमटी नको असेल तर आमटीत गूळ घालू नये, आणि गोडा मसाल्याऐवजी गरम मसाला किंवा करी मसाला घालावा.

Labels:
Lentil Soup, Masoor Amati, Red Lentil curry, Red Lentil soup

मसाला डोसा - Masala Dosa

Masala Dosa in English

कृती वाचल्यावर त्याखालील टीपा जरून पाहा.

साहित्य :
डोसा
१ कप उडीद डाळ
अडीच ते पाऊणेतीन कप तांदूळ
१/२ कप चणा डाळ
१/२ टिस्पून मेथीदाणे
चवीपुरते मीठ
मसाला
२ उकडलेले मोठे बटाटे
१ मध्यम कांदा, उभा तापळ चिरून
१ टिस्पून उडीद डाळ
२-३ हिरव्या मिरच्या, बारीक चिरून
५ ते ६ कढीपत्ता पाने
१/२ टिस्पून किसलेले आले
फोडणीसाठी: २ टिस्पून तेल, १/८ टिस्पून मोहोरी, १/२ टिस्पून जिरे, चिमूटभर हिंग, १/४ टिस्पून हळद

कृती:
डोसा
१) उडीद डाळ आणि तांदूळ वेगवेगळे धुवून, ६-७ तास पाण्यात भिजत ठेवावे. उडीद डाळी बरोबरच मेथी दाणे आणि चणा डाळ भिजवावी.
२) नंतर त्यातील पाणी काढून टाकून मिक्सरवर वेगवेगळे बारीक वाटून घ्यावे. तांदूळ वाटताना त्यात १ टिस्पून साखर आणि १ टिस्पून मिठ घालावे. वाटलेली डाळ आणि तांदूळ एकत्र करावेत. मिश्रण अगदी घट्ट किंवा अगदी पातळ करू नये. मिश्रण चांगले मिळून आले पाहिजे.
३) वरुन झाकण ठेवून १० ते १२ तास मिश्रण आंबू द्यावे. मिश्रण आंबले कि नंतर त्यात चवीपुरते मीठ घालून ढवळून घ्यावे. याच पिठाच्या इडल्याही करता येतील. म्हणून मिश्रण घट्टसरच ठेवावे. डोसे बनवण्यासाठी आंबलेले पिठातील थोडे पिठ दुसर्‍या भांड्यात काढावे आणि किंचीत पाणी घालून पातळ करावे.
४) डोसे घालण्यासाठी नॉनस्टीक तवा वापरावा. आमटी वाढायच्या पळीने डोसे नीट घालता येतात.
मसाला/ बटाटा भाजी
१) शिजलेले बटाटे अगदी बारीक चिरून घ्यावे. कांदा बारीक उभा चिरून घ्यावा.
२) नॉनस्टीक फ्राईंग पॅनमध्ये २-३ चमचे तेल गरम करावे. मोहोरी, जिरे, हिंग, हळद, आले घालून फोडणी करावी. त्यात थोडी उडीद डाळ घालावी. मिरच्या बारीक चिरून घालाव्या. कढीपत्ता घालावा.
३) मध्यम आचेवर कांदा परतावा. चिरलेला बटाटा घालून परतावे. चवीपुरते मिठ घालावे. कोथिंबीर घालावी.
डोसे गरमागरम सांबार आणि चटणीबरोबर सर्व्ह करावे.


संबंधित पाककृती:
उडीपी सांबार रेसिपी
दाक्षिणात्य पद्धतीची नारळाची चटणी
हिरव्या रंगाची नारळाची चटणी

टीप:
१) आधी भाजी करून मग डोसे करावेत.
२) डोसे बनवताना तव्यावर तेल नसावे. जर डोसा-पिठ पसरवायच्या आधीच तेल घातले तर पिठ व्यवस्थित तव्यावर पसरत नाही. अशावेळी आधी डोसा पिठ घालून व्यवस्थित पातळ पसरवून घ्यावे. थोडा ब्राऊन रंग दिसला कि मग कडेने तेल सोडावे.
३) डोश्याला आतमध्ये थोडा शेजवान सॉस लावला तर मस्त टेस्ट येते.
४) मेथी दाण्यांमुळे फ्लेवर चांगला येतो. तसेच चणाडाळीमुळे थोडा कुरकूरीतपणा आणि किंचीत पिवळसर रंग येतो.
५) साखरेमुळे पिठ आंबण्याची क्रिया चांगली होते.
६) डोशाचे पिठ आंबण्यासाठी , पिठ बारीक करून उबदार जागी ठेवावे. थंड प्रदेशात डोशाचे पिठ आंबत नाही त्यामुळे ओव्हन २ ते ३ मिनीटे २७५ डीग्री Fahrenheit (१३५ डीग्री Celsius) वर प्रिहीट करावा. २ ते ३ मिनीटांनंतर ओव्हन बंद (स्विच ऑफ) करावा, तसेच जास्तवेळ गरम करू नये. आणि भिजवलेले पिठ झाकण ठेवून ओव्हनमध्ये साधारण १० तास ठेवावे. पिठ आत टाकल्यावर ओव्हनचे दार उघडू नये.

Labels:
Masala Dosa, Dosai recipe