अळिव लाडू - Alivache ladu

Alivache ladu in English

वाढणी: साधारण ६ ते ७ मध्यम लाडू


साहित्य:
१/८ कप अळीव (अळीव कुठे मिळतील? - टीप १)
१/४ कप दूध
३/४ कप गूळ
१ कप ओला नारळ

कृती:
१) अळीव गार दुधात ३-४ तास भिजत घालावेत. ३ ते ४ तासात अळीव छान फुगून येतील.
२) भिजवलेले अळीव, गूळ आणि नारळ एकत्र करून कढईत मध्यम आचेवर शिजवत ठेवावेत. मिश्रण कडेने सुटू लागले आणि मिश्रण दाटसर झाले कि लाडू वळावेत.

टीप
१) अळीव भारतामध्ये किराणा मालाच्या दुकानात मिळू शकतील. भारताबाहेर इंडीयन स्टोअर्समध्ये मिळेल.

Labels:
Healthy laddus, Aliv Ladu, Alivache Laadu

भोपळा भरीत - Lal Bhoplyache Bharit

Bhoplyache Bharit in English

वाढणी: २ ते ३ जणांसाठी


साहित्य:
२ कप लाल भोपळ्याच्या मध्यम फोडी (साल काढून)
१/२ टिस्पून तूप
१/२ टिस्पून जिरे
३ हिरव्या मिरच्या, उभ्या चिरून
१/४ कप कोथिंबीर, बारीक चिरून
१/२ ते ३/४ कप दही
चवीनुसार मिठ, साखर

कृती:
१) भोपळ्याच्या फोडी कूकरमध्ये उकडून घ्याव्यात. थंड झाल्यावर चमच्याने मॅश करून घ्याव्यात. खुप गुठळ्या राहू देवू नये.
२) लहान कढल्यात तूप गरम करावे. तूप गरम झाले कि जिरे आणि मिरच्या घालून फोडणी करून उकडलेल्या भोपळ्यात घालावी. चवीनुसार मिठ आणि किंचीत साखर घालावी. दही आणि कोथिंबीर घालून निट मिक्स करावे.

टीप:
१) हे भरीत उपवासालाही चालते. उपवासाव्यतिरिक्त दिवशी फोडणीत हळद, हिंग, मोहोरी घातली तरी चालते.
२) शेंगदाण्याचा कूट घातल्यास चव छान येते.

Labels:
Bhoplyache Bharit, Bhopala Bharit, Pumpkin Raita, Kaddu Raita

दह्यातील रायते - Dahi Rayate

रायते (English Version)



साहित्य:
काकडी : १/४ कप (सोलून चोचवणे)
कांदा : १/८ कप, बारीक चिरून
सिमला मिरची: १/४ कप, एकदम लहान चौकोनी तुकडे
टोमॅटो : १/४ कप, एकदम बारीक चिरून
३/४ कप दही (Fatfree)
१/८ कप दूध (Skimmed)
१ हिरवी मिरची बारीक चिरून
कोथिंबीर : २ टेस्पून बारीक चिरून
१/४ टिस्पून साखर
१/८ टिस्पून चाट मसाला
१/८ टिस्पून जिरेपूड
चवीनुसार मिठ

कृती:
१) सोललेली काकडी, कांदा, सिमला मिरची आणि टोमॅटो एकाच आकारात बारीक चिरून घ्यावे.
२) दही घोटून घ्यावे. दही पातळ करण्यासाठी पाणी न वापरता दूध वापरावे ज्यामुळे रायतं पांचट लागणार नाही. घोटलेल्या दह्यात दूध घालून ते थोडे पातळ करून घ्यावे.
३) या दह्यात कोथिंबीर, साखर, चाट मसाला, जिरेपूड, चवीनुसार मिठ घालावे व निट मिक्स करून घ्यावे.
४) दह्याच्या मिश्रणात चिरलेले काकडी, कांदा, सिमला मिरची आणि टोमॅटो घालून ढवळावे. फ्रिजमध्ये थंड करण्यस ठेवावे.
हे रायते तवा पुलावबरोबर खुप मस्त लागते.

Labels:
Dahi Raita, Yogurt Raita, Dahyatli Koshimbir, Indian salad Recipe, Mix veg salad, Mix veg Raita recipe

मेथीचे लाडू - Methiche Ladu

Methiche Ladu In English

साहित्य:
५० ग्राम मेथी पावडर
२ वाट्या गव्हाचे पिठ (कणिक)
१ वाटी किसलेले सुके खोबरे
१ वाटी खारीक पावडर
५० ग्राम डिंक (ऑप्शनल)
५० ग्राम खसखस (कोरडी भाजावी व पावडर करावी)
अडीच वाट्या पिठी साखर
अडीच वाट्या तूप
बेदाणा काजूतुकडा ईतर सुकामेवा (ऑप्शनल)
वेलची पूड

मेथीचे लाडू पाककृती २ - गूळ घालून मेथीचे लाडू

कृती:
१) खसखस भाजून त्याची पावडर करून घ्यावी.
२) वरील दिलेल्या तूपातील १/२ वाटी तूप गरम करावे. त्यात मेथी पावडर किमान १२-१५ तास भिजवून ठेवावी.
३) सुके खोबरे किसून भाजून घ्यावे.
४) २ वाट्या तूप कढईत घालून त्यात डिंक तळून घ्यावा. डिंक बाजूला काढून उरलेल्या तूपात गव्हाचे पिठ खमंग भाजून घ्यावे. गॅस बंद करून त्यात भिजवलेली मेथी पावडर, खारीक पावडर, खसखस पावडर, किसून भाजलेले खोबरे, वेलची पूड, सुकामेवा, तळलेला डिंक, पिठीसाखर घालून मिश्रण गरम असतानाच त्याचे लाडू वळावे.

टीप:
१) काही जणांना जास्त तूपाचे लाडू आवडतात तर कणिक भाजताना त्यात अर्धा वाटी गरम तूप वाढवावे.
२) गव्हाच्या पिठाऐवजी आवडीनुसार सोयाबिन पिठ किंवा मुगाचे पिठही वापरू शकतो.

Methi Laddu

Methiche Ladu in Marathi

Ingredients:
50 to 75 gram Methi Powder (Ground Fenugreek Seeds)
2 Cups Whole Wheat Flour
1 Cup Grated dry Coconut
50 gram Dink (Edible Gum)
1 cup Dry dates Powder
50 gram Khaskhas (Poppy seeds) (Roasted and powdered)
2 ½ cups Powdered Sugar
2 ½ cups Pure Ghee
½-cup Dry fruits (Optional)
1 tsp Cardamom Powder

Method:
1) Roast Khaskhas and powder it.
2) Heat ½ cup pure ghee. Transfer it in a glass bowl. Soak Fenugreek powder in it for atleast 12-15 hours.
3) Roast grated dry coconut.
4) Heat 2 cups pure ghee and deep fry Dink. Keep aside fried Dink and add wheat flour.Roast until it becomes golden brown and leaves nice aroma. Turn off the heat; add Dry dates powder, soaked fenugreek powder, khaskhas powder, roasted dry coconut, cardamom powder, dry fruits, fried Dink and powdered sugar, mix all together. And make laddus (round balls) while the mixture is hot.

Note:
1) Some people like more ghee flavor, so add ½ cup hot ghee while frying wheat flour.
2) Instead of wheat flour, we can use soyabean flour, Moong dal flour according to your choice.

Labels:
Methiche Ladu, Methi Ladu, Fenugreek Seeds Laddu