वेज पनीर माखनवाला - Paneer Makhanwala

Veg Paneer Makhanwala in English

वाढणी: ३ जणांसाठी

खाली दिलेली कृती ज्यांना खुप मसालेदार पंजाबी भाजी आवडत नाही त्यांच्यासाठी स्पेशल आहे. चवीला खुप छान आणि सौम्य लागते.

साहित्य:
१/२ कप पनीरचे तुकडे
१/४ कप फरसबीचे तुकडे (१/२ इंच)
१/४ कप गाजर (छोटे चौकोनी तुकडे)
१/४ कप बटाटा (सोलून छोटे तुकडे)
१/४ कप फ्लॉवरचे तुकडे
१/२ कप कांदा (छोटे तुकडे)
३ टेस्पून मटार
१ कप टोमॅटोचे तुकडे (सोललेला)
१ टेस्पून टोमॅटो पेस्ट
१/२ टेस्पून जिरे
१/२ टेस्पून लाल तिखट
१/२ टिस्पून गरम मसाला
१ तमालपत्र
दिड टेस्पून दुध
दिड टेस्पून बटर
२ टेस्पून तूप
चवीपुरते मिठ

कृती:
१) २ कप पाण्यात फरसबीचे तुकडे, गाजर, बटाटा, फ्लॉवरचे तुकडे आणि मटार उकळवत ठेवावे. या पाण्यात १ तमालपत्र घालावे. भाज्या निट शिजू द्याव्यात. भाज्या शिजल्या कि उरलेले पाणी ठेवून द्यावे. तमालपत्र काढून टाकावे.
२) २ टोमॅटो पाण्यात साल सुटेस्तोवर उकळवावे. साले काढून टोमॅटोचे बारीक तुकडे करावे.
३) नॉनस्टीक पॅनमध्ये तूप गरम करून त्यात जिरे घालावे व कांदा परतावा. कांदा परतला कि १/२ टिस्पून गरम मसाला घालावा. कांदा निट शिजू द्यावा.
४) नंतर टोमॅटोचे तुकडे घालावे. तूपाचा तवंग येईस्तोवर शिजू द्यावे.
५) नंतर उकळलेल्या भाज्या घालाव्यात, भाज्या उकळून उरलेले पाणी, टोमॅटोपेस्ट घालावी, मिठ आणि तिखट घालावे. ढवळावे.
६) गॅस मंद करून दुध, बटर, पनीर घालून हळूवार ढवळावे.४ ते ५ मिनीटे मंद आचेवरच झाकून शिजू द्यावे.
गरमा-गरम भाजी नान, रोटी किंवा भाताबरोबर सर्व्ह करावी.

Labels:
Paneer Makhanwala, Vegetable Makhanwala, Punjabi Recipes

मेक्सिकन राईस - Mexican Rice

Mexican Rice in English

वाढणी २ जणांसाठी

Mexican Cuisine is famous for flavorful and colorful dishes. Previously I had posted few Mexican recipes like Mexican Salad, Red Beans with Rice and Quesadilla which are little Indianised way. Today I am posting recipe of Mexican Rice which is sauteed in Pure Ghee. Because of Ghee Rice becomes more flavorful and delectable.


साहित्य:
१/२ कप तांदूळ
३ कप वेजिटेबल स्टॉक
२ टेस्पून तूप
१ टेस्पून लसूणपेस्ट
१ कप कांदा, पातळ उभा चिरून (लांबी एक इंच)
१/२ कप भोपळी मिरची, लहान चौकोनी तुकडे
१/२ टिस्पून लाल तिखट
१ मोठा किंवा २ मध्यम टॉमेटो [१/२ ते ३/४ कप Canned Chopped Tomatoes]
१/२ कप कोबी, उभी चिरून
१/२ कप पाती कांदा, बारीक चिरून
१/४ कप ड्राय रेड बिन्स [१/२ कप कॅन्ड बिन्स]
२ टेस्पून उकडलेले मक्याचे दाणे [२ टेस्पून कॅन्ड मक्याचे दाणे]
१ तमालपत्र
चवीनुसार मिठ
किसलेले चिज (ऐच्छिक)


कृती:
१) जर कॅनमधील बिन्स वापरणार असाल तर तुम्ही लगेच हा भात करू शकता. पण ड्राय रेड बिन्स वापरणार असाल तर ६ ते ७ तास बिन्स भिजवून ठेवाव्यात. नंतर थोडे मिठ घालून प्रेशर कूकरमध्ये मध्यम शिजवून घ्याव्यात. बिन्स अख्ख्या राहिल्या पाहिजेत.
२) तांदूळ स्वच्छ धुवून घ्यावा. पॅनमध्ये स्टॉक गरम करावा. त्यात धुतलेले तांदूळ घालावे. थोडे मिठ आणि तेल घालून तांदूळ मोकळा शिजवून घ्यावा. भात शिजला कि गाळून घ्यावा. परातीत किंवा ताटलीत मोकळा करून गार करावा.
३) खोलगट पॅनमध्ये पाणी गरम करावे. उकळत्या पाण्यात टॉमेटो घालावे. ४५ सेकंदांनंतर गॅस बंद करावा. लगेच टॉमेटो बाहेर काढून गार पाण्यात घालावेत, यामुळे टॉमेटोची साले निघतील. ती काढून आतला गर अलगद काढून सुरीने बारीक चिरून घ्यावा.
४) नॉनस्टिक पॅनमध्ये तूप गरम करावे त्यात तमालपत्र आणि लसूणपेस्ट परतावी. लाल तिखट आणि कांदा घालून परतावे. कांदा १/२ मिनीटंच परतावा आणि लगेच भोपळी मिरची घालावी. अर्धवट शिजवावे आणि त्यात टॉमेटो घालून थोडावेळ परतावे. तमालपत्र काढून टाकावे.
५) नंतर शिजवलेल्या बिन्स आणि मक्याचे दाणे घालून १/२ ते १ मिनीट परतावे. शिजवलेला भात घालून मोठ्या आचेवर परतावे. गरजेपुरते मिठ घालावे.
६) कोबी आणि थोडा पाती कांदा घालून परतावे. सर्व्ह करताना किसलेले चिज आणि पाती कांदा घालावा.

टीप:
१) वेजिटेबल स्टॉक नसेल किंवा करायला वेळ नसेल तर तांदूळ साध्या पाण्यातही शिजवू शकतो.

Labels:
Mexican Corn and beans rice, Mexican veg Red rice, texmex food

भरली भेंडी - Bharli Bhendi Masala

Bharli masala Bhendi in English


साहित्य:
२३ ते २५ कोवळी भेंडी (मध्यम आकाराच्या)
१/२ कप कांदा, उभा चिरून
१ टेस्पून जिरेपूड, १ टेस्पून धणेपूड, १ टिस्पून आमचूर पावडर
१/४ टिस्पून हळद, १ टिस्पून लाल तिखट
चवीपुरते मिठ
फोडणीसाठी:
३ टेस्पून तेल, १/४ टिस्पून मोहोरी, १/२ टिस्पून जिरे, १/४ टिस्पून हिंग, १/४ टिस्पून हळद
४-५ कढीपत्ता पाने
सजावटीसाठी कोथिंबीर

कृती:
१) भेंडी स्वच्छ घुवून, पुसून घ्यावी. भेंडीची देठं कापून घ्यावीत. प्रत्येक भेंडीला एका बाजूने चिर द्यावी पण दोन तुकडे करू नयेत.
२) जिरेपूड, धणेपूड, हळद, लाल तिखट आणि आमचुर पावडर एका लहान वाडग्यात एकत्र मिक्स करून घ्यावे. चवीपुरते मिठ घालावे. हे तयार मिश्रण प्रत्येक भेंडीमध्ये भरावे. तसेच भेंडी या मिश्रणात थोडी घोळवून घ्यावी. अशाप्रकारे सर्व भेंडी तयार कराव्यात. उरलेला मसाला नंतरच्या वापरासाठी ठेवून द्यावा.
३) नॉनस्टिक पॅन गरम करावा. त्यात ३ टेस्पून तेल घालून गरम होवू द्यावे. नंतर मोहोरी, जिरे, हिंग, हळद आणि कढीपत्ता पाने घालून फोडणी करावी. चिरलेला कांदा फोडणीस घालावा.
४) कांदा अर्धा शिजला कि त्यात भरलेली भेंडी घालावी. हलक्या हाताने, भरलेला मसाला बाहेर पडू न देता मिक्स करावे. ज्यामुळे तेल सर्व भेंडीला लागेल. गॅस एकदम मंद ठेवावा आणि वरून झाकण ठेवून भेंडी शिजू द्यावी. दर तीन ते चार मिनीटांनी भाजी हलक्या हाताने ढवळावी.
५) भेंडी शिजत आली कि उरलेला मसाला गरजेनुसार घालावा व लागल्यास किंचीत मिठ भुरभूरवावे.
गरम गरम भरली भेंडी पोळीबरोबर सर्व्ह करावी.

टीप:
१) वाफ काढताना गरज वाटल्यास, भेंडीच्या बाजून एखादा चमचा तेल सोडावे.

Labels:
Masala Bhendi, Bhindi Masala, bhindi fry

दाल माखनी - Dal Makhani

Dal Makhani in English

Dal Makhani is a delicacy from Punjab in India. This Dal is cooked in lot of Butter and taste great. (Dal - Cooked Lentils and Makhani (Makkhan in hindi) - Butter)
Traditionally this dal was cooked slowly, for hours, on charcoal. This gave it a creamier texture. Traditionally cooked in a Punjabi houses, it had ‘malai’ (thick creamy skin that forms on top of milk) or fresh butter added to it. Dal Makhani can be served with Paratha, Naan, Roti or even Rice.

वाढणी: ३ ते ४ जणांसाठी

साहित्य:
१/२ कप अख्खे उडीद, सालासकट
१/४ कप राजमा (रेड बिन्स)
३ टेस्पून आलेलसूण पेस्ट
२ + २ बटर
१ टिस्पून जिरे
१/२ टिस्पून हळद
२ मध्यम टॉमेटो
१ टिस्पून गरम मसाला पावडर किंवा खडा मसाला (२ लवंगा, २ वेलची, १ तमालपत्र, १ लहान दालचिनीचा तुकडा)
१/२ कप कांदा, बारीक चिरून
२ टिस्पून लाल तिखट
१ टिस्पून धणेपूड
१ टिस्पून जिरेपूड
१/२ टिस्पून आमचूर पावडर
१/२ टिस्पून कसूरी मेथी
१/२ कप दूध
चवीपुरते मिठ
कोथिंबीर सजावटीसाठी

कृती:
१) उडीद आणि राजमा धुवून ६ ते ८ तास पाण्यात भिजवून ठेवावे. प्रेशर कूकरमध्ये भिजवलेले उडीद आणि राजमा दुप्पट पाणी घालून मऊसर शिजवून घ्यावेत. साधरण ४ ते ५ शिट्ट्या कराव्यात.
२) टॉमेटो प्युरीसाठी एक खोलगट पॅनमध्ये टॉमेटो बुडतील इतपत पाणी गरम करावे. त्यात २ टॉमेटो घालून २ मिनीटे उकळवावे आणि बाहेर काढून थंड होवू द्यावेत. साले आणि बिया काढून टाकाव्यात उरलेला भाग आणि थोडे पाणी मिक्सरमध्ये घालून प्युरी करून घ्यावी.
३) खोलगट पॅनमध्ये बटर घालून मध्यम आचेवर वितळू द्यावे. त्यात जिरे, हळद घालावी. [जर अख्खा गरम मसाला घालणार असाल तर तो आत्ता घालावा. काही सेकंद परतावे.]
४) आलेलसूण पेस्ट आणि लाल तिखट घालावे. काही सेकंद परतून त्यात चिरलेला कांदा घालून परतावे. कांदा निट परतल गेला कि टॉमेटो प्युरी घालून मध्यम आचेवर, पॅनवर झाकण ठेवून ५ ते ७ मिनीटे शिजू द्यावे. मधेमधे ढवळावे.
५) धणे-जिरेपूड घालावी आणि ढवळावे. शिजवलेले उडीद आणि राजमा घालावे. थोडावेळ मॅश करावे. गरजेपुरते पाणी घालून मधम आचेवर उकळी काढावी.
६) जर तुम्ही आख्खा गरम मसाला घातला नसेल तर आता गरम मसाला पावडर घालावी. नंतर कसूरी मेथी, मिठ आणि आमचूर पावडर घालून ढवळावे. अजून थोडे पाणी घालून घट्टपणा अड्जस्ट करावा. पॅनवर झाकण ठेवून २० ते २५ मिनीटे कमी आचेवर शिजू द्यावे. मधेमधे ढवळावे, डाळ पॅनच्या तळाला चिकटू देवू नये.
७) २ टेस्पून बटर घालून अजून १० मिनीटे वाफ काढावी. १० मिनीटांनी १/२ कप दूध घालावे आणि ढवळावे. परत झाकण ठेवून मध्यम आचेवर ५ मिनीटे वाफ काढावी.
गरम दाल मखनी कोथिंबीरीने सजवून रोटी, नान, किंवा भाताबरोबर सर्व्ह करावे.

Labels:
Dal Makhani, Malai Dal, Punjabi Dal Makhani

पिंडी छोले - Pindi Chole

Pindi Chhole in English

वाढणी: २ जणांसाठी


साहित्य:
३/४ कप काबुली चणे
३ टेस्पून + २ टिस्पून तेल
१/४ कप कांदा, बारीक चिरून
२ टिस्पून आलेपेस्ट
२ टिस्पून लसूणपेस्ट
२ हिरव्या मिरच्या, उभ्या चिरून
१ टेस्पून धणेपूड
१ टेस्पून जिरेपूड
१/२ टिस्पून आमचूर पावडर
दिड टिस्पून लाल तिखट
१/२ टिस्पून हळद
२ टिस्पून जिरं
२ टिस्पून अनारदाणा
१ मध्यम टॉमेटो
१ टिस्पून गरम मसाला
चवीनुसार मिठ
१ लाल मिरची
सजावटीसाठी
२ टेस्पून कोथिंबीर, बारीक चिरून
कांद्याच्या चकत्या

छोले आणि भटुरे रेसिपी

कृती:
१) पाउण कप काबुली चणे रात्रभर पाण्यात भिजवावेत. भिजवलेले चणे कूकरमध्ये ४-५ शिट्ट्या करून शिजवावेत. चणे छान मऊसर शिजवावेत. खुप जास्तही शिजवू नयेत, नाहीतर चणे फुटू शकतात. चणे शिजवताना मिठ घालून शिजवावेत. उरलेले पाणी ठेवून द्यावे.
२) नॉनस्टिक पॅनमध्ये २ टिस्पून जिरं, मध्यम आचेवर कोरडेच भाजावे. नंतर २ टिस्पून अनारदाणा थोडावेळ भाजावे. हे दोन्ही जिन्नस थोडे थंड झाले कि खलबत्त्यात घालून पूड करून घ्यावी.
३) नॉनस्टिक पॅनमध्ये ३ टेस्पून तेल गरम करून त्यात हिरव्या मिरच्या, हळद, लाल तिखट घालावे. नंतर त्यात आलेलसूण पेस्ट घालून थोडा वेळ परतावे. गॅस मध्यम करावा आणि चिरलेला कांदा घालावा. तेल सुटेस्तोवर परतावे.
४) कांदा परतला कि त्यात धणे-जिरेपूड, आमचूर पावडर घालावी. १/४ कप शिजवलेल्या चण्याचे उरलेले पाणी घालावी. मध्यम आचेवर उकळी येऊ द्यावी.
५) नंतर शिजवलेले चणे घालून हळूहळू मिक्स करावे. गरज लागल्यास थोडे पाणी घालावे. मिठ आणि आवश्यक तेवढी जिरे-अनारदाणा पावडर घालावी.
६) टॉमेटोचे मोठे चौकोनी तुकडे करून घालावेत. गरज वाटल्यास लाल तिखट किंवा कमी वाटत असलेला जिन्नस घालावा. मंद आचेवर २-३ मिनीटे वाफ काढावी.
७) सर्व्ह करताना, छोले सर्व्हींग प्लेटमध्ये काढावेत. एका छोट्या कढल्यात १ ते २ टिस्पून तेल गरम करावे. त्यात लाल मिरची घालून हि फोडणी लगेच भाजीवर ओतावी. वरून कोथिंबीर आणि कांद्याच्या चकत्या घालून सर्व्ह करावे.
नान, रोटी किंवा अगदी ब्रेडबरोबरही हे छोले मस्त लागतात.

Labels:
Pindi Chole, Chole Masala, Chana Masala, Punjabi Chole

पनीर वेजिटेबल पिझ्झा - Paneer Vegetable Pizza

Paneer Vegetable Pizza in English

वाढणी: १ मध्यम पिझ्झा (थिन क्रस्ट)


साहित्य:
पिझ्झा बेस:- इथे क्लिक करा

पिझ्झा सॉससाठी:- इथे क्लिक करा

टॉपिंगसाठी:
पनीर ७५ ते १०० ग्राम (साधारण १२-१५ लहान तुकडे)
१ टेस्पून दही
१/२ टिस्पून तंदूरी मसाला
१/२ टिस्पून आलेलसूण पेस्ट
१/४ ते १/२ कप कांदा, पातळ उभा चिरून
१/४ कप हिरवी भोपळी मिरची, पातळ उभी चिरून
१/४ कप लाल भोपळी मिरची, पातळ उभी चिरून
१/२ ते पाऊण कप किसलेले चिज

कृती:
पिझ्झा बेस:- इथे क्लिक करा
पिझ्झा सॉस:- इथे क्लिक करा

पनीरचे टॉपिंग
१) पनीरचे साधारण १२-१५ मध्यम तुकडे घ्यावेत.
१ टेस्पून दही + १/२ टिस्पून तंदूरी मसाला + १/२ टिस्पून आलेलसूण पेस्ट असे मिश्रण तयार करून यात पनीर घोळवून ठेवावेत साधारण १५ मिनीटे.

सर्व पदार्थांचे एकत्रिकरण (स्टेप बाय स्टेप इमेजेस)
१) सर्व पदार्थ तयार झाले कि ओव्हन ४८० F (२५० C) प्रिहिट करावे.
२) पिझ्झा बेसला तयार सॉस लावून घ्यावा त्यावर थोडे चिज घालावे.
३) त्यावर चिरलेल्या भोपळी मिरच्या आणि कांदा घालावा.( भाज्यांना आधी थोडे मिठ लावावे.)
४) नंतर मॅरिनेट केलेले पनीर घालावे, उरलेले चिज घालावे आणि साधारण ७-८ मिनीटे, किंवा चिज अगदी किंचीत ब्राऊन होईस्तोवर बेक करावे.

Labels:
Paneer Pizza, How to bake Pizza, homemade pizza, thin crust pizza recipe

पनीर कोफ्ता करी - Paneer Kofta Curry

Paneer Kofta Curry in English



साहित्य:
::::कोफ्ता::::
कोफ्त्याच्या साहित्यासाठी इथे क्लिक करा
::::करी::::
३/४ कप कांदा पेस्ट (स्टेप १)
१/२ कप टॉमेटो प्युरी (स्टेप २)
१ टेस्पून आलेलसूण पेस्ट
१/२ टिस्पून गरम मसाला
१/४ टिस्पून हळद
१/२ टिस्पून लाल तिखट
१ टिस्पून धणेपूड
१ टिस्पून जिरेपूड
१/४ कप दूध (होल मिल्क)
१ टेस्पून तेल
७-८ पनीरचे लहान तुकडे
मिठ
सजावटीसाठी:
१ टेस्पून कोथिंबीर, बारीक चिरलेली
३-४ द्राक्षं, अर्धे तुकडे करून

कृती:
कोफ्ता करी करताना आधी करी करून घ्यावी. म्हणजे कोफ्ते नरम पडणार नाहीत.
::::करी::::
१) साधारण २ कांदे प्रेशर कूकरमध्ये २-३ शिट्ट्या करून शिजवून घ्यावेत. मिक्सरमध्ये पेस्ट करून घ्यावी.
२) २ मोठे लालबुंद टॉमेटो शिजवून त्याची साले काढावीत, बिया काढून टाकाव्यात. मिक्सरमध्ये प्युरी करून घ्यावीत.
३) कढईत तेल गरम करावे. त्यात आलेलसूण पेस्ट परतावी. हळद, लाल तिखट घालावे व ढवळावे. नंतर कांद्याची पेस्ट घालून मंद आचेवर ५ मिनीटे वाफ काढावी.
४) नंतर टॉमेटो प्युरी घालून ढवळावे.धणेपूड आणि मिठ घालून मंद आचेवर कढई झाकून वाफ काढावी. शेवटी गरम मसाला टाकून वाफ काढावी.
५) अशी ग्रेव्ही तयार करून ठेवावी आणि कोफ्ते घालायच्या आधी त्यात दूध घालून मंद आचेवर ५ मिनीटे उकळवावे.

कोफ्ता
कोफ्त्याच्या कृतीसाठी इथे क्लिक करा

ग्रेव्ही मंद आचेवर गरम करावी व त्यात दूध घालून मिक्स करावे. कढईवर झाकण ठेवून ५ मिनीटे मंद आचेवर उकळू द्यावे, आयत्यावेळी पनीरचे तुकडे घालावे.

तयार कोफ्ते सर्व्हींग प्लेटमध्ये ठेवावेत त्यावर गरम ग्रेव्ही घालावी. कोथिंबीर आणि द्राक्षं घालून सजवावे. नान, रोटी किंवा पोळीबरोबर सर्व्ह करावे.

Labels:
Paneer Kofta Recipe, North Indian food, Indian Curry Recipes, Kofta recipe, Paneer Recipe

पिटा ब्रेड - Pita Bread

Pita Bread (English Version)

वाढणी : १ ब्रेड (६ इंची)


साहित्य:
१/४ कप मैदा
१ टिस्पून ड्राय यिस्ट (Active Dry Yeast)
३ टेस्पून कोमट पाणी (टीप १)
१/२ टिस्पून मिठ
१/२ टिस्पून साखर
१ टेस्पून ऑलिव्ह ऑइल

कृती:
१) प्रथम कोमट पाण्यात साखर घालून ढवळून घ्यावे. लगेच ड्राय यिस्ट घालून ढवळावे. हे मिश्रण १० मिनीटे झाकून ठेवावे ज्यामुळे यिस्ट active होईल आणि हे मिश्रण फेसाळेल.
२) मैदा एका वाडग्यात घ्यावा व त्यात मिठ घालून निट मिक्स करावे. त्यात यिस्टचे मिश्रण घालून मळून घ्यावे. आपल्याला हे पिठ एकदम सैलसर मळायचे आहे त्यामुळे गरज लागल्यास चमच्याने अजून थोडे कोमट पाणी घालून मळावे.
३) पिठ एकदम इलास्टिक होईस्तोवर मळावे. मळताना पिठ हाताला चिकटून नये म्हणून थोडे ऑलिव्ह ऑइल किंवा साधे तेल वापरावे. पिठ मळून एका भांड्यात ठेवावे.पूर्ण गोळ्याला वरून तेलाचा हात लावावा म्हणजे पिठ सुकणार नाही. मळलेले पिठ झाकून उबदार जागी साधारण तासभर ठेवावे.
४) तासाभराने पिठ फुलून दुप्पट आकाराचे झाले असेल. परत एकदा मळून त्यात तयार झालेले हवेचे बुडबुडे काढून टाकावेत. साधारण २-४ मिनीटे मळावे. मळताना शक्यतो अजून मैदा घालू नये.
५) ओव्हन ४५० F वर प्रिहीट करावे. ओव्हन प्रिहीट होईस्तोवर मळलेल्या पिठाची थोड्या मैदयाच्या सहाय्याने १/४ इंच जाडसर पोळी लाटावी. या पोळीवरील सुके पिठ अलगद झटकून टाकावे. पोळीचा पृष्ठभाग प्लेन असावा ज्यामुळे ब्रेड बेक केल्यावर फुलेल.
६) पोळीवर किंचित ऑलिव्ह ऑइलने ब्रशिंग करावे आणि baking sheet वर ठेवावी.ओव्हन प्रिहीट झाल्यावर हि पोळी ३-४ मिनीटे बेक करावी. बाहेर काढून बाजू पलटावी व दुसर्‍या बाजूने २-३ मिनीटे बेक करावी.
तयार पिटा ब्रेड हुम्मुसबरोबर सर्व्ह करावा.

टीप:
१) पाणी कोमटच असावे, गरम पाणी घेतल्यास यिस्ट मरते आणि हे पाणी वापरून जर पिठ भिजवले तर पिठ फुलणार नाही आणि त्यामुळे ब्रेड हलका होणार नाही.

Label:
Pita bread Hummus recipe Chickpea Humus recipe Pitta bread

टोमॅटोची भाजी - Tomato Bhaji

Tomato Bhaji (English Version)



साहित्य:
२ मध्यम टोमॅटो, बारीक चिरून
१/२ कप चिरलेला कांदा
१ टेस्पून तेल
फोडणीसाठी: १/४ टिस्पून जिरे, चिमूटभर हिंग, १/८ टिस्पून हळद, २-३ कढीपत्ता पाने
२ ते ३ हिरव्या मिरच्या, उभ्या चिरून
१/२ टिस्पून आले पेस्ट
१ टिस्पून गुळ
चवीनुसार मिठ
१ टेस्पून कोथिंबीर

कृती:
१) कढईत तेल गरम करून जिरे, हिंग, हळद, कढीपत्ता आणि मिरच्या घालून फोडणी करावी. आले पेस्ट घालून काही सेकंद परतावे. त्यात चिरलेला कांदा घालावा. थोडे मिठ घालून कांदा परतून घ्यावा.
२) कांदा निट शिजला कि त्यात चिरलेला टोमॅटो घालून ढवळावे. मध्यम आचेवर झाकण ठेवून टोमॅटो शिजू द्यावा.
३) टोमॅटो अर्धवट शिजला कि त्यात गूळ घालावा. निट मिक्स करून टोमॅटो शिजू द्यावा. गरजेनुसार मिठ घालावे. कोथिंबीर घालावी.
तयार भाजी गरम गरम पोळीबरोबर सर्व्ह करावी.

Labels:
Tomato Curry, Indian Tomato Curry, Tomatochi bhaji, Sweet and sour Tomato Curry

चायनिज स्टर फ्राय वेजिटेबल विथ राईस - Chinese Stir fried vegetables with Rice

Chinese Stir Fried Vegetable with white Rice (English Version)

वाढणी : २ जण



साहित्य:
::::भातासाठी::::
पाउण कप बासमती तांदूळ
दिड ते दोन कप पाणी
चवीपुरते मिठ
१ चमचा तेल
::::भाजीसाठी::::
दिड ते पाऊणेदोन कप भाज्या (गाजर, कांदा, भोपळी मिरच्या, बेबी कॉर्न, फ्लॉवर इत्यादी)
मी घेतलेले प्रमाण:
१/२ कप भोपळी मिरची, उभी पातळ चिरून
१/४ कप बेबी कॉर्न (१/२ इंच तुकडे)
१/४ कप फ्लॉवर (लहान तुरे)
१/४ कप गाजर, उभे पातळ चिरून (१ इंच)
६ ते ७ बटाट्याच्या पातळ चकत्या
१/४ कप कांदा उभा पातळ चिरलेला
--
दिड टेस्पून सोयासॉस
१ टेस्पून कॉर्न स्टार्च/कॉर्न फ्लोअर
२ टिस्पून व्हिनेगर
१ टिस्पून चिली सॉस
१ टिस्पून आले पेस्ट
१/२ टिस्पून लसूण पेस्ट
२ सुक्या लाल मिरच्या
१ टेस्पून तेल
साखर, मिठ आणि मिरपूड चवीनुसार

कृती:
१) तांदूळ धुवून घ्यावेत. अर्धा तास निथळत ठेवावे. पातेल्यात पाणी आणि धुतलेले तांदूळ घ्यावे. त्यात तेल आणि थोडे मिठ घालावे. मध्यम आचेवर तांदूळ शिजू द्यावेत. वरून शक्यतो झाकण ठेवू नये त्यामुळे भात चिकट होवू शकतो.
२) प्रथम चिरलेल्या भाज्यांपैकी बेबी कॉर्न, गाजर, फ्लॉवर, बटाट्याच्या पातळ चकत्या अर्धवट शिजवून घ्याव्यात, त्यासाठी २ कप पाणी गरम करत ठेवावे त्यात या भाज्या शिजवून उरलेले १/२ कप पाणी नंतर वापरण्यासाठी ठेवून द्यावे.
३) कढईत तेल गरम करावे. त्यात आलेलसूण पेस्ट परतावी. लाल मिरच्या तोडून घालाव्यात. कांदा घालून अगदी थोडे परतावे. कांदा पूर्ण शिजू देवू नये.
४) नंतर भोपळी मिरची घालून परतावे. अर्ध्या शिजवलेल्या भाज्या घालाव्यात. निट मिक्स करून त्यात सोयासॉस, व्हिनेगर, आणि चिली सॉस घालून ढवळावे.
५) भाज्यांचे उरलेले पाणी घ्यावे व त्यात कॉर्न फ्लोअर मिक्स करावे. हे मिश्रण भाज्यांमध्ये घालावे. यामुळे भाजीला थोडी घट्टसर ग्रेव्ही तयार होईल. नंतर आवडीनुसार मिठ, साखर आणि मिरपूड घालावी.

हि भाजी तयार भाताबरोबर सर्व्ह करावी. भाजीबरोबर शेजवान सॉसही सर्व्ह करावा.

टीप:
१) भाजीत आवडत असल्यास टोफूही वापरू शकतो

Labels:
stir fry vegetables, Chinese stir fry vegetables, stir fried vegetables

तवा पुलाव - Tava Pulav

Tawa Pulao (English Version)

वाढणी : २ जणांसाठी


हा चमचमीत तवा पुलाव चविष्ट अशा रायत्याबरोबर खा आणि खिलवा !!!



साहित्य:
:::: भातासाठी ::::
१ टिस्पून + १ टिस्पून बटर
३/४ कप बासमती तांदूळ
दिड ते पाउणेदोन कप पाणी
मिठ
:::: मसाला ::::
गाजर : १/८ कप पातळ चिरलेले (१ इंच तुकडे)
भोपळी मिरची: १/४ कप पातळ उभी चिरलेली (१ इंच तुकडे)
फ्लॉवरचे तुरे अर्धे शिजवलेले : १/४ कप
कांदा : १/४ कप बारीक चिरून १/८ कप उभा चिरून
टॉमेटो : १/२ कप बारीक चिरून
शिजवलेला बटाटा : १/८ कप बारीक फोडी
वाफवलेले मटार : १/४ कप
दिड टिस्पून लसूण पेस्ट
१/२ टिस्पून जिरे
दिड टिस्पून लाल तिखट
२ टिस्पून बटर
१ टिस्पून पावभाजी मसाला
खडा मसाला : १ लहान तुकडा दालचिनी, २ लवंगा, १ तमाल पत्र, १ वेलची
सजावटीसाठी चिरलेली कोथिंबीर

कृती:
१) बासमती तांदूळ धुवून १० मिनीटे निथळत ठेवावा. नंतर १ टिस्पून बटर नॉनस्टिक भांड्यात गरम करावे त्यावर बासमती तांदूळ २ ते ३ मिनीटे परतावा. नंतर दिड ते पाउणेदोन कप पाणी घालावे. थोडे मिठ घालावे. मिडीयम लो फ्लेमवरती झाकण न ठेवता भात शिजवावा. मधेमधे ढवळावा. भात शिजला कि एका ताटात किंवा परातीत तो मोकळा करावा. थोडे बटर शिजलेल्या भाताला लावून घ्यावे. वरून बटर घातल्याने भाताला छान तकाकी येते. हे करताना भाताची शिते मोडणार नाहीत याची काळजी घ्यावी.
२) नंतर नॉनस्टिक तवा मध्यम आचेवर गरम करावा. त्यात २ टिस्पून बटर घालावे. लगेच जिरे घालावे. जिरे तडतडले कि लसूण पेस्ट आणि लाल तिखट घालावे. ३० सेकंद परतावे.
३) कांदा घालून थोडे परतावे. कांदा थोडा शिजला कि भोपळी मिरची आणि गाजर घालावे. साधारण २ ते ३ मिनीटे परतावे. भाज्या अगदी पूर्ण शिजवू नयेत.
४) नंतर फ्लॉवरचे तुरे, टॉमेटो घालून १-२ मिनीटे परतावे. नंतर मटार, बटाटा आणि पावभाजी मसाला घालावा. चवीनुसार मिठ घालावे. पावभाजीला करतो तशा या भाज्या आपण मॅश करणार नाही आहोत कारण पुलावमध्ये भाज्या दिसल्या पाहिजेत.
५) हि भाजी तयार झाली कि ती तव्याच्या एका कडेला करून घ्यावी. तव्याच्या रिकाम्या भागात १/२ टिस्पून बटर घालावे त्यात खडामसाला घालावा. १० - १५ सेकंद परतून भाजी त्यात मिक्स करावी. जर आपण खडा मसाला आधीच फोडणीत घातला असता तर त्याचा स्वाद गरजेपेक्षा जास्त उतरला असता. म्हणून भाजी झाल्यावर शेवटी खडा मसाल्याची फोडणी करून भाजीत मिक्स करावी.
६) भाजी झाली कि गॅस मिडीयम हायवर ठेवावा. या भाजीत तयार भात घालावा. भाताचे ४ भाग करून एकेक भाग भाजीत घालावा म्हणजे सर्व भाताला भाजी लागेल आणि निट मिक्स होईल. तव्यावर हा भात छान परतून रायत्याबरोबर गरम गरम सर्व्ह करावा.

Labels: tawa Pulao, Mumbai Tawa Pulav, Pulav recipe, Tawa recipe, pavbhaji pulav, spicy pulao recipe

कोबीभात - Kobibhat

Cabbage Rice in English

३ जणांसाठी
वेळ: ३० मिनीटे

साहित्य:
१ वाटी तांदूळ
२ वाट्या लांबट आणि पातळ चिरलेली कोबी
फोडणीसाठी: २-३ चमचे तेल, जिरे, हिंग, कढीपत्ता, २ मिरच्या, १/२ लहान चमचा दालचिनी पावडर
१ चिमूट मोहोरी पावडर
मिठ
अडीच वाट्या गरम पाणी

कृती:
१) तांदूळ धुवून त्यातील पाणी काढून घ्यावे. तांदूळ निथळत ठेवावे. पातेल्यात २ चमचे तेल गरम करावे. त्यात जिरे, हिंग, कढीपत्ता, २ चिरलेल्या मिरच्या आणि दालचिनी पावडर फोडणीत घालावे.
२) फोडणीत चिरलेली कोबी घालून परतावी. १ वाफ काढून त्यात धुतलेले तांदूळ घालावे. मध्यम आचेवर चांगले परतून घ्यावे. त्यात अडीच वाट्या गरम पाणी घालावे.
३) १ उकळी आल्यावर त्यात १ चिमूटभर मोहोरी पावडर घालावी. चवीपुरते मिठ घालावे. मध्यम आचेवर भात शिजेस्तोवर वाफ काढावी.
हा भात टोमॅटो सूप आणि पापडाबरोबर गरम गरम खायला छान लागतो.

Labels:
Cabbage Rice, Indian Rice Recipe, Pulao Recipe, Spiced Rice Recipe

रेड बिन्स विथ राईस - Red Beans with Rice

Red Beans With Rice

मेक्सिकन पाककतींमध्ये बिन्स आणि राईसचा प्रामुख्याने वापर केला जातो. मेक्सिकन राईस आणि बिन्स बनवण्याची हि माझी पद्धत !! तेलाचा अजिबात वापर नसल्याने आणि भरपूर प्रमाणात भाज्या घातल्याने हि डिश पौष्टीक तसेच चविष्टही लागते. उसळ भाताला चेंज म्हणून हा नक्कीच चांगला पर्याय आहे.



साहित्य:
१ कप ब्लॅक बिन्स/ रेड बिन्स
१ लसूण पाकळी
१ तमालपत्र
१ ऑल स्पाईसचा गोळा
१ मध्यम कांदा बारीक उभा चिरलेला
१ मध्यम सिमला मिरची पातळ चिरून
१ चमचा व्हिनेगर (लिंबाचा रस)
दिड वाटी तांदूळ
मिठ
सजावटीसाठी: गाजराचे तुकडे, टोमॅटोच्या गोल चकत्या

कृती:
१) १ कप ब्लॅक बिन्स कोमट पाण्यात १०-१२ तास भिजत ठेवावे. न भिजलेल्या बिया काढून टाकाव्यात.
२) कूकरमध्ये ब्लॅक बिन्स शिजवून घ्याव्यात. खुप जास्त पाणी घालू नये, प्रमाणात पाणी घालावे. शिजवताना कूकरमध्ये मिठ, २ चमचे चिरलेला कांदा, २ चमचे सिमला मिरची, ठेचलेली लसूण पाकळी, तमालपत्र, ऑल स्पाईस हे सर्व जिन्नस घालावे. ३ शिट्ट्या कराव्यात. बिन्स मऊसर शिजवाव्यात त्याचबरोबर अख्ख्या राहातील याची पण काळजी घ्यावी.
३) तांदूळ मिठ न घालता शिजवून घ्यावा.
४) बिन्स पातेल्यात काढून घ्याव्यात. त्यातील लसूण, तमालपत्र, ऑल स्पाईस काढून टाकावा. गरज असल्यात थोडे पाणी घालावे. थोडावेळ मध्यम आचेवर उकळू द्यावे. शिजलेल्या बिन्सपैकी १/४ बिन्स ठेचून घ्याव्यात ज्यामुळे भाताबरोबर खाताना थोडी घट्टपणा येईल. १ चमचा व्हिनेगर घालावे. बिन्सला हवा तेवढा घट्टपणा आला कि त्यावर कांदा, सिमला मिरची घालून गरम गरम भाताबरोबर खावे. सजावटीसाठी गाजराचे तुकडे, टोमॅटोच्या गोल चकत्या वापराव्यात.

टीप:
१) रेड किंवा ब्लॅक बिन्स उपलब्धतेनुसार वापरता येतात.
२) आवडीनुसार पाती कांदा, कोबी पातळ चिरून घालू शकतो.

चकली

वेजिटेबल फ्राईड राईस - Vegetable Fried Rice

Veg Fried Rice In English

वाढणी: २ ते ३ जणांसाठी
लागणारा वेळ: भाज्या चिरण्यास २० मिनीटे + भात तयार करायला २० मिनीटे



साहित्य:
१ कप तांदूळ (बासमती)
४ कप वेजिटेबल स्टॉक
१ कप बारीक चिरलेली कोबी
पाउण कप पातळ कापलेली भोपळी मिरची
पाउण कप बारीक चिरलेला पाती कांदा + गार्निशिंगसाठी
अर्धा कप अगदी पातळ चिरलेले गाजर
१/४ कप बारीक चिरलेली फरसबी
दिड टिस्पून लसूण पेस्ट
१ टिस्पून आले पेस्ट
२ बारीक चिरलेल्या मिरच्या
२ टेस्पून सोयासॉस
१ टेस्पून व्हिनेगर
२ टिस्पून तेल
मीठ

कृती:
१) प्रथम वेजिटेबल स्टॉक बनवून घ्यावा.
२) ३ कप वेजिटेबल स्टॉकमध्ये १ कप तांदूळ घालून भात बाहेर शिजवून घ्यावा. शिजवताना थोडे मिठ घाला.(क्युबपासून बनवलेल्या स्टॉकमध्ये मीठ असते त्यामुळे चव बघुनच मीठ घालावे). भात पूर्ण न शिजवता किंचीत कच्चा ठेवावा. नंतर चाळणीत अलगदपणे निथळून ठेवावा. पाचएक मिनीटांनी एखाद्या ताटात किंवा परातीत मोकळा करून ठेवावा. हलक्या हाताने थोडे तेल लावावे. (टीप १)
३) कढईत २ चमचे तेल गरम करावे. गॅस हायवर ठेवावा. त्यात मिरची, आले-लसूण पेस्ट घालून फ्राय करावे. मिश्रण भातात घालावे.
४) तेल न घालता प्रत्येक चिरलेली भाजी (except पातीकांदा)अर्धा-अर्धा मिनीट गॅस मोठा ठेवूनच फ्राय करून घ्यावी. यातील भोपळी मिरची परतताना १ टेस्पून सोयासॉस आणि किंचीत मिठ घालावे. १/२ टेस्पून सोयासॉस घालून कोबी परतावी आणि १/२ टेस्पून सोयासॉस घालून गाजर परतावे. यामुळे भाज्यांना सोयासॉसचा फ्लेवर येतो आणि भातामध्ये सोयासॉस व्यवस्थित सर्वठिकाणी लागतो. इतर सर्व भाज्या नुसत्याच परताव्या. सर्वात शेवटी १०-१५ सेकंद पाती कांदा फ्राय करावा. सर्व भाज्या आणि भात एकत्र करावे.
कढईत हाय गॅसवर भात (भाज्या आणि आलेलसूण पेस्ट सहित), व्हिनेगर आणि लागल्यास मिठ घालावे. भात छानपैकी फ्राय करावा. भाताची चव बघून वाटल्यास भात परतताना १/२ टिस्पून सोयासॉस घालावा.

टीप:
१) जर फ्राईड राईस संध्याकाळी बनवायचा असेल तर शक्यतो भात सकाळीच वरीलप्रमाणे बनवून ठेवावा. भात शिजवून हवेवरती गार झाल्यावर ताटामध्येच ठेवावा व त्यावर अजून एक ताट ठेवून फ्रिजमध्ये ३-४ तास गार करावा. यामुळे भाताची शिते मोकळी राहतात आणि भात छान फडफडीत बनतो.
२) बर्‍याचवेळा सोयासॉसमध्ये मिठाचे प्रमाण जास्त असल्याने भाताची चव खारट होवू शकते. म्हणून शेवटी मिठ घालताना आधी भाताची चव पाहावी, गरज वाटल्यासच मिठ घालावे.

वेज मंचुरीयन बरोबर हा भात मस्त लागतो.


Labels:
Vegetable Fried Rice, Indo chinese food, spicy fried rice, chinese food, chinese recipe, vegetable fried rice recipe, veg fried rice recipe

टॅमरिंड राईस - Tamarind Rice

Tamarind Rice


साहित्य:
सव्वा कप वाटी तांदूळ
पाउण कप चिंचेचा कोळ
३-४ भरल्या सांडगी मिरच्या
२ लाल सुक्या मिरच्या
२ टिस्पून लाल तिखट
१ टेस्पून उडीद डाळ
पाव कप शेंगदाणे
फोडणीसाठी: २ चमचे तेल, १/४ टिस्पून मोहोरी, १/४ टिस्पून जिरे,१/४ टिस्पून हिंग, १/२ टिस्पून हळद, ३-४ कढीपत्ता पाने
मीठ

कृती:
१) सर्वप्रथम सव्वा वाटी तांदूळाचा फडफडीत भात शिजवून घ्यावा. भात थंड होवू द्यावा. भात थंड झाला कि त्याला चवीपुरते मिठ आणि लाल तिखट लावून मिक्स करावे.
२) कढईत तेल गरम करावे, मोहोरी, जिरे, हिंग, हळद कढीपत्ता घालावी. लाल मिरच्यांचे तुकडे करून घालाव्या. सांडगी मिरच्या घालून ढवळावे. शेंगदाणे आणि उडीद डाळ घालून परतावे. उडीद डाळ गोल्डन ब्राउन झाली कि चिंचेचा कोळ घालावा. १५-२० सेकंदाने भात घालून ढवळावे. २ मिनीटे वाफ काढावी.

Labels:
Tamarind Rice, South Indian Rice, Indian Spicy Rice, Tamarind Rice recipe, Chinchecha bhat, Imali Rice, Imli Rice

मसाले भात - Masalebhat

Masale Bhat in English

वाढणी: २ जणांसाठी

साहित्य:

पाउण कप बासमती/ साधा तांदूळ

वाटण : २ टिस्पून धणे, २ टिस्पून जिरे, १/२ कप कोथिंबीर, ३-४ मिरी, ४-५ लाल सुक्या मिरच्या हे सर्व मिक्सरवर वाटून घ्यावे.

६-७ काजू बी

दिड टिस्पून गोडा मसाला (काळा मसाला)

१ टिस्पून साखर

१ टिस्पून गूळ

चवीपुरते मीठ

२ टिस्पून तेल

१/४ टिस्पून मोहोरी

१/४ टिस्पून हळद
तांदूळाच्या अडीचपट पाणी

कृती:

१) तांदूळ धुवून १० मिनीटे निथळत ठेवणे.

२) नॉनस्टीक फ्राईंग पॅनमध्ये २ चमचे तेल गरम करून मोहोरी, हळद, काजू घालून तांदूळ परतून घ्यावे. तांदूळ परतताना दुसर्या गॅसवर २ कप पाणी गरम करत ठेवावे.

३) तांदूळ चांगले परतले गेल्यावर त्यात गरम केलेले पाणी घालावे. बारीक गॅसवर उकळी काढावी.

४) उकळी आल्यावर तयार केलेले वाटण, गोडा मसाला, चवीपुरते मीठ, साखर, गूळ घालावा. भांड्यावर झाकण ठेवून मंद गॅसवर वाफ काढावी.

५) खाताना भातावर साजूक तूप आणि खवलेला ओला नारळ घ्यावा.

Labels:
Masala Rice, Masale Bhat, Maharashtrian masala Bhat recipe, Indian Spiced Rice recipe

शेजवान फ्राइड राईस - Schezwan Fried Rice

Schezwan Fried Rice in English


साहित्य:
३/४ कप तांदूळ (बासमती किंवा साधा)
पाउण कप कांदा उभा चिरून
४ काड्या पाती कांदा - पाती बारीक चिरून (थोडा पाती कांदा वरून गार्निश करायला बाजूला काढून ठेवावा)
पाउण कप कोबी बारीक उभी चिरून
पाव कप गाजराचे तुकडे
पाव कप फरसबीचे तुकडे (थोडीशी शिजवून घ्यावी)
१ टेस्पून सोयासॉस
दिड टिस्पून व्हिनीगर (आवडीप्रमाणे कमी किंवा जास्त घालावे)
चवीनुसार शेजवान सॉस
१ टेस्पून तेल
चवीनुसार मीठ

शेजवान सॉस कृती १

शेजवान सॉस कृती २

कृती:
१) भात : तांदुळाच्या अडीचपट ते तीन पाणी घ्यावे, त्यात १/२ टिस्पून तेल आणि पाऊण चमचा मीठ घालून मध्यम आचेवर गरम करत ठेवावे. त्यात तांदूळ घालावे. वरुन झाकण ठेवून तांदूळ शिजू द्यावे. तेलामुळे भात मोकळा होतो. उरलेले पाणी काढून घ्यावे. आणि तयार भात परातीत मोकळा करून गार करत ठेवावा.
२) पाती कांदा सोडून चिरलेल्या भाज्यांना थोडा शेजवान सॉस लावून घ्यावा.
३) नॉनस्टिक फ्राईंग पॅनमध्ये १ टेस्पून तेल गरम करावे. गॅस मध्यम आचेवर ठेवून त्यात भाज्या घालाव्यात. १ ते २ मिनीटे परतावे. अगदी शेवटी पाती कांदा घालावा आणि १५ ते २० सेकंदानी भाज्या काढून घ्याव्यात.
४) तोच फ्राईंग पॅन चांगला तापू द्यावा व त्यात १ चमचा शेजवान सॉस घालून त्यात तयार भात घालावा. मध्यम गॅसवर ठेवूनच चांगला परतावा. त्यात थोडे मीठ घालावे. व्हिनीगर आणि सोयासॉस घालावा.
५) भात कढईत असताना मध्यम आचेवर भातामध्ये परतलेल्या भाज्या घालाव्यात व चांगले मिक्स करावे. २ मिनीटे परतावे. चायनीजच्या गाडीवर तुम्ही बघितलेच असेल. :)

टीप :
१) नॉनस्टिक फ्राईंग पॅनऐवजी लोखंडी कढई असेल तर स्वाद छान येतो. भाज्या आणि भात चांगला परतला जातो.
२) जर लसणीचा फ्लेवर जास्त हवा असेल भाज्या परतायच्या आधी तेलात १/२ चमचा लसूण पेस्ट परतावी आणि मग भाज्या घालाव्या.

Labels:
Indo Chinese Food, Chinese Rice, Fried Rice recipe, Vegetable Fried Rice, Shezwan fried rice

वेजिटेबल बिर्याणी - Vegetable Biryani

Vegetable Biryani in English


साहित्य:
१ कप बासमती तांदूळ
२ मध्यम कांदे उभे चिरून
१/२ कप मटार
५-६ फ्लॉवरचे तूरे अर्धा कप गाजर आणि फरसबीचे तुकडे (आवडत असलेल्या भाज्यांचे तुकडे सुद्धा घालू शकतो)
२ मध्यम टॉमेटोची प्युरी (टोमॅटो शिजवून त्याची साले काढावीत आणि मिकसरवर प्युरी करावी)
८-९ काजू बी
१ टेस्पून लसूण पेस्ट
१ टेस्पून आले पेस्ट
१/२ कप दूध
पाव ते अर्धा कप दही
१ टेस्पून तूप
१/२ टिस्पून लाल तिखट
१/४ टिस्पून हळद
१ टेस्पून वेजिटेबल बिर्यानी मसाला
चवीपुरते मीठ
२ टेस्पून तेल

कृती:
१) तांदुळाच्या अडीचपट पाणी घेऊन त्यात १/२ चमचा तेल आणि पाऊण चमचा मीठ घालावे. त्यात तांदूळ घालावे. वरुन झाकण ठेवून तांदूळ शिजू द्यावे. (तांदूळ पूर्ण शिजवू नयेत. अगदी किंचित कच्चे ठेवावे) उरलेले पाणी काढून घ्यावे. आणि तयार भात परातीत मोकळा करून ठेवावा.
२) भाज्या अर्धवट शिजवून घ्याव्यात (गाजर, फारसबी, फ्लॉवर.. वगैरे)
३) नॉनस्टिक फ्राईंग पॅनमध्ये ३ चमचे तेल घेऊन त्यात कांदा, काजू बी, आले-लसूण पेस्ट घालावी. २ मिनिटे मंद आचेवर परतून त्यात टोमॅटो प्युरी घालावी. १ चमचा लाल तिखट, अर्धा चमचा हळद घालून झाकण ठेवून वाफ काढावी. नंतर त्यात फेटलेले दही, बिर्याणी मसाला घालून ढवळावे. शिजवलेल्या भाज्या आणि थोडे मीठ घालावे.
४) दुसर्‍या नॉनस्टिक पॅनमध्ये अर्धा भाग शीजलेले तांदूळ पसरावे, त्यावर तयार ग्रेवी (टोमॅटो प्युरी आणि भाज्या) घालावी. आणि त्यावर उरलेला अर्धा भाग भात पसरावा.
५) १/२ कप दूध घालून मंद आचेवर १०-१२ मिनिटे वाफ काढावी. बिर्याणी तयार झाल्यावर त्यात कडेने तूप सोडावे.

टीप:
१) जर ओव्हनमध्ये बिर्याणी करायची असेल तर ओव्हन ४०० F प्रिहीट करावे. ओव्हनसेफ भांड्यात क्रमांक ४ व ५ मध्ये दिल्याप्रमाणे भाताचा व भाजीचा थर लावावा. वरून अल्युमिनीयम फॉईलने भांडे बंद करावे व १५ मिनीटे ओव्हनमध्ये ठेवावे.

Labels:
vegetable Biryani, easy recipe of Biryani, Dum Biryani, veg biryani recipe