बटाटापूरी - Batata Puri

Batata Puri in English

In India, Sabudana or Sago has a unique importance during Fasting. Khichdi, Vada, Kheer (Pudding) , Thalipith (Pancakes) made of Sabudana taste just amazing. Sabudana Vada is favorite in India, especially in Maharashtra because of its delicious taste and crispy texture.
Batata Puri (Potato Puri) is a version of Sabudana Vada. But Batata Puris are more crispy than Sabudana Vada. This recipe would be a nice alternative who fasts once in a week and searching something new to try other than routine fasting food.

उपवासाला आपण घरी साबुदाणे वडे बर्‍याचदा करतो, बटाटापुरी हि साबुदाणा वड्याच्या साहित्यापासूनच बनवली जाते पण पदार्थांचे प्रमाण आणि पद्धत थोडी निराळी असते. तसेच चवीलाही थोडी वेगळी आणि खुसखूशीत लागते. नक्की करून पाहा !!

वाढणी: मध्यम १२ पुर्‍या

साहित्य:
२ मोठे बटाटे, उकडलेले
१/२ कप साबुदाणा
७ ते ८ मिरच्या
१/४ कप कोथिंबीर, चिरून
१/२ टिस्पून जिरे
३ टेस्पून शेंगदाणा कूट
१ टिस्पून जिरेपूड
१ ते २ टेस्पून शिंगाडा पिठ (टीप)
चवीपुरते मिठ
तळण्यासाठी तेल

कृती:
१) १/२ कप साबुदाणा पाण्यात भिजवावा. अधिकचे पाणी काढून टाकावे. नंतर किंचीत पाणी घालावे. साबुदाण्याच्यावर १/२ सेमी येईल इतपत पाण्याची पातळी ठेवावी. साधारण ३-४ तास अशाप्रकारे भिजवून ठेवावे. भांडे वरून झाकावे.
२) मिक्सरमध्ये ७-८ हिरव्या मिरच्या, कोथिंबीर, जिरे आणि थोडे मिठ घालून बारीक करावे. पाणी घालू नये. जर मिक्सर नसेल तर मिरच्या आणि कोथिंबीर बारीक चिरून घ्यावी.
३) शिजवलेले बटाटे किसून घ्यावे. त्यात मिरची-कोथिंबीरीचा ठेचा, शेंगदाणा कूट, भिजवलेले साबुदाणे, जिरेपूड आणि शिंगाडा पिठ घालून निट मळून गोळा बनवावा. चव पाहुन, लागल्यास मिठ घालावे.
४) साधारण दिड इंचाचे गोळे करावे. तेल तापत ठेवावे. तेल तापले कि आच मिडीयम हायवर ठेवावी. एक प्लास्टिकचा जाड तुकडा घ्यावा. त्याला तेलाचा हात लावावा. प्रत्येक गोळा त्यावर जाडसर थापावा आणि मध्यभागी बोटाने भोक पाडावे. पातळ थापू नये, नाहीतर तेलात टाकल्यावर पुरी तुटते आणि विरघळते. (टीप)
५) पुरी तेलात टाकल्यावर ती झार्‍याने अजिबात पलटू नये. पुरी पलटली ती हमखास तुटते. पुरी जरा तळली गेल्यावर थोडा firmness येतो. त्यावेळी झार्‍याने अलगद तेलात बुडवावी म्हणजे वरच्या बाजूलाही छान ब्राऊन रंग येईल.
तळलेल्या पुर्‍या चटणीबरोबर सर्व्ह कराव्यात.
टीप:
१) पुरी तेलात टाकल्यावर तुटत असेल तर मळलेल्या पिठात एखादा चमचा शिंगाडा पिठ वाढवावे.
२) शिंगाडा पिठ घरात available नसेल आणि उपवासही नसेल तर शिंगाड्याऐवजी तांदूळाचे पिठ वापरले तरी चालते.
३) साबुदाणा खुप चिकट भिजवू नये, पुर्‍या तळताना त्या तेलात विरघळतात.
4) तिखटाच्या आवडीप्रमाणे मिरच्यांचे प्रमाण कमीजास्त करावे.

आलू मुंगोडी चाट - Aloo Mungodi chat

Aloo Mungodi Chat in English

वाढणी: २ ते ३ जणांसाठी
वेळ: ४० मिनीटे (मूग भिजलेले असल्यास)

साहित्य:
मुगभजीसाठी:::
१/२ कप हिरवी मुगडाळ (सालासकट)
३-४ हिरव्या मिरच्या, ४ लसूण पाकळ्या
१/२ टिस्पून लाल तिखट, १/२ टिस्पून हळद, १ टिस्पून जिरेपूड
चवीपुरते मिठ
तळण्यासाठी तेल
बटाटा:::
२ मध्यम बटाटे, उकडून, १ टिस्पून बटर, चवीपुरते मिठ, १ टिस्पून लिंबाचा रस
लाल चटणी:::
लाल मिरच्या भिजवण्यासाठी वेळ नव्हता म्हणून मी लाल चटणी पुढील प्रमाणे केली
२ टिस्पून काश्मिरी लाल तिखट, १ टिस्पून धणेपूड, २-३ टेस्पून पाणी
इतर साहित्य:::
२ टेस्पून हिरवी चटणी
१/४ कप चिंचेची चटणी
२ टिस्पून चाट मसाला
१ टिस्पून जिरेपूड
१/२ कप दही
१/२ टिस्पून काळे मिठ
साधे मिठ चवीनुसार
२ टेस्पून बारीक चिरलेली कोथिंबीर, १/४ कप बारीक शेव, १/४ कप बारीक चिरलेला कांदा
१/४ टिस्पून लाल तिखट

कृती:
१) चिंचेची चटणी आणि हिरवी चटणी तयार ठेवावी. दही फेटून घ्यावे.
२) मुगभजीसाठी हिरवी मुगडाळ ३ तास भिजत घालावी. त्यातील पाणी काढून टाकावे. मिक्सरमध्ये भिजवलेली हिरवी मुगडाळ, हिरव्या मिरच्या, लसूण पाकळ्या, लाल तिखट, हळद, जिरेपूड, चवीपुरते मिठ घालून बारीक करावे. तेल गरम करून त्यात छोट्या भजी तळून घ्याव्यात.
३) उकडलेले बटाटे सोलून त्याचे छोटे तुकडे करून घ्यावेत. एक पॅन गरम करून बटर घालावे त्यात बटाट्याच्या फोडी घालून परतावे. गॅस मध्यम ठेवावा. मिठ घालावे आणि गॅस बंद करून लिंबाचा रस घालावा.
४) प्लेटमध्ये आधी भज्या घालाव्यात त्यावर परतलेले बटाटे, २ चमचे दही, हिरवी चटणी, चिंचेची चटणी, लाल चटणी, अजून थोडे दही, चाट मसाला, जिरेपूड, काळे मिठ, साधे मिठ, लाल तिखट घालावे. शेवटी कोथिंबीर, बारीक शेव घालून सजवावे.

Labels:
Dahi Chat, Pakoda Chat, Moong Bhajji Chat, Bombay chat food, Aloo Chat

दही बटाटा पुरी - Dahi Batata Puri

Dahi Batata Puri in English

पाणीपुरी हा माझा फार आवडीचा पदार्थ आहे, घरी पुर्‍या केल्या कि मुद्दाम जास्त करून ठेवायच्या मग काही वेगळे चाटचे पदार्थही बनवता येतात. दहीपुरी हा त्याच कॅटेगरीतील पदार्थ.बनवायलाही सोपा!! नक्की करून पाहा..

वाढणी: २ प्लेट


साहित्य:
१४ पाणीपुरीच्या पुर्‍या
१/२ कप शिजवून किसलेला बटाटा
१/२ कप चिरलेला कांदा
१/२ कप चिरलेला टोमॅटो
३/४ कप घट्ट दही
१/२ कप चिंचगूळाची चटणी
१/४ कप हिरवी चटणी
आवडीनुसार चाट मसाला
काळे मिठ
मिठ
१/२ टिस्पून साखर
सजावटीसाठी कोथिंबीर

कृती:
१) पुरीच्या पातळ बाजूला भोक पाडून दोन प्लेटमध्ये प्रत्येकी ७ पुर्‍या ठेवाव्यात.
२) दही घोटून घ्यावे. त्यात ३ ते ४ चमचे पाणी घालून किंचीत सैलसर बनवावे. त्यात थोडे मिठ आणि साखर घालून ढवळावे.
३) पुर्‍यांमध्ये थोडा बटाटा भरावा, थोडे मिठ पेरून नंतर कांदा आणि टोमॅटो भरावा. वरून चिमूटभर काळे मिठ भुरभुरावे. चिंचगूळाची चटणी आणी हिरवी चटणी घालून चाटमसाला भुरभुरावा. प्रत्येक पुरीवर दही घालावे आणि कोथिंबीर घालून सर्व्ह करावे.

टीप:
१) आवडीनुसार सजावटीसाठी नायलॉन शेवही घालू शकतो.
Labels:
Dahi Puri, Chat food, Mumbai street food, Sev puri

ब्रेड रोल - Bread Roll

Bread Roll (English Version)

वाढणी : ५ ते ६ ब्रेड रोल


साहित्य:
५-६ ब्रेडचे स्लाईस (व्हाईट)
१ कप उकडलेल्या बटाटा फोडी
१/४ कप मटार
१/४ कप कांदा, बारीक चिरून
१/४ कप कोथिंबीर, बारीक चिरून
१/२ टिस्पून किसलेले आले
२ हिरव्या मिरच्या, बारीक चिरून
१ टिस्पून गरम मसाला
१/२ टिस्पून आमचुर पावडर
फोडणीसाठी : २ टिस्पून तेल, १/२ टिस्पून जिरे, १/४ टिस्पून हिंग, १/४ टिस्पून हळद, १/२ टिस्पून लाल तिखट
कढीपत्ता
चवीनुसार मिठ
तळण्यासाठी तेल

कृती:
१) बटाटा उकडून, सोलून त्याच्या फोडी करून घ्याव्यात. मटार वाफवून घ्यावेत.
२) कढईत तेल गरम करून जिरे, हिंग, हळद, लाल तिखट घालून फोडणी करावी. फोडणीत कढीपत्ता, हिरव्या मिरच्या आणि आले घालावे. काही सेकंद परतून कोथिंबीर घालावी, कांदा घालावा. थोडे मिठ घालून कांदा शिजेस्तोवर परतावे.
३) नंतर मटार आणि बटाटा घालून परतावे. गरम मसाला, आमचुर पावडर घालून निट मिक्स करावे. मध्यम आचेवर एक वाफ काढावी. गरजेनुसार मिठ व तिखट वाढवावे. भाजी थोडी गार होवू द्यावी.
४) ब्रेड स्लाईसच्या कडा काढून टाकाव्यात. ब्रेड हातात घेऊन त्यावर थोडे पाणी शिंपडावे आणि ब्रेड ओलसर करावा. अधिकचे पाणी ब्रेड दोन्ही हातांमध्ये चेपून काढून टाकावे. ब्रेड काळजीपूर्वक हाताळावा.



५) या ओलसर ब्रेड स्लाईसच्या मध्यभागी एक ते दिड चमचा भाजी ठेवावी व चित्रात दाखविल्याप्रमाणे फोल्ड करून रोल बनवावा. रोल एकदम छान बांधला गेला पाहिजे. आवरणाच्या फटी राहिल्या तर तेल आत जाईल आणि खाताना रोल तेलकट लागेल.
६) तयार रोल तेलात सोनेरी रंगावर तळून काढावेत.
टोमॅटो सॉसबरोबर गरम गरम सर्व्ह करावेत.

टीप:
१) स्टफिंग आपल्या आवडीनुसार वेगवेगळ्या कॉंम्बिनेशनमध्ये बनवू शकतो.

Labels:
bread roll, veg bread roll, easy bread roll recipe, stuffed bread rolls

उपासाची बटाटा भाजी - Batata Bhaji

Upvasachi Batata Bhaji in English

वाढणी : २ ते ३ जणांसाठी


साहित्य:
२ कप शिजलेल्या बटाट्याच्या फोडी
१ टिस्पून साजूक तूप
१/२ टिस्पून जिरे
३-४ हिरव्या मिरच्या
२ टेस्पून शेंगदाण्याचा कूट
१ टिस्पून लिंबाचा रस
१/२ ते १ टिस्पून साखर
चवीपुरते मिठ

कृती:
१) बटाटे शिजवून घ्यावेत. बटाटे सोलून त्याच्या मध्यम फोडी कराव्यात.
२) कढईत १ टिस्पून तूप गरम करावे. त्यात जिरे आणि चिरलेल्या मिरच्या घालाव्यात. यात बटाट्याच्या फोडी घालून मध्यम आचेवर परतावे. चवीपरते मिठ आणि साखर घालावी, दाण्याचा कूट घालावा. झाकण ठेवून वाफ काढावी. २-३ मिनीटांनंतर त्यात लिंबू रस घालून मिक्स करावे.

टीप:
१) आवडीनुसार ताजा ओला नारळही घालू शकतो.

Labels:
Maharashtrian Recipe, upvas recipe, fasting recipe, batata bhaji, Potato Bhaji, Potato Sabji

रताळे पोळी - Ratale Poli

Sweet Potato Roti (English Version)



साहित्य:
२ कप रताळ्याच्या फोडी
१ कप किसलेला गूळ
कणिक
२ टेस्पून तेल
तूप

कृती:
१) फोडी कूकरमध्ये वाफवून घ्याव्यात. फोडी कूकरच्या डब्यात ठेवाव्यात, डब्यात पाणी घालू नये. डब्यावर झाकण ठेवावे व फक्त कूकरच्या तळाशी पाणी घालावे. आणि २-३ शिट्ट्या कराव्यात.
२) गरम फोडींमध्ये गूळ घालून चमच्याने ढवळावे. मिश्रण पातळसर झाले कि भिजेल इतकी कणिक त्यात घालावी व तेल लावून मळावे. मध्यम भिजवावे. पिठ २० मिनीटे झाकून ठेवावे.
३) पोळ्या लाटून तूपावर खरपूस भाजून घ्याव्यात.
या पोळ्या ३-४ दिवस छान टिकतात.

टीप:
१) पोळ्या जर जास्त गोड हव्या असतील तर १ कप ऐवजी सव्वा कप गूळ वापरावा.

Labels:
Ratale poli, Sweet Potato recipe, Ratale

मटार बटाटा करंजी - Matar Batata Karanji

Matar Batata Karanji (English version)

मटाराच्या करंज्या बर्याच पद्धतीने बनवता येतात. आमच्या घरी या करंज्यांमध्ये मसाले आवडत नाहीत त्यामुळे हि माझी सोपी साधी पद्धत, नक्की करून पाहा आणि सांगा कशी झाली ते !!

साधारण २० मध्यम आकाराच्या करंज्या


साहित्य:
आवरणासाठी
१ वाटी मैदा
दिड चमचा रवा
२-३ चमचे तेल
मीठ
सारणासाठी:
२ वाटी मटार
२ लहान बटाटे
२-३ हिरव्या मिरच्या
फोडणीसाठी: ३ चमचे तेल, १/२ चमचा जिरे, चिमुटभर हिंग, १/२ चमचा हळद
३-४ पाने कढीपत्ता (चिरून घ्यावा)
२ लसूण पाकळ्या बारीक चिरून
१ लहान चमचा मिरपूड
मीठ
तळणासाठी तेल

कृती:
१) आवरणासाठी मैदा आणि रवा एकत्र करावे. तेल कडकडीत तापवून मोहन घालावे. चवीपुरते मीठ घालावे व पाणी घालून घट्ट मळून घ्यावे. मटाराची भाजी होईस्तोवर झाकून ठेवावे.
२) बटाटे सोलून लहान लहान फोडी कराव्यात. नॉनस्टीक फ्राईंग पॅनमध्ये तेल गरम करावे. त्यात जिरे, हिंग, हळद, कढीपत्ता घालून फोडणी करावी. लसूण आणि मिरच्या घालून काही सेकंद परतावे. त्यात चिरलेला बटाटा घालावा, मिठ घालावे व ढवळावे. २-३ मिनीटे वाफ काढून मटार घालावेत. वाफ काढावी. मध्ये मध्ये ढवळत राहावे. हि भाजी सुकी झाली पाहिजे.
३) भाजी शिजत आली कि त्यात थोडी मिरपूड घालावी आणि झार्याने किंवा मॅशरने मटार व बटाटा चेपावेत म्हणजे सारण एकजीव होईल.
४) भाजी झाली कि आवरणासाठीचे पिठ घ्यावे त्याचे सुपारी एवढे गोळे करावे. त्याच्या पुर्या लाटून सारण अर्ध्या गोलावर १ चमचा सारण ठेवावे. पुर्या अगदी पातळ लाटू नयेत. त्याबाजूच्या कडा मोकळ्या ठेवाव्यात. दुसरी अर्धी बाजू सारणावर आणून कडा चिकटवाव्यात. कातणाने जास्तीची कड काढून घ्यावी. जर कातण नसेल तर सुरीने अलगदपणे कडा काढून टाकाव्यात व कड एकदा चेपून घ्यावी. फरक फक्त एवढाच कि कातणामुळे करंज्या सुबक दिसतात.
५) कढईत तेल गरम करून करंज्या गोल्डन ब्राऊन तळून काढाव्यात.
या करंज्या टोमॅटो सॉस किंवा चिंच गूळाच्या चटणी बरोबर छान लागतात.

टीप:
१) आवडत असेल तर भाजीत गरम मसाला घालू शकतो.

Labels:
Maharashtrian, Potato snacks, Fritters recipe, karanji recipe, gujia recipe

चटपटीत बटाटे - Chatpatit Batate

Chatpatit Batate (English Version)


साहित्य:
३ मध्यम बटाटे
१ चमचा भाजलेले तिळ
१ वाटी चिरलेली कोथिंबीर
१/२ ते पाउण वाटी चिरलेला पुदीना
६-७ हिरव्या मिरच्या
१ इंच आले किसून
३-४ लसूण पाकळ्या
२-३ चमचे लिंबाचा रस
पाऊण वाटी घोटलेले घट्ट दही
१ चमचा जिरे
१ चमचा धणेपूड
१/२ चमचा हळद
१ चिमुट गरम मसाला
मिठ

कृती:
१) बटाटे उकडून घ्यावेत. थंड झाले कि साले काढून मध्यम आकाराच्या फोडी करून घ्याव्यात.
२) कोथिंबीर, पुदीना, आले, लसूण, मिरच्या, लिंबाचा रस आणि १ चमचा दही एकत्र करून मिक्सरवर बारीक वाटून घ्यावेत.
३) नॉनस्टीक फ्राईंग पॅनमध्ये मंद आचेवर जिरे घालून थोडे भाजून घ्यावे. त्यात धणेपूड घालून परतावे, लगेच हळद घालावी.(आपण यात तेलाचा वापर करत नाही आहोत तेव्हा परतताना हा मसाला जळणार नाही याची दक्षता घ्यावी). लगेच वाटलेली हिरवी चटणी घालावी.
४) नंतर बटाट्याच्या फोडी, दही, मीठ घालून ढवळावे. ४-५ मिनीटे मध्यम आचेवर वाफ काढावी. मिश्रण जरा सुके करावे. गरम मसाला घालून ढवळावे. वरून भाजलेले तिळ घालावेत.

टीप:
१) हिरव्या मिरच्यांचे तिखट आवडीप्रमाणे कमी जास्त करावे

Labels:
Chatpate Aloo recipe, Potato recipe, Quick and easy potato recipe

रगडा पॅटीस - Ragda Pattis

Ragada Patties (English Version)



माझ्या आवडत्या चाट items पैकी रगडा पॅटीस एक आहे. रगडा पॅटीस वेगवेगळ्या प्रकारे बनवतात. बाहेरच्या रगड्यामध्ये बर्याचदा फक्त मिठ आणि हळद असते. हि जरा वेगळी आणि चविष्ठ कृती आहे.

साहित्य:
पॅटीसचे साहित्य:
१/२ किलो बटाटे (टीप २ आणि ३)
१ लहान चमचा हळद
चवीपुरते मिठ
रगडा साहित्य:
१ ते सव्वा वाटी पांढरे वाटाणे
फोडणीसाठी २ चमचे तेल, हिंग, हळद, १-२ चमचे लाल तिखट, मीठ, ओलं खोबरं, २-३ आमसुल
आवश्यक तेवढे पाणी
चिंचगूळ चटणी साहित्य: इथे क्लिक करा
हिरवी चटणी साहित्य: इथे क्लिक करा
वरून पेरण्यासाठी:
२ मध्यम कांदे बारीक चिरलेले
बारीक पिवळी शेव
चिरलेली कोथिंबीर

कृती:
१) पांढरे वाटाणे ७-८ तास भिजवून कूकरमध्ये मऊसर शिजवून घ्यावे.
२) चिंच गूळ चटणी आणि हिरवी चटणी:
इथे क्लिक करा

३) रगडा:
पातेल्यात २-३ चमचे तेल गरम करावे, त्यात हिंग, हळद, लाल तिखट घालून फोडणी करावी. त्यात शिजवलेले वाटाणे घालावे. १ मिनीट परतून त्यात आवश्यक तेवढे पाणी घालावे. ओलं खोबरं, मीठ, आमसुल घालावे १ उकळी काढावी.
४)पॅटीस:
बटाटे शिजवून घ्यावेत. साले काढून मळून घ्यावेत. त्यात हळद आणि थोडे मिठ घालून मळून घ्यावेत. गुठळी राहू देवू नये. त्याचे २ इंचाचे गोळे करून घ्यावे. किंचीत चपटे करावेत. नॉनस्टीक फ्राईंग पॅनमध्ये २-३ चमचे तेल पसरवावे व त्यावर हे पॅटीस मध्यम आचेवर दोन्ही बाजूंनी गोल्डन ब्राउन करून घ्यावे.
आता सर्व पदार्थ तयार झालेत तेव्हा हे पदार्थ वाढण्याचा क्रम खालील प्रमाणे :
ताटलीत प्रथम ४-५ पॅटीस ठेवावेत. त्यावर रगडा, चिंचगूळ चटणी, हिरवी चटणी, कांदा, शेव व कोथिंबीर घालावी.
गरम गरम रगडा पॅटीसवर ताव मारावा!!

टीप:
१) विकतच्या रगडा पॅटीसमध्ये रगड्याला फोडणी घातलेली नसते. पण वरील कृतीप्रमाणे रगडा करून पाहा, चव खुप छान लागते.
२) बटाटे गरम असतानाच मळून घ्यावे. तसेच किसण्याऐवजी हातानेच मळावेत.
३) बटाटे निवडताना नवीन बटाटा वापरू नये. तसेच 'Red Potato' वापरू नये. 'Red Potato' मुळे पॅटीस चिकट होतात आणि गरम तव्यावर भाजताना एकदम बसके होतात. पॅटीससाठी ’Russet Potato' वापरावेत.

Labels:
Ragda Pattice, Ragada patties recipe, Mumbai Street food, Chat Items

आले बटाटा वडी - Alepak

Alepak in English

सध्या थंडीचे दिवस आहेत त्यामुळे आल्याचा (जिंजर) भरपूर वापर घरात होतो. आल्याच्या वड्या, आल्याचा चहा बर्याचदा केले जातात. या वड्या नेहमीच्या आलेवड्यांपेक्षा मऊ असतात. करायला सोप्या आणि चवीलाही छान.

साहित्य:
(मेजरमेंटसाठी जर मेजरमेंट कप उपलब्ध असतील तर १/४ कपचे जे माप आहे त्या प्रमाणात पुढील जिन्नस घेतले तर साधारण २० मध्यम आकाराच्या वड्या पडतील.)
१ मध्यम वाटी किसलेले आले (चेपून भरून)
२ मध्यम वाट्या साखर
१/२ मध्यम वाटी पिठी साखर
१/२ मध्यम वाटी दूध
१ चमचा साजूक तूप
२ मध्यम वाट्या शिजवलेल्या बटाट्याचा किस
वेलची पूड
सजावटीसाठी बदामाचे काप (ऑप्शनल)

कृती:
१) कढईत किंवा नॉनस्टीक फ्राईंग पॅनमध्ये किसलेले आले + २ वाट्या साधी साखर + तूप + दूध एकत्र करावे. हाय गॅसवर ढवळत राहावे.
२) आळत आले कि शिजवलेल्या बटाट्याचा किस घालावा. ढवळत राहावे. मिश्रण घट्टसर झाले कि मध्यम आचेवर त्यात पिठी साखर घालावी.
३) मिश्रण वड्या पाडता येतील एवढे दाटसर झाले त्यात वेलचीपूड घालावी. ढवळून घ्यावे.
४) स्टिलच्या ताटाला तूपाचा हात लावून घ्यावा त्यावर मिश्रण समान थापून घ्यावे. सजावटीसाठी बदामाचे काप घालावे. थंड झाल्यावर वड्या पाडाव्यात.

टीप:
१) वेलचीपूडऐवजी जायफळ पावडरनेसुद्धा छान स्वाद येतो.
२) मिश्रण व्यवस्थित दाट झाल्यावरच ताटात थापावे नाहीतर वड्या चिकट होण्याचा संभव असतो.
३) वड्या लगेच डब्यात भरू नये काही तास मोकळ्या हवेत उघड्याच ठेवाव्यात.

Labels:
Ale Batata Vadi, Ale Pak recipe, Ginger Candy

बटाट्याचा किस - Batata kis

Batata kis (English Version)


साहित्य:
२ बटाटे
१ टेस्पून तूप
१/२ टिस्पून जिरे
२-३ हिरव्या मिरच्या
अर्धी वाटी शेंगदाण्याचा कूट
चवीपुरते मिठ, साखर
कोथिंबीर
लिंबू

कृती:
१) बटाटे स्वच्छ धुवून सोलून घ्यावे. मध्यम छिद्रे असलेल्या किसणीवर किसून घ्यावेत. किसलेला बटाटा गार पाण्यात घालावा.
२) कढईत १ ते दिड चमचा तूप गरम करावे. १/२ टिस्पून जिरे घालावे. मिरचीचे तुकडे घालावे.
३) किसलेला बटाटा दोन्ही हातांनी पिळून त्यातील पाणी काढून टाकावे आणि कढईत घालावा. निट परतून घ्यावा. मध्यम आचेवर वाफ काढावी. ३-४ मिनीटांनी शेंगदाण्याचा कूट घालावा. मधेमधे कालथ्याने ढवळावे जेणेकरून बटाटा कढईला चिकटणार नाही. बटाटा शिजेस्तोवर वाफ काढावी. मिठ घालावे, थोडी साखर घालावी. पाणी घालू नये नाहीतर बटाट्याचा किस चिकट होतो.
५) कोथिंबीर घालावी, दही किंवा लिंबू बरोबर गरम गरम खावे. जर लिंबाचे गोड लोणचे उपलब्ध असेल तर मस्तच !!

टीप:
१) मुठभर भिजवलेले (२-३ तास) साबुदाणे जर बटाट्याचा किस परतताना टाकले तरीही छान लागतात.

Labels:
Batata Kis, Batatyacha Kis, Upavasache batata kis, Upasache padartha, Potato Recipe, Maharashtrian Fasting Food

बटाटा वडा पाव- Batata Wada pav

Batata Vada in English

वेळ: ३५ ते ४० मिनीटे
नग: १२ ते १४ वडे

साहित्य:
वडापाव करायचा असल्यास लादीपाव
४ शिजवलेले मोठे बटाटे
४ ते ५ हिरव्या मिरच्या
वडे तळण्यासाठी तेल
१ टिस्पून चमचा उडीद डाळ
४-५ लसणींची पेस्ट
१ इंच आले पेस्ट
३-४ कढीपत्ता पाने
२ टेस्पून कोथिंबीर
१ टेस्पून लिंबाचा रस
फोडणीसाठी: २ टिस्पून तेल, १/४ टिस्पून मोहोरी, १/४ टिस्पून जिरे, चिमूटभर हिंग, १/४ टिस्पून हळद
चवीपुरते मीठ
आवरणासाठी
१ कप चणा पिठ, ३/४ ते १ कप पाणी, १/२ टिस्पून हळद, चवीपुरते मीठ, चिमूटभर खायचा सोडा

कृती:
१) शिजवलेले बटाटे व्यवस्थित कुस्करून घ्यावे. किसणीवर किसू नये एकदम लगदा पण चांगला लागत नाही. तसेच खुप गुठळ्याही ठेवून नये. (नोट ३)
२) कढईत २ चमचे तेल गरम करावे. मोहोरी, जिरे, हिंग, हळद, कढीपत्ता, मिरच्या आणि नंतर आले-लसूण पेस्ट घालावी. थोडे परतून त्यात उडीद डाळ घालावी. उडीद डाळ गोल्डन ब्राउन झाली कि त्यात कुस्करलेला बटाटा घालून परतावे. चवीपुरते मीठ घालावे. मीठ आणि फोडणीचे तेल बटाट्याला व्यवस्थित लागेल असे कालथ्याने मिक्स करावे. लिंबूरस घालावा. तयार भाजीचे २ इंच इतपत गोळे करावे.
३) भाजी तयार झाली कि आवरणासाठी चणा पिठ पाण्यात भिजवावे. अर्धा चमचा हळद, सोडा आणि चवीपुरते मिठ घालावे. पिठ अगदी पातळ किंवा अगदी घट्ट भिजवू नये.
४) कढईत तेल गरम करावे. तळताना वडा तेलात पुर्ण बुडेल इतपत तेल कढईत घालावे. तेल व्यवस्थित तापू द्यावे. भिजवलेल्या पिठाचा एक थेंब तेलात टाकावा. जर तो टाकल्या टाकल्या वर आला तर तेल तापले आहे असे समजावे. तेल तापले कि गॅस मिडीयम हायवर ठेवावा.
४) भिजवलेल्या पिठात तयार भाजीचा एक गोळा बुडवून तेलात सोडावा. असे तिन चार वडे (किंवा तळताना कढईत सुटसुटीत मावतील एवढे) गोल्डन ब्राउन होईस्तोवर तळावेत.
कोथिंबीर मिरचीच्या हिरव्या चटणीबरोबर किंवा लसणीच्या तिखटाबरोबर गरमागरम खावेत.

टीप:
१) पावामध्ये चटणी आणि वडा घालून वडा पावही खाऊ शकतो.
२) वड्यातील भाजीचा तिखटपणासाठी आवडीनुसार मिरचीचा ठेचा वापरावा.
३) रेड पोटॅटो वडे बनवायला वापरू नये. वड्याचे सारण चिकट होते. रसेट पोटॅटो चालतील.

Labels:
Batata Wada, Batata Vada, Potato Vada, Maharashtrian Batata wada, Mumbai Vada Pav, Vada Pav recipe, Aloo Bonda Recipe

समोसा पफ - Samosa Puff

Samosa Puff In English

ही पाककृती खासकरून अमेरीकेतील समोसाप्रेमींसाठी आहे, Pillsbury चे रेफ्रिजरेटेड क्रेसेंट रोल्स कुठल्याही सुपरमार्केटमध्ये उपलब्ध असतात. क्रेसेंट रोल्स भारतात कुठे मिळतील याबद्दल मला फारशी कल्पना नाही.


साहित्य:
रेफ्रिजरेटेड क्रेसेंट रोल्स (Crescent Rolls)
(कुठल्याही सूपर मार्केटमध्ये रेफ्रिजरेटेड सेक्शनमध्ये मिळते.)
स्टफिंगसाठी:
२ शिजवलेले बटाटे
१ वाटी शिजवलेले हिरवे वाटाणे
३-४ हिरव्या मिरच्या बारीक चिरून
१ चमचा गरम मसाला
१ लहान चमचा आमचूर पावडर
१ चमचा धनेपूड
१ चमचा बडीशेप
१-२ चमचे तेल
फोडेणीसाठी मोहोरी, जिरे, हळद, कढीपत्ता
मीठ



कृती:
आपण समोसे बनवताना जसे सारण बनवतो तसेच सारण बनवायचे आहे.
१) बटाटे सोलून व्यवस्थित कुस्करून घ्यायचे.
२) कढईत २ चमचे तेल गरम करावे. त्यात मोहोरी, जिरे, हळद, कढीपत्ता, बडीशेप, मिरच्या घालाव्यात. वाटाणे घालून एक-दोन मिनीटे परतावे.
३) कुस्करलेले बटाटे घालावेत. गरम मसाला, धणेपूड, आमचूर पावडर आणि मिठ घालावे, व्यवस्थित मिक्स करावे.
४) क्रेसेंट रोल्सच्या "pipe shaped" पॅकमध्ये ८ त्रिकोणी चकत्या असतात. त्या अलगदपणे सेपरेट कराव्यात. त्यातील लहान बाजूवर १ ते दिड चमचा सारण ठेवावे. रोल करावा. चित्रात दाखवल्याप्रमाणे.
५) ओव्हन ३७० F वर प्रिहीट करावे. तयार केलेले रोल्स १५ -१८ मिनीटे बेक करावे.

टीप:
१) आपण आपल्या आवडीचे स्टफिंग बनवून व्हरायटी पफ बनवू शकतो.
२) तिखटपणा जास्त हवा असेल तर मिरचीचा ठेचा वापरावा.

Labels:
Samosa Puff, Samosa stuffing recipe, samosa recipe, spicy samosa recipe

आलू पराठा - Aloo Paratha

Aloo Paratha in English


साहित्य:
गव्हाचे पिठ
२ मध्यम आकाराचे शिजलेले बटाटे
१ चमचा लसूण पेस्ट
१ ते दिड चमचा हिरव्या मिरच्यांचा ठेचा
पाऊण वाटी बारीक चिरलेली कोथिंबीर
१ चमचा जिरे
१ लहान चमचा जिरेपूड
मीठ
बटर

कृती:
१) २ ते अडीच वाट्या गव्हाचे पिठ मळून घ्यावे. चवीसाठी मिठ घालावे.
२) शिजलेले बटाटे किसून घ्यावेत त्यामुळे बटाट्याच्या गुठळ्या होणार नाहीत. त्यात लसूण पेस्ट, मिरची ठेचा, कोथिंबीर, जिरे, जिरेपूड आणि मिठ मिक्स करावे.
३) कणकेचे आणि बटाट्याच्या मिश्रणाचे मध्यम आकाराचे समान गोळे करावे.
४) ४ इंच गोल पोळी लाटून त्यात बटाट्याच्या मिश्रणाचा एक गोळा मध्यभागी ठेवावा आणि कणकेची बाकी टोकं मध्यभागी आणून बटाट्याचे मिश्रण पूर्ण कव्हर करावे (पुरणपोळीला जसे स्टफिंग करतो तसे).
५) पोळपाटावर थोडे गव्हाचे पिठ लावावे. आणि हलक्या हाताने पराठा लाटावा. तवा गरम करावा आणि मगच पराठा त्यावर टाकावा. बटर किंवा तेलावर हा पराठा दोन्ही बाजूंनी निट भाजावा.


टीप:
१) पराठ्यात लसणीऐवजी अगदी बारीक चिरलेला कांदासुद्धा घालू शकतो.
२) पिठ अगदी सैल मळू नये, किंचीत घट्टच असावे.

चकली

शेव बटाटा पुरी - Sev Batata Puri

Shev Batata Puri in English

प्रांता-प्रांतात जशी जेवणाची पद्धत बदलते, तशी नाक्या-नाक्यावर पाणीपुरी, भेळपुरीची चव बदलत असते. अशाच अनेक पद्धतीतील मी बनवलेल्या "घरगुती आणि चविष्ठ" शेव बटाटा पुरीची हि कृती :

साहित्य:
टॉपिंग
१ मोठा कांदा
२ टोमॅटो
२ मध्यम आकाराचे शिजवलेले बटाटे
पिवळी बारीक शेव (नायलॉन शेव)
बारीक चिरलेली कोथिंबीर
चटण्या
यात तीन प्रकारच्या चटण्या वापरल्या जातात. यातील लाल चटणी थोडी वेगळी आहे पण याने शेव बटाटा पुरीला मस्त स्वाद येतो.
हिरवी चटणी आणि आंबटगोड चटणी
आंबट गोड चटणी
लाल चटणी
१ ते दिड चमचा लाल तिखट
३-४ लसणीच्या पाकळ्या
वरून पेरण्यासाठी
काळे मिठ
चाट मसाला
पुर्‍यांसाठी साहित्य:
१ ते दिड वाटी कणिक (गव्हाचे पीठ)
२-३ चमचे तेल
मिठ
पाणी
तळण्यासाठी तेल

कृती:
१) पुरीची कृती :
शेव बटाटा पुरीसाठी लागणार पुर्‍या करायला अगदी सोप्या असतात. जर शक्य असेल तर आपण त्या घरीसुद्धा बनवू शकतो.


तेल भरपूर गरम करावे आणि कणकेच्या पिठाला त्याचे मोहन घालावे. चवीपुरते मीठ घालावे. २-३ मिनीटांनी कणिक घट्ट मळून घ्यावी.थोडावेळ पिठ झाकून ठेवावे. नतंर त्याचे गोटीएवढे गोळे करावे. त्याच्या छोट्या पुर्‍या लाटाव्यात. काटा-चमच्यातील काट्याने पुरीवर ५-६ वेळा टोचावे (फोटो) त्यामुळे पुर्‍या फुगणार नाहीत.हे करत असतानाच कढईत तेल तापत ठेवावे. पुर्‍या मध्यम गॅसवर तळाव्यात. एकदम गरम तेलात भराभर तळून काढू नयेत त्यामुळे पुर्‍या नरम पडतात आणि पुर्‍यांना आवश्यक कडकपणा येत नाही. तळलेल्या पुर्‍या थोडावेळ टीपकागदावर काढून ठेवाव्यात. लगेच डब्यात भरू नयेत.

२) चटण्या

* हिरवी चटणी आणि आंबटगोड चटणी
* लाल चटणी: लाल तिखट, लसूण आणि किंचीत पाणी घालून मिक्सरवर बारीक करावी.
३) सर्वात शेवटी कांदा, टोमॅटो, कोथिंबीर अगदी बारीक चिरून घ्यावी. बटाटा व्यवस्थित कुस्करून घ्यावा.
४) शेव बटाटा पुरी बनवण्याचा क्रम : पुर्‍या, बटाटा, कांदा, लाल चटणी, आंबट गोड चटणी, हिरवी चटणी, चाट मसाला, काळे मिठ, शेव, टोमॅटो, कोथिंबीर, थोडे जास्त तिखट हवे असल्यास हिरवी चटणी.

टीप:१) उरलेल्या पुर्‍या हवाबंद डब्यात भरून ठेवाव्यात. आठवडाभर छान टिकतात.
२) कणिक घट्टच मळली पाहिजे, जर कणिक सैल मळली गेली तर पुर्‍या नरम होतात.
३) पाणीपुरीच्या न फुगलेल्या पुर्‍या शेव बटाटा पुरीसाठी वापरता येतात.

बटाटा चिवडा - Batata Chiwada

Batata Chiwada in English


"हा बटाटा चिवडा करायला कडक ऊन असणे आवश्यक आहे." बटाटयाचा किस निट वाळणे आवश्यक असते. कोकणामध्ये उन्हाळ्यात हा बटाटयाचा किस वर्षभर पुरेल इतका वाळवून ठेवतात. खाली दिलेली कृती ९-१० डिशेस चिवडा
बनेल एवढे प्रमाण दिले आहे.

साहित्य:
४ मोठे बटाटे
मोठे छिद्रं असलेली किसणी
जाड प्लास्टिकची शिट (किमान ३ फुट x ३ फुट)
शेंगदाणे
तिखट
साखर
मीठ
बटाटयाचा किस तळण्यासाठी तेल

कृती:
१) रात्री बटाटे प्रेशर कूकरमध्ये ४-५ शिट्ट्या करून शिजवावे. कूकरमधून काढून पेपरवर काढून घ्यावे. रात्रभर बाहेर ठेवावेत. दुसर्या दिवशी सकाळी ९-९.३० च्या सुमारास उन्हात प्लास्टिकची शिट घालावी.
२) बटाटे सोलून घ्यावेत. बटाटे थेट प्लास्टिक शिटवरच किसावे. बटाटे किसताना किसणीवर वरून खाली अशीच डिरेक्शन ठेवावी. एकदा किसून झाले कि बटाटा किंचित किसणीपासून उचलावा आणि पुन्हा वरून खाली अशी डिरेक्शन ठेवावी. किसणी आणि प्लास्टिक शिटमध्ये १/२ फूट अंतर ठेवावे.
३) बटाटा किसताना प्रत्येक वरून खाली अशा डिरेक्शननंतर किसणी थोडी पुढे करावी. म्हणजे किसलेला किस मोकळा राहिल, एकावर एक पडणार नाही.
४) अशा प्रकारे १-२ उन्हं दाखवून किस कडक वाळवावा.
५) गरम तेलामध्ये सर्वप्रथम शेंगदाणे तळून घ्यावे. शेंगदाणे बाजूला काढून बटाटा किस तळून घ्यावा. किचन टॉवेल किंवा टिश्यू पेपरवर अधिकचे तेल काढून टाकावे.
६) तळलेला किस थोडा गार झाला कि त्यात मीठ, पिठीसाखर, लाल तिखट आणि तळलेले शेंगदाणे घालून एकत्र करावे.

टीप: खाताना आवडत असल्यास खवलेला ओला नारळ, बारीक चिरलेली हिरवी मिरची, कोथिंबीर, लिंबाचा रस आणि थोडी जिरेपूड घालावी.

Labels:
Chiwda recipe, Chiwada recipe, chivada recipe, Maharashtrian Chiwada recipe, Fast recipe, Fasting snacks, Upvas snacks, faral recipe

पुदीना आणि बटाटा बॉल्स - Pudina Batata Balls

Mint Potato Balls in English

बेक केल्यावर

साहित्य:
२ शिजवलेले बटाटे (मध्यम आकाराचे)
१ कप किसलेले चीज़ (मेक्सिकन चीज़ ब्लेण्ड मिळाल्यास उत्तम)
७-८ पुदिन्याची पाने आणि ४-५ मिरच्या मिकसर मध्ये वाटून घ्यावे किंवा एकदम बारीक चिरून घ्यावे.
२ टेबलस्पून बटर
१ छोटा चमचा कॉर्न फ्लोर
चवीपुरते मीठ आणि मिरपूड

कृती:
१) सर्व साहित्य एकजीव करून घ्यावे. पाणी घालायला लागत नाही.
२) घट्ट गोळा करून घ्यावा. व तो २० मिनिटे झाकून ठेवावा.
३) वाटल्यास थोडे बटर वाढवून गोळा मळण्यायोग्य करावा.
४) त्याचे सुपरीएवढे गोळे करून घ्यावेत.
५) हे गोळे कनवेन्शनल ओव्हन मध्ये बेक करावेत (३५० F वर ७-८ मिनिटे). साधारण गोळयांचा रंग थोडा बदलला की लगेच काढावेत.
६) हे गोळे साधारणतः २० मिनिटनंतर गरम तेलात तळावेत. गोल्डन ब्राऊन रंग झाला की बाहेर काढावेत.

हा पदार्थ बिघडण्याचा चान्स कमी आहे आणि चवीविषयी मी काही लिहीत नाही ....तुम्हीच सांगा !!

Labels:
Potato Taters, tater tots, potato cheese balls, cheese balls